mil bhi jate hain to katara ke nikal jate hain
haye mausam ke tarah dost badal jate hain
hum abhi tak hain giraftar-e-muhabbat yaro
thokaren kha ke suna tha ki sambhal jate hain
ye kabhi apni jafa par na hua sharminda
hum samajhate rahe pathar bhi pighal jate hain
umr bhar jin ke vafaon pe bharosa kije
waqt padane pe wohi log badal jate hain

Poet of the Poem / Ghazal or Nazam :Bashir Badr

Guzre Dinon Ki Bhuli Hoi Bat Ki Tarha
Ankhon Me Jagta He Koi Rat Ki Tarha
Tumse Umed Thi K Nibhao Gy Dosti
Tum Bhi Badal Gaye Mosam aur Halaat Ki Tarha

Mil Bhi Jaate Hai To Katra Kar Nikal Jaate Hai
Haaye Mausamki Tarah Dost Badal Jaate Hai

Wo Kabhi Apni Jafa Par Na Hue Sharminda
Hum Samajhte Rahe Patthar Bhi Pighal Jate Hai

Umar Bhar Jinki Wafaon Pe Bharosa Kariye
Waqt Padne Par Wohi Log Badal Jaate Hai…

Waade Pe Woh Mere Aitbaar Nahi Karte
Hum Zikare Mohabbat Ka Saare-Bazaar Nahi Karte
Darta Hai Dil Unki Ruswai Se
Aur Woh Soachte Hai Ki Hum Unse Pyaar Nahi Karte

Waqt Ka Har Ik Chalan Badal Dein
Chalo Nizaam-E-Kohan Badal Dein
Banayein Nayzon Ko Lafz Aur Hum
Ada-E-Shair-O-Sukhan Badal Dein

Badalne Wale Toh Har Cheez Badal Dete Hain
Kamaan Se Nikla Teer Badal Dete Hain
Tum Toh Mere Chaar Ansu Na Badal Sake
Badalne Wale Toh Taqdeer Badal Dete Hain

Raaste Badal Jaate Hain, Manzilain Badal Jaati Hain
Kyun Nahin Badalte Dil Jo Taqdeerain Badal Jaati Hain
Dil Wohi Rehta Hai, Yaadon Ki Anginat Karchaiyaan Le Ke
Aankhon Ki Nami Chupa Kar, Nazrain Badal Jaati Hain
Rooh Rehti Hai Har Lamha Ashkbaar, Lab Hanste Hain
Bahar Aur Andar Ki Kis Tarah Fizaain Badal Jaati Hain
Koi Hota Hai Rafta Rafta Zindagi Se Door, Bohot Door
Haathon Ki Yeh Lakeerain Kyun Aksar Badal Jaati Hain !!