|
Tum nahi gham nahi sharab nahi
aisi tanhai ka javab nahi
gahe gahe ise pada kije
dil se bahatar koi kitab nahi
jane kis kis ke maut aai hai
aj rukh pe koi naqab nahi
wo karam ungaliyon pe ginte hain
zulm ka jinake kuch hisab nahi
Poet of the Poem / Ghazal or Nazam : Saeed Rahi
Zikr us parivash ka, aur phir bayan apna
ban gaya raqib aakhir tha jo razdan apna
mein wo kyon bahut pite bazm-e-ghair mein yarab
aj hi hua manzur un ko imtihan apna
manzar ik bulandi par aur hum bana sakate
arsh se idhar hota kash ke makan apna
de wo jis qadar zillat hum hansi mein talenge
bare aashna nikala unaka pasaban apna
dard-e-dil likhun kab tak? jaun un ko dikhala dun
ungaliyan figar apni khamakhunchakan apna
ghisate ghisate mit jata aap ne abas badala
nang-e-sajda se mere sang-e-astan apna
ta kare na gamazi, kar liya hai dushman ko
dost ke shikayat mein hum ne ham-zaban apna
hum kahan ke dana the kis hunar mein yakta the
besabab hua ‘ghalib’ dushman aasman apna
Poet of the Poem / Ghazal or Nazam : Mirza Ghalib
Vusa’t-e-chashm ko andoh-e-basarat likha
main ne ik vasl ko ik hijr ke halat likha
main ne likkha ke safa-e-dil kabhi khali na ho
aur kabhi khali ho bhi to malamat likha
main ne paravaz likhi hadd-e-falaq se aage
aur be-bal-o-pari ko bhi nihayat likha
main ne dastak ko likha kash-ma-kash-e-be-khabari
jumbish-e-parda ko aane ke ijazat likha
main ne khushbu ko likha dastaras-e-gum-shudagi
rang ko fasala rakhane ke riyayat likha
zakhm likhane ke liye main ne likhi hai gafalat
khoon likhana tha magar main ne hararat likha
husn-e-goai ko likhana tha likhi saragoshi
shor likhana tha so aazar-e-sama’at likha
main ne tabir ko taharir mein aane na diya
khwab likhate hue mohataj-e-basharat likha
koi aasan rafaqat nahi likhi main ne
qarb ko jab bhi likha jazb-e-raqabat likha
itane daon se guzar kar ye khayal aata hai
‘azm’ kya tum ne kabhi harf-e-nadamat likha
Poet of the Poem / Ghazal or Nazam : Azm Behzad
Zist aazar hui jati hai
sans talavar hui jati hai
jism bekar hua jata hai
ruh bedar hui jati hai
kan se dil mein utarati nahi baat
aur guftar hui jati hai
dhal ke nikali hai haqiqat jab se
kuch purasrar hui jati hai
ab to har zakhm ke munhband kali
lab-e-izahar hui jati hai
phul hi phul hain har simt ‘nadeem’
reh dushvar hui jati hai
Poet of the Poem / Ghazal or Nazam : Ahmed Nadeem Qasmi
Zara si der ko aaye the khwab aankhon mein
phir us ke bad musalsal azab aankhon mein
wo jis ke naam ke nisbat se raushan tha vujud
khatak raha hai wohi aaftab aankhon mein
jinhen mata-e-dil-o-jan samajh rahe the hum
wo aaine bhi hue behijab aankhon mein
ajab tarah ka hai mausam ke khak udati hai
wo din bhi the ke khile the gulab aankhon mein
mere gazal teri vahashaton ke khair ki hai
bahut dinon se bahut iztarab aankhon mein
na jane kaisi qayamat ka peshkhema hai
ye uljhane teri be-intasab aankhon mein
Poet of the Poem / Ghazal or Nazam : Iftikhar Arif
Suraj ke har kiran teri surat pe var dun
dozakh ko chahata hun ki jannat pe var dun
itni si hai tasalli ki hoga muqabala
dil kya hai jan bhi apni qayamat pe var dun
ik khwab tha jo dekh liya neend mein kabhi
ik neend hai jo teri muhabbat pe var dun
“adam” hasin neend milegi kahan mujhe
phir q na zindagani ko turbat pe var dun
Poet of the Poem / Ghazal or Nazam : Abdul Hameed Adam
Tum na mano magar haqiqat hai
ishq insan ke zarurat hai
kuch to dil mubatala-e-vahashat hai
kuch teri yaad bhi qayamat hai
mere mahbub mujh se jhooth na bol
jhooth surat-e-gar sadaqat hai
jee raha hun is aitamad ke sath
zindagi ko meri zarurat hai
husn hi husn jalve hi jalve
sirf ehasas ke zarurat hai
us ke wade pe naz the kya kya
ab dar-o-bam se nadamat hai
us ke mahafil mein baith kar dekho
zindagi kitni khubsurat hai
rasta kat hi jayega ‘qabil’
shauq-e-manzil agar salamat hai
Poet of the Poem / Ghazal or Nazam : Qabil Ajmeri
Subah raton mein bikhar jati hai
sham bahon mein utar jati hai
din sulag uthta hai chandan ke tarah
raat nagan si lipat jati hai
kisi gumbad ke sada ke manind
fikr ko fikr hi doharati hai
qafile se mujhe rahane do alag
bheed mein ruh bikhar jati hai
lajavanti hai kisi shokh ke yaad
dil bhi dhadake to simat jati hai
doli aankhon ke hai suni “hurmat”
neend mahbub (se/si?) sharmati hai
Poet of the Poem / Ghazal or Nazam : Hurmatul Ikram
