Category: Ghazals-Lyrics

Dukh Dard Kay Maroon Say

Dukh Dard Kay Maroon Say Mera Zikar Na Karna
Ghar Jaon To Yaroon Say Mera Zikar Na Karna

Woh Zabt Na Kar Paen Gay Ankho Kay Samander
Tum Rah Guzaroon Say Mera Zikar Na Karna

Pholon Kay Nashaiman May Raha Hoon May Sada Say
Daikho Kabhi Kharon Say Mera Zikar Na Karna

Woh Meray Hal May Bay Sakhta Na Ro Dain
Is Bar Bharoon Say Mera Zikar Na Karna

Shayad Yai Andhaira Hi Mujhay Rah Dikhay
Tum Chand Sitaroon Say Mera Zikar Na Karna

Kaheen Woh Meri Kahani Ko Ghalt Rang Na Dai Dain
Afsana Nigaroon Say Mera Zikar Na Karna

Gehrahi May Layjain Gay Tum Ko Bhi Baha Ker
Darya Kay Kinaroon Say Mera Zikar Na Karna

Woh Shaks Melay To Usay Her Bat Batana
Tum Sirf Isharoon Say Mera Zikar Na Karna

Ishq Dariya Hai

Ye Bhi Mumkin Hai Kisi Rooz Na Pehechanon Use
Wo Jo Har Bar Naya Bhes Badal Layta Hai
Barha Mujh Se Kaha Meray Yaron Nay WASEE
Ishq Dariya Hai Jo Bachon Ko Nigal Layta Hai

Dua Wo Karte Ham Asman Hila Dete

Dayar-E-Gair Mein Kaise Tujhe Sada Dete
Tu Mil Bhi Jata To Tujhe Ganwa Dete

Tumhin Ne Ham Ko Sunaya Na Apna Dukh Warna
Dua Wo Karte K Ham Asman Hila Dete

Hamein Ye Zom Raha Ab K Wo Pukarenge
Unhen Ye Zid Thi K Har Bar Ham Sada Dete

Wo Tera Gam Tha K Tasir Mere Lahje Ki
K Jis Ko Hal Sunate Use Rula Dete

Tumhen Bhulna Hi Awwal To Dastaras Mein Nahin
Jo Ikhtiyar Bhi Hota To Kya Bhula Dete

Tumhari Yad Ne Koi Jawab Hi Na Diya
Mere Khayal K Ansu Rahe Sada Dete

Samton Ko Main Ta-Umr Kosta Syed
Wo Kuch Na Kahte Magar Honth To Hila Dete

Tum Mujhe Yaad Aaya Kerte Ho

Kis Qadar Zulm Dhaya Kertey Ho
Yeh Jo Tum Bhool Jaya Kerte Ho

Kis Ka Ab Haath Rakh Ke Seene Per
Dil Ki Dhadhkan Sunaya Kerte Ho

Hum Jahan Chaye Peene Jate Thay
Kia Wahan Ab Bhi Aaya Kerte Ho

Kon Hai Ab Ke Jis Ke Chehre Per
Apni Palkon Ka Saaya Kerte Ho

Kiun Mere Dil Mai Rakh Nahee Dete
Kis Liye Gham Uthaya Kerte Ho

Phone Per Geet Jo Sunate Thay
Ab Wo Kis Ko Sunaya Kerte Ho

Akhiri Khat Mai Usney Likha Tha
Tum Mujhe Yaad Aaya Kerte Ho

Uss Ne Mujh Ko Bhulaaya Hoga

Kitni Azziyat Say Uss Ne Mujh Ko Bhulaaya Hoga
Meri Yadoon Ne Ussay Khoob Rulaaya Hoga

Baat Be-Baat Aankh Uss Ki Jo Chhalkee Hogi
Uss Ne Chehre Ko Baazuon Main Chupaaya Hoga

Socha Ho Ga Uss Ne Din Main Kaee Baar Mujhay
Naam Hatheli Par Bhi Likh Likh Kay Mitaaya Hoga

Jahan Uss Nay Mera Zikkr Suna Hoga Kisi Say
Uss Ki Aankhon Main Koi Aansoo Tou Aaya Hoga

Raat Ke Bheetnay Tak Neend Na Aai Hogi Tujhay
Tunay Takkiye Ko Bhi Seenay Se Lagaaya Hoga

