Category: Bhool Shayari

Ye daulat bhi le lo, ye shoharat bhi le lo – Sudarshan Faakir

Ye daulat bhi le lo, ye shoharat bhi le lo
bhale chin lo mujhase meri javani
magar mujhko lauta do bachpan ka savan
wo kagaz ke kashti, wo barish ka pani
muhalle ke sabase nishani purani
wo budhiya jise bache kahate the nani
wo nani ke baton mein pariyon ka dera
wo chahare ke jhuriryon mein sadiyon ka phera
bhulaye nahi bhool sakata hai koi
wo choti si raten wo lambi kahani
kadi dhup mein apne ghar se nikalana
wo chidiya wo bul-bul wo titali pakadana
wo gudiya ke shadi mein ladana jhagadana
wo jhulon se girna wo gir ke sambhalana
wo pital ke challon ke pyare se tohafe
wo tuti hui chudiyon ke nishani
kabhi ret ke unche tilon pe jana
gharonde banana banake mitana
wo masum chahat ke tasvir apni
wo khwabon khilaunon ke jagir apni
na duniya ka gham tha na rishton ke bandhan
badi khubasurat thi wo zindagani

Poet of the Poem / Ghazal or Nazam :Sudarshan Faakir

Yaad nahi kya kya dekha tha sare manzar bhool gaye – Nazeer Baqri

Yaad nahi kya kya dekha tha sare manzar bhool gaye
us ke galiyon se jab laute apna bhi ghar bhool gaye
khub gaye pardes ki apne divar-o-dar bhool gaye
shish-mahal ne aisa ghera matti ke ghar bhool gaye
tujh ko bhi jab apni qasamen apne wade yaad nahi
hum bhi apne khwab teri aankhon mein rakh kar bhool gaye
mujh ko jinhone qatl kiya hai koi unhen batalaye “nazeer”
meri lash ke pehlu mein wo apna khanjar bhool gaye

Poet of the Poem / Ghazal or Nazam :Nazeer Baqri

Sabhi kuch hai tera diya hua sabhi rahaten sabhi kalafaten – Faiz Ahmed Faiz

Sabhi kuch hai tera diya hua sabhi rahaten sabhi kalafaten
kabhi sohabaten kabhi furqaten kabhi duriyan kabhi qurbaten
ye sukhan jo hum ne raqam kiye ye hain sab varaq teri yaad ke
koi lamha subah-e-visal ka, kai sham-e-hijr ke qurbaten
jo tumhari man lain nasiha to rahega daman-e-dil mein kya
na kisi udu ke adavaten na kisi sanam ke muravvaten
chalo aao tum ko dikhayen hum jo bacha hai maqtal -e-shahar mein
ye mazar ahal-e-safa ke hain ye hain ahal-e-sidq ke turbaten
meri jan aj ka gham na kar, ke na jane katib-e-vaqt ne
kisi apne kal mein bhi bhool kar kaheen likh rakhi ho masarraten

Poet of the Poem / Ghazal or Nazam :Faiz Ahmed Faiz

Rudad-e-muhabbat kya kahiye kuch yaad rahi kuch bhool gaye – Sagar Siddiqui

Rudad-e-muhabbat kya kahiye kuch yaad rahi kuch bhool gaye
do din ke masarrat kya kahiye kuch yaad rahi kuch bhool gaye

jab jam diya tha saqi ne jab daur chala tha mahafil mein
wo hosh ke sa’at kya kahiye kuch yaad rahi kuch bhool gaye

ehasas ke maikhane mein kahan ab fikr-o-nazar ke qandilen
aalam ke shiddat kya kahiye kuch yaad rahi kuch bhool gaye

ab apni haqiqat bhi “sagar” berabt kahani lagti hai
duniya ke haqiqat kya kahiye kuch yaad rahi kuch bhool gaye

Poet of the Poem / Ghazal or Nazam :Sagar Siddiqui

Payam aaye hain us yar-e-bevafa ke mujhe – Ahmed Faraz

Payam aaye hain us yar-e-bevafa ke mujhe
jise qarar na aaya kaheen bhula ke mujhe
nashe se kahun to nahi yad-e-yar ka aalam
ke le uda hai koi dosh par hawa ke mujhe
judaiyan hon to aisi ki umr bhar na mile
fareb to do zara silsile bada ke mujhe
main khud ko bhool chuka tha magar jahan wale
udas chod gaye aaina dikhake mujhe

Poet of the Poem / Ghazal or Nazam : Ahmed Faraz

Pyar mujhase jo kiya tumane to kya paogi – Javed Akhtar

pyar mujhase jo kiya tumane to kya paogi
mere halat ke aandhi mein bikhar jaogi
ranj aur dard ke basti ka main bashinda hun
ye to bas main hun ke is hal mein bhi zinda hun
khwab q dekhun wo kal jisape main sharminda hun
main jo sharminda hua tum bhi to sharamaogi
q mere sath koi aur pareshan rahe
meri duniya hai jo viran to viran rahe
zindagi ka ye safar tumako to aasan rahe
hamasafar mujhko banaogi to pachataogi
ek main kya abhi aayenge divane kitne
abhi gunjege muhabbat ke tarane kitne
zindagi tumako sunayegi fasane kitne
q samajhati ho mujhe bhool nahi paogi

Poet of the Poem / Ghazal or Nazam :Javed Akhtar

Meri vafayen yaad karoge – Taseer

meri vafayen yaad karoge
rooge, fariyad karoge
mujhko to barbad kiya hai
aur kise barbad karoge
hum bhi hansange tum par ik din
tum bhi kabhi fariyad karoge
mahafil ke mahafil hai gam-gin
kis-kis ka dil shad karoge
dushman tak ko bhool gaye ho
mujhko tum kya yaad karoge
jakar bhi nashad kiya tha
aakar bhi nashad karoge
chodo bhi ‘taseer’ ke baten
kab tak us ko yaad karoge

Poet of the Poem / Ghazal or Nazam : Taseer

Masih-e-vaqt sahi hum ko is se kya lena – Farig Bukhari

masih-e-vaqt sahi hum ko is se kya lena
kabhi mile bhi to dard-e-dil badha lena
hazar tark-e-vafa ka khayal ho lekin
jo ru-ba-ru hun to badh ke gale laga lena
kisi ko chot lage apne dil ko khoon karana
zamane bhar ke gamon ko gale laga lena
khumar tute to kaise ke hum ne sikh liya
tu na ho to teri yaad se nasha lena
safina dub bhi jaye to gham nahi ‘farig’
na bhool kar kabhi ehasan-e-nakhuda lena

 

Poet of the Poem / Ghazal or Nazam :Farig Bukhari

 








More about Bhool Shayari and Poetry in Urdu and Hindi


Bhool Shayari SMS, Bhoolna Shayeri, Bhool Jana Shairy SMS, Forget Shayari, Forget SMS Shayari, Bhool Jana SMS, Bhoolna Poetry SMS, Bhool SMS, Forget Poetry 140