Dua Ko Hath To Uthte Hai Laikin Dil Ye Kehta Hai
Mere Hojaye Wo Aise Bhala Qismat Kaha Meri

Achanak Phir Bachaya Hai Kisi Nadeeda Hasti Ne
Magar Kaise Howa Ye Mojaza Maloom Karna Hai
Tujhe Kuch Yad Hai Kal Kab Tujhe Mein Yad Aya Tha
Mujhe Ae Maa! Tera Waqt-E-Dua Maloom Karna Hai

Duniya Ke Liye Kuch Bhi Sahi Tere Liye Hum
Ae Dost! Sada Maa Ki Duaoo Ki Tarah Hain

Dasht-E-Hazra Mein Na Saya Na Sada Tere Baad
Kitne Tanha Hain Tere Aabla Pa Tere Baad
Lab Pe Ik Hurf Talab Tha, Na Raha Tere Baad
Dil Mein Taseer Ki Khuwaish,Na Dua Tere Baad

Chahat Bhare Wo Lafz Aur Lafz Mein Dua
Maqrooz Kardiya Hai Tumhare Khuloos Ne

Qabool Na Ho Laikin Dua To Kar Jaoo
Tujhe Samait Na Paoo To Kudh Bikhar Jaoo

Dua Bahar Ki Mangi To Itne Phool Khile
Kahi Jaga Na Mili Mere Aashyane Ko