Ye husn-e-raz muhabbat chupa raha hai koi
hai ashk aankhon mein aur muskura rha hai koi
nazar nazar mein tajalli dikha raha hai koi
nafaz nafaz pe mujhe yaad aa raha hai koi
takhayulat ke dhoke hain sab shab-e-vada
na aa raha hai koi aur na ja raha hai koi
ye husn-o-ishq ke tasvir ke hain do manzar
ki ro raha hai koi muskura raha hai koi
“qadeer” hashr mein pahunche to hum ne kya dekha
kisi ke hath se daman chuda raha hai koi
Poet of the Poem / Ghazal or Nazam : Qadeer
Sata sata ke hamen ashkbar karati hai
tumhari yaad bahut beqarar karati hai
wo din jo sath guzri the pyar ke hum ne
talash un ko nazar bar bar karati hai
gila nahi jo nasibon ne kar diya hai juda
teri judai bhi ab hum ko pyar karati hai
kinare baith ke jis ke kiye the qaul-o-qarar
nadi wo ab bhi tera intazar karati hai
Poet of the Poem / Ghazal or Nazam : Wafa Roomani
jan-e-sukun aa bhi ja tera hi intazar hai
aankhon se ashk hai ravan jan bhi beqarar hai
hone ko fasl-e-gul bhi hai davat-e-aish hai magar
apni bahar ka mujhe aj bhi intazar hai
sare sahare ishq ke toot chuke hain hijr mein
ek tumhari yaad bas dard ke gam-gusar hai
ahad-e-vafa ka aap ke lutf-o-karam ka aap ke
aur kisi ko ho na ho mujh ko aitabar hai
lut gai gham ke aabaru lut chuki dil ke aarzoo
‘yahya’ nigah-e-lutf ka phir bhi ummidvar hai
Poet of the Poem / Ghazal or Nazam : Yahya Jasdanwalla
aj tum se bichad raha hun
aj kehta hun phir milunga tum se
tum mera intazar karati raho
aj ka aitabar karati raho
log kahate hain waqt chalata hai
aur insan bhi badalata hai
kash ruk jaye waqt aj ke rat
aur badle na koi aj ke bad
waqt badle ye dil na badalega
tum se rishta kabhi na tutega
tum hi khushbu ho meri sanson ke
tum hi manzil ho mere sapanon ke
log bonte hain pyar ke sapane
aur sapane bikhar bhi jate hain
ek ehasas hi to hai ye wafa
aur ehasas mar bhi jate hain
Poet of the Poem / Ghazal or Nazam : Sudarshan Faakir
aj ashkon ka tar tut gaya
rishta-e-intazar tut gaya
yun wo thukara ke chal diye goya
ik khilauna tha pyar tut gaya
roye rah-rah kar hichkiyan lekar
saz-e-gam bar bar tut gaya
aap ke berukhi ka shikava kya
dil tha napaidar tut gaya
dekh li dil ne besabati-e-gul
phir tilism-e-bahar tut gaya
‘saif’ kya char din ke ranjish se
itani muddat ka pyar tut gaya
koi to bat chide aj bahut jee hai udas
kam se kam rahamat-e-agyar ke baten hi sahi
ab to tanhai ko ye karb na hoga bardasht
kuch nahi to dar-o-divar ke baten hi sahi
ye bhi kya kam hai unhen qurbat-e-gul to hai nasib
aj gul ke na sahi khar ke baten hi sahi
ye to tai hai ki jiye jayenge har hal mein hum
un ke lab par rasan-o-dar ke baten hi sahi
Poet of the Poem / Ghazal or Nazam : Saifuddin Saif
aaina kyun na dun ke tamasha kahen jise
aisa kahan se laun ke tujhasa kahen jise
hasarat ne la rakha teri bazm-e-khayal mein
guladasta-e-nigah suveda kahen jise
phunka hai kisane goshe muhabbat mein ae khuda
afasun-e-intazar tamanna kahen jise
sar par hujum-e-dard-e-garibi se daliye
wo ek musht-e-khak ke sahara kahen jise
hai chashm-e-tar mein hasarat-e-didar se nihan
shauq-e-inan gusekhta dariya kahen jise
darakar hai shiguftan-e-gul haye aish ko
subh-e-bahar panba-e-mina kahen jise
“ghalib” bura na man jo vaiz bura kahe
aisa bhi koi hai ke sab acha kahen jise
Poet of the Poem / Ghazal or Nazam : Mirza Ghalib
aadatan tum ne kar diye vade
aadatan hum ne aitabar kiya
teri rahon mein baraha ruk kar
hum ne apana hi intazar kiya
ab na mangenge zindagi ya rab
ye gunah hum ne ek bar kiya
Poet of the Poem / Ghazal or Nazam :Gulzar
aa ki meri jan mai qarar nahi hai
aa ki meri jan mai qarar nahi hai
taqat-e-bedad-e-intazar nahi hai
dete hain jannat hayat-e-dahar ke badle
nashsha baandaza-e-khumar nahi hai
giriya nikale hai teri bazm se mujh ko
haye! ki rone pe ikhtiyar nahi hai
hum se abas hai guman-e-ranjish-e-khatir
khak mai ushshaq ke gubar nahi hai
dil se utha lutf-e-jalva hai maani
gair-e-gul aaina-e-bahar nahi hai
qatl ka mere kiya hai ahad to bare
vaye! agar ahad ustavar nahi hai
tu ne qasam maikashi ke khai hai ‘ghalib’
teri qasam ka kuch aitabar nahi hai
Poet of the Poem / Ghazal or Nazam :Mirza Ghalib
