Afat Ki Shokhiyan Hain Tumhari Nigah Men
Mehashar Ke Fitane Khelate Hain Jalwa-Gah Men

Wo Dushmani Se Dekhate Hain Dekhate To Hain
Main Shad Huun Ke Huun To Kisi Ki Nigah Men

Ati Bat Bat Mujhe Yad Bar Bar
Kahata Huun Daud Daud Ke Qasid Se Rah Men

Is Taubah Par Hai Naz Mujhe Zahid Is Qadar
Jo Tuut Kar Sharik Huun Hal-E-Tabah Men

Mushtaq Is Ada Ke Bahot Dard-Mand The
Ae Dag Tum To Baith Gaye Ek Ah Men