Category: 140 Words Shayari

Zindigi kehty ha

Roz Rotay Huay Kahti HAy Zindagi Mujh Say

Sirf 1 Shaks Ki Khatir Mujhay Barbad Na Kar

Sms urdu love 140

Jab Bhi main tere samne hota hun.
Na Jane Kyon Aisa Lagta hain.
Ye waqt Yanhi tham jaye.
Zamana Na Jane Kyun Itna Tez Bheta Hain.

 

ab Bhi Ata hain tera naam mere naam ke sath,
Log Jal Jal Kar Khakh Hue Jate Hain.
Udtha Hain Dil Se Jaise Dhuwan.
Bus woh Chone se hi Rakh hue Jate hain.

 

Na Jane Kyon ek baat mere dil main kab se atki hain.
Sayad wo tum hi tu jo ajj tak mujh se lepti hain.
Nahi sone deta ye khalipan mujh ko.
Kabhi anso…khabi rona, khabhi sisiki hain

 

Share with us more Sms urdu love 140 in Comments Section below.

Tund mein aur aise kamsin ke liye – Ameer Minai

tund mein aur aise kamsin ke liye
saqiya halki si la in ke liye
mujh se rukhsat ho mera ahad-e-shabab
ya khuda rakhna na us din ke liye
hai javani khud javani ka singar
sadagi gahana hai is sin ke liye
sab hasin hain zahidon ko napasand
ab koi hur aayegi in ke liye
vasl ka din aur itna mukhtasar
din gine jate the is din ke liye
sari duniya ke hain wo mere siva
main ne duniya chod di jin ke liye
lash par ibarat ye kahati hai ‘ameer’
aaye the duniya mein is din ke liye

Poet of the Poem/Ghazal or Nazam: Ameer Minai

Tune ye phul jo zulfon mein laga rakha hai – Qateel Shifai

tune ye phul jo zulfon mein laga rakha hai
ik diya hai jo andheron mein jala rakha hai
jit le jaye koi mujhko nasibon vala
zindagi ne mujhe da o pe laga rakha hai
jane kab aaye koi dil mein jhankane vala
is liye main ne gireban ko khula rakha hai
imtehan aur meri zabt ka tum kya loge
main ne dhadakan ko bhi sine mein chupa rakha hai

Poet of the Poem/Ghazal or Nazam: Qateel Shifai

Yahin ke thi mohabbat ke sabaq ke ibtada main ne – Makhdoom Mohiuddin

yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd’a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

Poet of the Poem/Ghazal or Nazam: Makhdoom Mohiuddin

Kya kahun tum se main ke kya hai ishq

kya kahun tum se main ke kya hai ishq
jan ka rog hai, bala hai ishq
ishq hi ishq hai jahan dekho
sare aalam mein bhar raha hai ishq
ishq mashuq ishq aashiq hai
yani apna hi mubtala hai ishq
ishq hai tarz-o-taur ishq ke tain
kaheen banda kaheen khuda hai ishq
kon maqsad ko ishq bin pahuncha
aarzoo ishq va mudda hai ishq
koyi khvahan nahi mohabbat ka
tu kahe jins-e-narawa hai ishq
meerji zard hote jate hain
kya kaheen tum ne bhi kiya hai ishq?

Poet of the poem/ghazal or Nazam: Meer Taqi Meer

Meri teri nigah mein jo lakh intazar hain

meri teri nigah mein jo lakh intazar hain
jo mere tere tan badan mein lakh dil figar hain
jo meri teri ungaliyon ke behisi se sab qalam nazar hain
jo mere tere shahar ke har ik gali mein
mere tere naqsh-e-pa ke be-nishan mazar hain
jo meri teri raat ke sitare zakhm zakhm hain
jo meri teri subah ke gulab chak chak hain
ye zakhm sare be-dava ye chak sare be-rafu
kisi pe rakh chand ke kisi pe os ka lahu
ye hain bhi ya nahi bata
ye hai ki mahaz jal hai
mere tumhare ankabut-e-vaham ka buna hua
jo hai to is ka kya karen
nahi hai to bhi kya karen
bata, bata, bata, bata

Poet of the poem/ghazal or Nazam: Faiz Ahmed Faiz

Kya khabar thi is tarah se wo juda ho jayega

kya khabar thi is tarah se wo juda ho jayega
khwab mein bhi us ka milana khwab sa ho jayega
zindagi thi qaid hamen kya nikaloge us se
maut jab aa jayegi to khud riha ho jayega
dost banakar us ko chaha, ye kabhi socha na tha
dosti hi dosti mein wo khuda ho jayega
us ka jalva hoga kya jisaka ke parda nur hai
jo bhi us ko dekh lega wo fida ho jayega

Poet of the poem/ghazal or Nazam: Rustom Sehgal Wafa








More about 140 Words Shayari and Poetry in Urdu and Hindi


140 Words Shayari,140 Words Love Poetry,Love Shayari in 140 Words,Hindi 140 Words Poetry,Urdu SMS Shayari 140 Words