Category: Ghazals-Lyrics

Gulazar-e-hast-o-bu na beganavar dekh

gulazar-e-hast-o-bu na beganavar dekh
hai dekhane ke cheez ise bar bar dekh
aaya hai to jahan mein misal-e-sharar dekh
dam de najaye hasti-e-napayedar dekh
mana ke teri did ke qabil nahi hun main
tu mera shauq dekh mera intazar dekh
kholi hain zauq-e-did ne aankhen teri to phir
har rahaguzar mein naqsh-e-kaf-e-pay-e-yar dekh

Poet of the poem/ghazal or Nazam: Allama Iqbal

Koi samajhayiye ki kya rang hai maikhane ka

koi samajhayiye ki kya rang hai maikhane ka
aankh saqi ke uthe, nam ho paimane ka

garmi-e-shama ka afasana sunanevalo
raqs dekha nahi tum ne abhi paravane ka

chashm-e-saqi mujhe har gam pe yad aati hai
rasta bhool na jaun kaheen maikhane ka

ab to har sham guzarati hai isi kuche mein
ye natija hua naseh tere samajhane ka

ab to har manzil se guzarna to hai aasan “iqbal”
ishq hai nam khud apne se guzar jane ka

Poet of the poem/ghazal or Nazam: Iqbal Safi Puri

Ghamzada Nahi Hota Ishara Nahi Hota

Ghamzada Nahi Hota Ke Ishara Nahi Hota
Ankh Un Se Jo Milti Hai To Kya Kya Nahi Hota

Jalwa Na Ho Ma,Nee Ka To Soorat Ka Asar Kya
Bulbul Gul – E- Tasweer Ka Shaida Nahi Hota

Allah Bachay Marz –E- Ishq Se Mujh Ko
Suntay Hain Ke Yeh Aarza Acha Nahi Hota

Read more »

Ya Rab Gham-E-Hijraan Mein

Ya Rab Gham-E-Hijraan Mein, Itna Tu Kiya Hota
Jo Haath Jiger Per Hai, Woh Dast-E-Dua Hota

Ik Ishq Ka Gham Afat Aur Uss Oe Yeh Dil Afat
Yan Gham Na Diya Hota, Yan Dil Na Diya Hota

Nakaam Tammana,Dil Iss Soch Mein Rehta Hai
Yun Hota Tu Kya Hota, Yun Hota Tu Kya Hota?

Read more »

Pyar Se Likhti Hain Ungliyaan

Jab Naam Tera Pyar Se Likhti Hain Ungliyaan
Meri Taraf Zamanay Ki Uthti Hain Ungliyaan

Daaman Sanam Ka Haath Main Aya Tha Aik Pall
Din Raat Us Aik Pall Se Mehekti Hain Ungliyaan

Jis Din Se Duur Ho Gaye Us Din Se He Sanam
Bas Din Tumharay Aanay Kay Ginti Hain Ungliyaan

Pathar Taraash Kar Na Bana Taaj Ek Naya
Fankaar Ki Zamanay Main Kat’ti Hain Ungliyaan

Na Udaa Yuun Thokaron Se

Na Udaa Yuun Thokaron Se
Meri Khaak-E-Kabr Zaalim
Yahi Ek Rah Gai Hai
Meri Pyaar Ki Nishaani
Faasale Aise Bhi Honge
Ye Kabhi Sochaa Na Tha
Saamane Baithaa Tha Mere
Aur Woh Meraa Na Tha
Woh Ke Khushabuu Ki Tarah
Failaa Tha Mere Chaarasuu
Main Use Mahasuus Kar Sakataa Tha
Chhuu Sakataa Na Tha
Raat Bhar Pichhali Hi Aahat
Kaan Mein Aati Rahi
Jhaank Kar Dekhaa Gali Mein
Koi Bhi Aaya Na Tha
Yaad Karake Aur Bhi
Takalif Hoti Thi Adiim
Bhuul Jaane Ke Sivaa
Ab Koi Bhi Chaaraa Na Tha

Tujh Per Ghazal Keh Doon

Tairi Jheel Si Gehri Aankhon
Ko Jo Neel-E-Kanwal Keh Doon,
Duniya Jal Jayai Gi,
Jo Tujh Per Ghazal Keh Doon…

Mujhay Sandal Kar Do

Apnay Ehsaas Say Choo Kay Mujhay Sandal Kar Do
Main Kay Sadiyon Say Adhoora Hoon Mujhay Mukkammal Kar Doh
Na Tumhay Hosh Rahay Na Mujhay Hosh Rahe
Iss Qadar Toot Kay Chaho Mujhay Pagal Kar Do
Tum Hatheli Ko Meray Pyar Ki Mahndi Say Rango
Apni Aankhon Mein Meray Naam Ka Kajal Kar Do
Is Ke Saye Tallay Mere Khwaab Dhakk Uthain Ge
Mere Chehray Pe Chamkta Hua Anchal Kar Doh
Dhoop he Dhoop Hoon Main Toot Ke Barso Mujh Per
Is Kader Barso Merii Rooh Main Jal Thal Kar Doh
Jaise Sehrahoon Main Her Shaam Hawa Chalti Hai
Is Tarah Mujh Main challo Aur Mujhe Thall Kar Doh
Tum Chuppa Lo Mera Dil Oat Main Apne Dil Ki
Aur Mujhe Meri Nighaoon Se Bhi Ojhall Kar Doh
Maslaa Hoon Toh Nighain Na Churao Mujh Se
Apni Chahat Se Tawajjah Se Mujhe Hall Kar Doh








More about Ghazals-Lyrics and Poetry in Urdu and Hindi


Ghazals lyrics are the poetry of ghazal songs in Hindi and Urdu. Ghazals lyrics shayari is for romantic people who want want to remember their sad past.