Shab tum jo bazm-e-ghair mein aankhen chura gaye
khoye gaye hum aise ke agyar pa gaye
majalis mein us ne pan diya apne hath se
agyar sabz bakht the hum zeher kha gaye
gairon se ho wo pardanashin kyon na behijab
dam hay be-asar mere parda utha gaye
waiz ke zikr-e-mehar-e-qayamat ko kya kahun
aalam shab-e-vasl ke aankhon mein cha gaye
duniya hi se gaya main jo nahi naz se kaha
ab bhi guman-e-bad na gaye tere ya gaye
ae “momin” aap kab se hue banda-e-butan
bare hamare ??? mein hazarat bhi aa gaye

Poet of the Poem / Ghazal or Nazam : Momin Khan Momin

Sau chand bhi chamakenge to kya baat banegi
tum aaye to is raat ke auqat banegi
un se yahi kah aaye ki hum ab na milenge
aakhir koi taqarib-e-mulaqat banegi
ye hum se na hoga ki kisi ek ko chahen
ae ishq! hamari na tere sath banegi
hairat kada-e-husn kahan hai abhi duniya
kuch aur nikhar le to tilismat banegi
ye kya ke badhate chalo badhate chalo aage
jab baith ke sochenge to kuch baat banegi

Poet of the Poem / Ghazal or Nazam : Jan Nissar Akhtar

Sau bar chaman mahaka sau bar bahar aayi
duniya ke wohi raunaq dil ke wohi tanhai
har dard-e-muhabbat se ulajha hai gam-e-hasti
kya kya hamen yaad aaya jab yaad teri aayi
dekhe hain bahut hum ne hangame muhabbat ke
aagaz bhi ruswai anjam bhi ruswai

ye bazm-e-muhabbat hai is bazm-e-muhabbat mein
divane bhi saudai farzane bhi saudai

Poet of the Poem / Ghazal or Nazam : Sufi Ghulam Mustafa Tabassum

Teri duniya mein ya rab zist ke saman jalate hain
fareb-e-zindagi ke aag mein insan jalate hain
dilon mein azamat-e-tauhid ke dipak fasurda hain
jabinon par riya-o-kubr ke saman jalate hain
havas ke barayabi hai khirad-mandon ke mahafil mein
rupahali tikaliyon ke ot mein iman jalate hain
havadis raqs-farma hain qayamat muskurati hai
suna hai nakhuda ke naam se tufan jalate hain
shagufe jhulate hain is chaman mein bhuk ke jhule
baharon mein nasheman to bahar-e-unavan jalatae hain
kaheen aazeb ke chan-chan mein majboori tadapati hai
riya dam tod deti hai sunehre dan jalate hain
manao jashn-e-may-noshi bikharao zulf-e-mayakhana
ibadat se to “sagar” dahar ke shaitan jalate hain

Poet of the Poem / Ghazal or Nazam : Sagar Siddiqui

Tere qadmon pe sar hoga qaza sar pe khadi hogi
phir us sajde ka kya kahana anokhi bandagi hogi
nasim-e-subah gulashan mein gulon se khelati hogi
kisi ke aakhari hichaki kisi ke dillagi hogi
dikha dunga sar-e-mahafil bata dunga sar-e-mahashar
wo mere dil mein honge aur duniya dekhati hogi
maza aa jayega mahashar mein phir sunane-sunane ka
zuban hogi vahan meri kahani aap ke hogi
tumhen danista mahafil mein jo dekha ho to mujarim
nazar aakhir nazar hai be-irada uth gai hogi

Poet of the Poem / Ghazal or Nazam : Seemab Akbarabadi

Tere khushbu mein base khat main jalta kaise
jin ko duniya ke nigahon se chupaye rakha
jin ko ik umr kaleje se lagaye rakha
din jin ko, jinhen iman banaye rakha
jin ka har lafz mujhe yaad tha pani ke tarah
yaad the mujh ko jo paigam-e-zubani ke tarah
mujh ko pyare the jo anmol nishani ke tarah
tune duniya ke nigahon se jo bachakar likhe
salaha-sal mere naam barabar likhe
kabhi din mein to kabhi raat mein uthakar likhe
tere khushbu mein base khat main jalta kaise
pyar mein dube huye khat main jalta kaise
tere hathon ke likhe khat main jalta kaise
tere khat aj main ganga mein baha aaya hun
aag behte huye pani mein laga aaya hun

Poet of the Poem / Ghazal or Nazam : Rajendranath Rahbar

Safar-e-manzil-e-shab yaad nahi
log rukhsat huye kab yaad nahi
dil mein har waqt chubhan rahati thi
thi mujhe kis ke talab yaad nahi
wo sitara thi ke shabanam thi ke phul
ik surat thi ajab yaad nahi
aisa ulajha hun gam-e-duniya mein
ek bhi khvab-e-tarab yaad nahi
bhulate jate hain mazi ke dayar
yaad aayen bhi to sab yaad nahi
ye haqiqat hai ke ahabab ko hum
yaad hi kab the ke ab yaad nahi
yaad hai sair-e-charagan “nasir”
di ke bujhane ka sabab yaad nahi

Poet of the Poem / Ghazal or Nazam : Nasir Kazmi

Sadama to hai mujhe bhi ki tujhase juda hun main
lekin ye sochata hun ki ab tera kya hun main
bikhara pada hai tere hi ghar mein tera vajud
bekar mahafilon mein tujhe dhundhata hun main
main khudakashi ke jurm ka karta hun aitaraf
apne badan ke qabr mein kabase gada hun main
kis-kisaka naam laun zaban par ki tere sath
har roz ek shakhs naya dekhata hun main
na jane kis ada se liya tune mera naam
duniya samajh rahi hai ke sab kuch tera hun main
le mere tajurbon se sabak ae mere raqib
do char saal umr mein tujhase bada hun main
jaga hua zamir wo aaina hai “qateel”
sone se pahale roz jise dekhata hun main

Poet of the Poem / Ghazal or Nazam : Qateel Shifai