Hokay Nidhaal Meri Yadoon Se Tunay Jaana
Meri Tasveer Pe Sar Apna Tikaaya Hoga

Poocha Hoga Jo Kisi Ne Tere Halaat Ka Sabbab
Tunay Baaton Main Khoob Uss Se Chupaaya Hoga

Nazroon Ko Jhukaa Lon Ga

Woh Samnee Aayee To Nazroon Ko Jhukaa Lon Ga
Dekhon Ga Nahee Phir Bhi Tasveer Bana Loon Ga

Aana Hai To Aajao Ruswayee Nahee Ho Giii
Dekhee Ga Nahee Koi Palkon Men Chupaa Lon Ga

Jo Hum Per Guzarni Hai Aik Baar Guzer Jayeee
Her Ghum Ki Tarha Tugh Ko Seene Se Laga Loon Ga

Veeran Ger Dil Ho Aankhon Men Andheera Ho
Yaadon Ke Dyiee Apni Palkon Men Saja Lon Ga

Manzoor Ger Ho Gi Ruswai Teri Mugh Ko
Men Beth Sahil Se Tofan Uthaa Lon Ga

Naraaz Ger Woh Hain Meree Nasheman Se
Men Nasheman Ke Tinkoon Ko Hata Doon Ga

Kyoun Mugh Se Khafaa Ho Ker Woh Door Gayee
Bahoon Men Woh Aajayeen Men Un Ko Mana Loon Ga

Maine Sab Chirag Bujha Diye

Maine Sab Chirag Bujha Diye
Mere Ghar Main Ho Chahy Raat Bhi

Tere Ghar Main Rahy Sada Roshni
Tere Sab Andhere Mily Mujhe

Meri Roshni Tere Naam Ho
Tere Rutjagy Maine Lay Liye

Meri Neend Tujh Ko Naseeb Ho
Chahy Doriyan Rahy Mera Muqaddar
Tera Pyar Mere Qareeb Ho…!!!

Bewafai Se Koi Shikwa Nahi

Maine To Tumse Pyar Kiya Tha
Dil Jaan Apna Tum Pe Nissar Kiya Tha

Chorhogi Na Saath Mera Saari Zindagi
Wafa Ka Tumne Bhi Ikraar Kiya Tha

Hamne To Tumhari Rahon Par Phool Bichaye The
Un Rahon Ke Kaante Apne Haathon Se Uthaye The

Magar Ey-Bewafa Tune Meri Wafa Ka Kya Sila Diya
Gair Ki Khatir Mujhko Dil Se Bhula Diya

Main Koun Hoon Tumhara Jo Mujhe Yaad Karo Tum
Apne Do Aansoo Bhi Mujh Par Barbaad Karo Tum

Khud Ki Naav To Kinaare Par Laga Li
Mujhe Beech Manjhdhaar Main Hi Chod Diya

Is Dil Main Jo Basa Tha Pyar Tera
Maine Bhi Us Dil Ko Hi Tod Diya

Jo Gali Tere Ghar Tak Jaati Thi
Us Gali Se Hi Maine Mooh Morh Liya

Badnaam Na Ho Jaaye Tu Dunia Main Kaheen
Isliye Tera Naam Lena Hi Chod Diya

Jab Kabhi Bhi Yaad Aayegi Tumhari
Samjhain Ge Kabhi Tumhe Chaha Hi Nahi

Jab Bhi Tum Rahon Main Nazar Aayogi
Sochainge Tumhe Dekha Hi Nahi

Tu Jahaan Bhi Rahe Sada Khush Rahe
Tujhe Dil Se Main Bhula Raha Hoon

Tere Pyar Ki Jo Haseen Yaadain Hain Dil Main
Un Yaadon Ko Louta Raha Hoon

Tumhari Bewafai Ka Kya Charcha Karoon
Apni Wafa Pe Sharma Raha Hoon

Mujhe Tumhari Bewafai Se Koi Shikwa Nahi
Main Tumhari Zindagi Se Ja Raha Hoon








More about Ghazals-Lyrics and Poetry in Urdu and Hindi


Ghazals lyrics are the poetry of ghazal songs in Hindi and Urdu. Ghazals lyrics shayari is for romantic people who want want to remember their sad past.