ganv mit jayega shahar jal jayega
zindagi tera chehara badal jayega
kuch likho marsiya masanavi ya gazal
koi kagaz ho pani mein gal jayega
ab usi din likhunga dukhon ki gazal
jab mera hath lohe mein dhal jayega
main agar muskura kar unhen dekh lun
qatilon ka irada badal jayega
aj suraj ka rukh hamari taraf
ye badan mom ka hai pighal jayega

Poet of the poem/ghazal or Nazam: Bashir Badr

fursat-e-kar faqat char ghadi hai yaro
ye na socho ki abhi umr padi hai yaro
apne tarik makanon se to bahar jhanko
zindagi shamma liye dar pe khadi hai yaro
unake bin jee ki dikha denge chalo yun hi sahi
bat itani si hai ki zid aan padi hai yaro
fasala chand qadam ka hai mana lain chal kar
subah aayi hai magar dur khadi hai yaro
kis ki dahaliz pe le jake sajaun is ko
bich raste mein koi lash padi hai yaro
jab bhi chahenge zamane ko badal dalenge
sirf kahane ki liye bat badi hai yaro

Poet of the poem/ghazal or Nazam: Jan Nisar Akhtar

fitana phir aj uthane ko hai sar lagata hai
khoon hi khoon mujhe rang-e-sahar lagata hai
man lun kaise ki main aib sarapa hun faqat
mere ahabab ka ye husn-e-nazar lagata hai
kal jise phunka tha ye kah ki ki dushman ka hai ghar
sochata hun to wo aj apana hi ghar lagata hai
ehatiyatan koi dar phod lain divar mein ab
shor badhata hua kuch janib-e-dar lagata hai
ek daravaza hai har samt mein khulane ki liye
hon na ho ye to mujhe shekh ka ghar lagata hai

Poet of the poem/ghazal or Nazam: Anand Narain Mulla

firaq-e-dida hun main vasl-e-yar baqi hai
khizan rasida chaman ki bahar baqi hai
hawa to kahati hai saqamade bahar-e-chaman
sada-e-guncha-e-vahadat hazar baqi hai
buton ki qahar se hum ko maqam-e-yas nahi
ummid-e-rahamat-e-paravar-digar baqi hai

Poet of the poem/ghazal or Nazam: Daya Shanker Naseem

firaq se bhi gaye hum visal se bhi gaye
subuk huye hain to aish-e-malal se bhi gaye
jo but-kade mein the wo sahiban-e-kashf-o-kamal
haram mein aaye tp kashf-o-kamal se bhi gaye
usi nigah ki narmi se dag-maga gaye qadam
usi nigah ki tevar sambhal se bhi gaye
gam-e-hayat-o-gam-e-dost ki kashakash mein
hum aise log to ranj-o-malal se bhi gaye
wo log jin se teri bazm mein the hangame
gaye to kya teri bazm-e-khayal se bhi gaye
hum aise kon the lekin qafas ki ye duniya
ki par-shikaston mein apni misal se bhi gaye
charag-e-bazm abhi jan-e-anjuman na bujha
ki ye bujha to tere khad-o-khal se bhi gaye

Poet of the poem/ghazal or Nazam: Aziz Hamid Madni

‘faraz’ ab koi sauda koi junun bhi nahi
magar qarar se din kat rahe hon yun bhi nahi
lab-o-dahan bhi mila guftagu ka fan bhi mila
magar jo dil pe guzarati hai kah sakun bhi nahi

meri zuban ki luknat se badguman na ho
jo tu kahe to tujhe umr bhar milun bhi nahi

‘faraz’ jaise koi diya turbat-e-hava chahe hai
tu pas aaye to mumkin hai main rahun bhi nahi

Poet of the poem/ghazal or Nazam: Ahmed Faraz

apne mazi ki tasavvur se hirasa hun main
apne guzri hue ayyam se nafarat hai mujhe
apni bekar tamannaon pe sharminda hun main
apni besud ummidon pe nidamat hai mujhe
mere mazi ko andhere mein daba rahane do
mera mazi meri zillat ki siva kuch bhi nahi
meri ummidon ka hasil meri kavish ka sila
ek benam aziyat ki siva kuch bhi nahi
kitni bekar ummidon ka sahara lekar
main ne aiwan sajaye they kisi ki khatir
kitni berabt tamannazon ki mabham khake
apne khwabon mem basaye the kisi ki khatir
mujhase ab meri mohabbat ki fasane na pucho
mujhko kahane do ki main ne unhen chaha hi nahi
aur wo mast nigahen jo mujhe bhool gain
main ne un mast nigahon ko saraha hi nahi
mujhko kahane do ki main aj bhi jee sakata hun
ishq nakam sahi zindagi nakam nahi
unko apanane ki khvahish unhen pane ki talab
shauq bekar sahi sai-gam anjam nahi
wohi gesu wohi nazar wohi aarid wohi jism
main jo chahun ki mujhe aur bhi mil sakate hain
wo kanval jinako kabhi munake liye khilana tha
unaki nazaron se bahut dur bhi khil sakate hain

Poet of the poem/ghazal or Nazam:  Sahir Ludhianvi

yun teri nigahon se gila kuch bhi nahi tha
is dil ne to bekar yun hi baithe bithaye
virani-e-lamhat ko bahalane ki khatir
afsane gadhe baten bana li thin hazaron
ye ishq ka afsana jo phir cheda hai tu ne
bekar hai ab waqt kahan us ko sunun main
jab tum ko faragat na thi ab mujh ko nahi hai

Poet of the poem/ghazal or Nazam:  Balraj Komal