Category: Dushman Shayari

Muhabbat mein kare kya kuch kisi se ho nahi sakata – DaaG Dehlvi

muhabbat mein kare kya kuch kisi se ho nahi sakata
mera marana bhi to meri khushi se ho nahi sakata
na rona hai tariqe ka na hansana hai saliqe ka
pareshani mein koi kam jee se ho nahi sakata
khuda jab dost hai ae “dag” kya dushman se andesha
hamara kuch kisi ke dushmani se ho nahi sakata

Poet of the Poem / Ghazal or Nazam :DaaG Dehlvi

Karavan guzra kiya hum rahaguzar dekha kiye – Fani Badayuni

Karavan guzra kiya hum rahaguzar dekha kiye
har qadam par naqsh-e-pa rahabar dekha kiye
yas jab chai ummiden hath mal kar reh gain
dil ke nabazen chut gayin aur charagar dekha kiye
rukh meri janib nigah-e-lutf dushman ke taraf
yun udhar dekha kiye goya idhar dekha kiye
dard mandan-e-vafa ke haye re majaburiyan
dard-e-dil dekha na jata tha magar dekha kiye
tu kahan thi ae ajal ae namuradon ke murad
maranevale reh teri umar bhar dekha kiye

Poet of the Poem / Ghazal or Nazam : Fani Badayuni

Jab se hum tabah ho gaye – Bekal Utsahi

jab se hum tabah ho gaye
tum jahanpanah ho gaye
husn par nikhar aa gaya
aaine siyah ho gaye
aandhiyon ko kuch pata nahi
hum bhi gard-e-rah ho gaye
dushmanon ko chitthiyan likkho
dost khair-khvah ho gaye

Poet of the Poem / Ghazal or Nazam :Bekal Utsahi

Dosti jab kisi se ke jaye – Rahat Indori

Dosti jab kisi se ke jaye
dushmanon ke bhi raye li jaye
maut ka zeher hai fizaon mein
ab kahan ja ke sans li jaye
bas isi soch mein hun duba hua
ye nadi kaise par ke jaye
mere mazi ke zakhm bharne lage
aj phir koi bhool ke jaye
botalen khol ke to pi barason
aj dil khol ke bhi pi jaye

Poet of the Poem / Ghazal or Nazam : Rahat Indori

Diya hai dil agar us ko, bashar hai kya kahiye – Mirza Ghalib

Diya hai dil agar us ko, bashar hai kya kahiye
hua raqib to ho, namabar hai, kya kahiye
ye zid, ki aj na aave aur aaye bin na rahe
qaza se shikwa hamen kis qadar hai, kya kahiye
rahe hai yun gah-o-begah ke ku-e-dost ko ab
agar na kahiye ki dushman ka ghar hai, kya kahiye
zih-e-karishma ke yun de rakha hai hamako fareb
ki bin kahe hi unhen sab khabar hai, kya kahiye
samajh ke karte hain bazar mein wo pursish-e-hal
ki ye kahe ki sar-e-rahaguzar hai, kya kahiye
tumhen nahi hai sar-e-rishta-e-vafa ka khayal
hamare hath mein kuch hai, magar hai kya kahiye
unhen saval pe zaom-e-junun hai, q ladiye
hamen javab se qata-e-nazar hai, kya kahiye
hasad saza-e-kamal-e-sukhan hai, kya kije
sitam, baha-e-mataa-e-hunar hai, kya kahiye
kaha hai kis ne ki “ghalib” bura nahi lekin
sivay isake ki aashuftasar hai kya kahiye

Poet of the Poem / Ghazal or Nazam : Mirza Ghalib

Dard-e-dil mein kami na ho jaye – Bekhud Dehlvi

Dard-e-dil mein kami na ho jaye
dosti dushmani na ho jaye
tum meri dosti ka dam na bharo
aasman muddai na ho jaye
baithata hun hamesha rindon mein
kaheen zahid vali na ho jaye
apne khu-e-vafa se darta hun
aashiqi bandagi na ho jaye

 

Poet of the Poem / Ghazal or Nazam : Bekhud Dehlvi

Bazm-e-dushman mein bulate ho ye kya karate ho

Bazm-e-dushman mein bulate ho ye kya karate ho
aur phir aankh churate ho ye kya karate ho

bad mere koi mujh sa na milega tum ko
khak mein kis ko milate ho ye kya karate ho

chinte pani ke na lo nind bhari aankhon par
sote fitne ko jagate ho ye kya karate ho

hum to dete nahi kya ye bhi zabardasti hai
chin kar dil liye jate ho ye kya karate ho

hon na jaye kaheen daman ka churana mushkil
mujh ko divana banate ho ye kya karate ho

Poet of the Poem / Ghazal or Nazam : Poet Unknown

aafat ke shokhiyan hain tumhari nigah mein – DaaG Dehlvi

aafat ke shokhiyan hain tumhari nigah mein
mehashar ke fitane khelate hain jalwa-gah mein

wo dushmani se dekhate hain dekhate to hain
main shad hun ke hun to kisi ke nigah mein

aati bat bat mujhe yad bar bar
kahata hun daud daud ke qasid se rah mein

is taubah par hai naz mujhe zahid is qadar
jo tut kar sharik hun hal-e-tabah mein

mushtaq is ada ke bahot dard-mand the
ae dag tum to baith gaye ek aah mein

Poet of the Poem / Ghazal or Nazam :DaaG Dehlvi








More about Dushman Shayari and Poetry in Urdu and Hindi


dushman shayari, dushman sms, dushmani sms messages, dushman dost sms, dost dushman hindi sms, hindi dost dushman shayari