apni soi hui duniya ko jaga lun to chalun
apne gamkhane mein ik dhum macha lun to chalun
aur ik jam-e-may-e-talkh chadha lun to chalun
abhi chalata hun zara khud ko sambhalun to chalun
jane kab pi thi abhi tak hai may-e-gam ka khumar
dhundhala dhundhala sa nazar aata hai jahan-e-bedar
aandhiyan chalati hain duniya hui jati hai gubar
aankh to mal lun zara hosh mein aa lun to chalun
wo mera sahir wo ejaz kahan hai lana
meri khoi hui aavaz kahan hai lana
mera tuta hua wo saz kahan hai lana
ik zara geet bhi is saz pe ga lun to chalun
main thaka hara tha itane mein jo aaye badal
kisi matavale ne chupke se badha di botal
uff wo rangin pur-asarar khayalon ke mahal
aise do char mahal aur bana lun to chalun
meri aankhon mein abhi tak hai muhabbat ka gurur
mere honton ko abhi tak hai sadaqat ka gurur
mere mathe pe abhi tak hai sharafat ka gurur
aise vahamon se bhi ab khud ko nikalun to chalun

Poet of the Poem / Ghazal or Nazam :Moin Ahsan Jazbi

main apne khwab se bichada nazar nahi aata
tu is sadi mein akela nazar nahi aata
ajab dabav hai in bahri hawaon ka
gharon ka bojh bhi uthta nazar nahi aata
main ek sada pe hamesha ko ghar chod aaya tha
magar pukarane vala nazar nahi aata
main teri reh se hatane ko hat gaya lekin
mujh to koi bhi rasta nazar nahi aata
dhuan bhara hai yahan sabhi ke aankhon mein
kisi ko ghar mera jalta nazar nahi aata

Poet of the Poem / Ghazal or Nazam :Wasim Barelvi

main aarazu-e-jan likhun ya jan-e-arazu
tu hi batade naz se iman-e-arazu
iman-o-jan nisar teri ik nigah par
tu jan-e-arazu hai tu iman-e-arazu
ik wo ke aarazuon pe jite hain umr bhar
ik hum ke hain abhi se pasheman-e-arazu
aankhon se ju-e-khun hai ravan dil hai daag daag
dekhe koi bahar-e-gulistan-e-arazu

Poet of the Poem / Ghazal or Nazam :Akhtar Shirani

Kash main tere hasin hath ka kangan hota
tu bade pyar se bade chao se bade araman ke sath
apni nazuk si kalai mein chadhati mujh ko
aur betabi se furqat ke khizan lamhon mein
tu kisi soch mein dubi jo ghumati mujh ko
main tere hath ke khushbu se mahak sa jata
jab kabhi mud mein aa kar mujhe chuma karati
tere honton ke shiddat se main dahak sa jata
raat ko jab bhi tu nindon ke safar par jati
marmari hath ka ik takiya banaya karati
main tere kan se lag kar kai baten karta
teri zulfon ko tere gal ko chuma karta
jab bhi tu band qaba kholane lagti janan
apni aankhon ko tere husn se khera karta
mujh ko betab sa rakhta teri chahat ka nasha
main teri ruh ke gulashan mein mahakata rehta
main tere jism ke aangan mein khanakata rehta
kuch nahi to yahi benam sa bandhan hota
kash main tere hasin hath ka kangan hota

Poet of the Poem / Ghazal or Nazam : Wasi Shah

besan ke sondhi roti par
khatti chatani jaisi man
yaad aati hai chauka-basan
chimata phukani jaisi man
bans ke khurri khat ke upar
har aahat par kan dhare
aadhi soi aadhi jagi
thaki dopahari jaisi man
chidiyon ke chahakar mein gunje
radha-mohan ali-ali
murge ke aavaz se khulati
ghar ke kundi jaisi man
bivi, beti, bahan, padosan
thodi thodi si sab mein
din bhar ik rassi ke upar
chalati natani jaisi man
bant ke apna chehara, matha,
aankhen jane kahan gai
phate purane ik alabam mein
chanchal ladaki jaisi man

Poet of the Poem / Ghazal or Nazam :Nida Fazli

Laut aayi tere lams se mahaki hui shamen
phir aag laga di teri sanson ne hawa

raqsan hain isi lay pe sitaren hon ki shabanam
kya sahar hai is dil ke dhadakane ke sada mein
ik nur ka sailab hai band aankhon ke andar
lipate hue chehare hain andhere ke rida mein
kis aag ne rakkha hai qadam dil ke zamin pe
suraj se damakate hain nishan-e-kaf-e-pa mein
is khauf se ik umr hamen neend na aayi
ik chor chupa baitha hai sine ke gufa mein

Poet of the Poem / Ghazal or Nazam : Shahzad Ahmed

Ishq ko be-naqab hona tha
aap apana javab hona tha
teri aankhon ka kuch qusur nahi
han mujhi ko kharab hona tha
dil ki jis par hain naqsh-e-ranga-rang
us ko sada kitab hona tha
hum ne nakamiyon ko dhund liya
aakhirash kamayab hona tha

Poet of the Poem / Ghazal or Nazam : Jigar Moradabadi

Aaiye hath uthayen hum bhi
hum jinhen rasm-e-dua yaad nahi
hum jinhen soz-e-mohabbat ke siwa
koi but, koi khuda yaad nahi
aaiye arz guzaren ki nigar-e-hasti
zahar-e-imaroz mein shirini-e-fardan bhar de
wo jinhen tabe garanbari-e-ayyam nahi
unaki palkon pe shab-o-roz ko halka kar de
jinaki aankhon ko rukh-e-subh ka yara bhi nahi
unaki raton mein koi shama munawwar kar de
jinake qadmon ko kisi rah ka sahara bhi nahi
unaki nazron pe koi rah ujagar kar de
jinaka din pairavi-e-kazbo-riya hai unko
himmat-e-kufr mile, jurat-e-tahaqiq mile
jinake sar muntazir-e-teg-e-jafa hain unko
dast-e-qatil ko jhatak dene ke taufiq mile
ishq ka sarr-e-nihan jan-tapan hai jis se
aj iqarar karen aur tapish mit jaye
harf-e-haq dil mein khatakata hai jo kante ke tarah
aj izahar karen or khalish mit jaye

Poet of the Poem / Ghazal or Nazam : Faiz Ahmed Faiz