ek purana mausam lauta yaad bhari puravai bhi
aisa to kam hi hota hai wo bhi ho tanahai bhi
yadon ki baucharon se jab palaken bhigane lagti hain
kitni saundhi lagti hai tab manjhi ki rusavai bhi
do do shaqlen dikhati hain is bahake se aaine mein
mere sath chala aaya hai aap ka il saudai bhi
khamoshi ka hasil bhi ik lambi si khamoshi hai
un ki bat suni bhi hamane apni bat sunai bhi

Poet of the poem/ghazal or Nazam: Gulzar

ek paravaz dikhai di hai
teri aavaz sunai di hai
jis ki aankhon mein kati thi sadiyan
us ne sadiyon ki judai di hai
sirf ek safah palat kar us ne
biti baton ki safai di hai
phir waheen laut ki jana hoga
yar ne kaisi rihai di hai
aag ne kya kya jalaya hai shav par
kitni khus-rang dikhai di hai

Poet of the poem/ghazal or Nazam:  Gulzar

ek pal mein ek sadi ka maza hum se puchiye
do din ki zindagi ka maza hum se puchiye
bhule hain unhen rafta rafta mudatton mein hum
qishton mein khudkushi ka maza hum se puchiye
aagaz-e-ashiqi ka maza aap janiye
anjam-e-ashiqi ka maza hum se puchiye
jalate diyon mein jalate gharon jaise zau kahan
sarakar raushni ka maza hum se puchiye
wo jan hi gaye ki hamen un se pyar hai
aankhon ki mukhbari ka maza hum se puchiye
hansane ka shauq hum ko bhi tha aap ki tarah
hansiye magar hansi ka maza hum se puchiye
hum tauba kar ki mar gaye bemaut ae ‘khumar’
tauhin-e-maikashi ka maza hum se puchiye

Poet of the poem/ghazal or Nazam:  Khumar Barabankvi

ek nazar dekh ki hum jan gaye
aap kya cheez hain pehchan gaye
phir bhi zinda hun ajab bat ye hai
kab se wo leke meri jan gaye
tum jo aaye the meri mahafil mein
dil gaye hath se iman gaye
jis rah par farishte na pahunche
us jagah aj se insan gaye

Poet of the poem/ghazal or Nazam: Ibrahim Ashk

ek muddat hui ek zamana hua
khak-e-gulashan mein jab aashiyana hua
zulf-e-baraham ki jab se shanasai hui
zindagi ka chalan mujremana hua
phul jalate rahe chand hanste raha
aarzoo ka muqammal fasana hua
daag dil ki shahanshah ki sikke bane
dil ka muflis-kada jab khazana hua
rahbar ne palat kar na dekha kabhi
rahr-o-raste ka nishana hua
hum jahan bhi gaye zauq-e-sajda liye
har jagah aap ka aasatana hua
dekh mizarab se khoon tapakane laga
saz ka tar marg-e-tarana hua
pahale hoti thi koi vafa-paravari
ab to “sagar” ye qissa purana hua

Poet of the poem/ghazal or Nazam:  Sagar Siddiqui

ek ju-e-dard dil se jigar tak ravan hai aj
pighala hua ragon mein ik aatish-fishan hai aj
lab si diye hain ta na shikayat kare koi
lekin har ek zakhm ki muh mein zaban hai aj

tarikiyon ne gher liya hai hayat ko
lekin kisi ka ru-e-hasin darmiyan hai aj
jine ka waqt hai yahi marane ka waqt hai
dil apni zindagi se bahut shadaman hai aj
ho jata hun shahid har ahal-e-vafa ki sath
har dastan-e-shauq meri dastan hai aj

aaye hain kis nishat se hum qatl-gah mein
zakhmon se dil hai chur nazar gul-fishan hai aj

zindaniyon ne tod diya zulm ka gurur
wo dab-daba wo raub-e-hukumat kahan hai aj

Poet of the poem/ghazal or Nazam: Ali Sardar Jafri

ek ek qatre ka mujhe dena pada hisab
khun-e-jigar vadiat-e-mishagan-e-yar tha
ab main hun aur matam-e-yak shahar-e-arazu
toda jo tu ne aaina timasal dar tha
galiyon mein meri nash ko khenche phiro ki main
jan dad-e-hava-e-sar-e-rahaguzar tha
mauj-e-sarab-e-dasht-e-vafa ka na puch hal
har zarra misl-e-jauhar-e-teg aabadar tha
kam janate the hum bhi gam-e-ishq ko par ab
dekha to kam hue pa gam-e-rozagar tha

Poet of the poem/ghazal or Nazam: Mirza Ghalib

ab aur kya tera bimar bap dega tujhe
bas ek dua ki khuda tujh ko kamayab kare
wo tank de tere aanchal mein chand aur tare
tu apne vaste jis ko bhi intakhab kare

Poet of the poem/ghazal or Nazam: Kaifi Azmi