Pura dukh aur aadha chand
hijr ke shab aur aisa chand

itane ghane badal ke piche
kitna tanha hoga chand

meri karavat par jag uthe
neend ka kitna kacha chand
sehra sehra bhatak raha hai
apne ishq mein sacha chand

raat ke shayad ek baje hain
sota hoga mera chand

Poet of the Poem / Ghazal or Nazam : Parveen Shakir

saqi par ilzam na aaye
chahe tujh tak jam na aaye
tere siva jo ke ho muhabbat
meri javani kam na aaye
jin ke liye mar bhi gaye hum
wo chal kar do gham na aaye
ishq ka sauda itna garan hai
inhen hum se kam na aaye
maikhane mein sab hi to aaye
lekin “jigar” ka naam na aaye

Poet of the Poem / Ghazal or Nazam :Jigar Moradabadi

saqi ke har nigah pe bal kha ke pi gaya
laharon se khelata hua lehra ke pi gaya
bekaifiyon ke kaif se ghabara ke pi gaya
tauba ko tod tad ke tharra ke pi gaya
zahid ye meri shokhi-e-rindana dekhana
rahamat ko baton baton mein bahala ke pi gaya
sarmasti-e-azal mujhe jab yaad aa gai
duniya-e-aitabar ko thukra ke pi gaya
aazurdagi-e-khatir-e-saqi ko dekh kar ae rahamat-e-tamam meri har khata mua’af
main intaha-e-shauq mein ghabara ke pi gaya
pita begair izan ye kab thi meri majal
dar-parda chashm-e-yar ke shah pa ke pi gaya
us jan-e-mayakada ke qasam barha “jigar”
kul aalam-e-bisat pe main cha ke pi gaya

Poet of the Poem / Ghazal or Nazam :Jigar Moradabadi

sadagi par us ke mar jane ke hasrat dil mein hai
bas nahi chalata ki phir khanjar kaf-e-qatil mein hai
dekhana taqarir ke lazzat ki jo usane kaha
mainne yah jana ki goya yah bhi mere dil mein hai
garache hai kis kis burai se wale ba in hama
zikr mera mujh se behatar hai ki us mahafil mein hai
bas hujum-e-na umidi khak mein mil jayagi
yah jo ik lazzat hamari sai-e-behasil mein hai
ranj-e-rah kyon khenchiye vamandagi ko ishq hai
uth nahi sakata hamara jo qadam manzil mein hai
jalva zar-e-atash-e-dozakh hamara dil sahi
fitana-e-shor-e-qayamat kis ke aab-o-gil mein hai
hai dil-e-shorida-e-galib tilism-e-pech-o-tab
raham kar apni tamanna par ki kis mushkil mein hai

Poet of the / Ghazal or Nazam : Mirza Ghalib

reh aasan ho gai hogi
jan pehchan ho gai hogi
phir palat kar nigah nahi aayi
tujh pe quraban ho gai hogi
teri zulfon ko chedati thi saba
khud pareshan ho gai hogi
maut se tere dardmandon ke
mushkil aasan ho gai hogi
un se bhi chin loge yaad apni
jin ka iman ho gai hogi
dil ke taskin puchate hain aap
han meri jan ho gai hogi
marane valo pe ‘saif’ hairat kyon
maut aasan ho gai hogi

Poet of The / Ghazal or Nazam : Saifuddin Saif

mujhko mara hai har ek dard-o-dava se pahale
di saza ishq ne har jurm-o-khata se pahale
aatish-e-ishq bhadakati hai hawa se pahale
honth jalate hain muhabbat mein dua se pahale
ab kami kya hai tere be-sar-o-samanon ko
kuch na tha teri qasam, tark-o-fana se pahale
ishq-e-bebak ko dave the bahut khalavat mein
kho diya sara bharam sharm-o-haya se pahale
maut ke naam se darate the ham, ae shauq-e-hayat
tune to mar hi dala tha qaza se pahale
hum unhen pake “firaq” aur bhi kuch khoye gaye
ye takalluf to na the ahad-e-vafa se pahale

Poet of the Poem / Ghazal or Nazam :Firaq Gorakhpuri

muddat hui hai yar ko mahaman kiye hue
josh-e-qadah se bazm charagan kiye hue
karta hun jama phir jigar-e-lakht-lakht ko
arsa hua hai davat-e-mizshgan kiye hue
phir vaza-e-ehatiyat se rukane laga hai dam
barason hue hain chak gireban kiye hue
phir garmnala haye shararbar hai nafas
muddat hui hai sair-e-charagan kiye hue
phir pursish-e-jarahat-e-dil ko chala hai ishq
saman-e-sadhazar namakdan kiye hue
phir bhar raha hun khama-e-mizshgan bakhun-e-dil
saz-e-chamantarazi-e-daman kiye hue
bahamdigar hue hain dil-o-dida phir raqib
nazzara-o-khayal ka saman kiye hue
dil phir tavaf-e-ku-e-malamat ko jaye hai
pindar ka sanamkada viran kiye hue
phir shauq kar raha hai kharidar ke talab
arz-e-mata-e-aql-o-dil-o-jan kiye hue
daude hai phir har ek gul-o-lala par khayal
sadgulsitan nigah ka saman kiye hue
phir chahata hun nama-e-dildar kholana
jan nazar-e-dilfarebi-e-unvan kiye hue
mange hai phir kisi ko lab-e-bam par havas
zulf-e-siyah rukh pe pareshan kiye hue
chahe phir kisi ko muqabil mein aarzoo
surme se tez dashna-e-mizshgan kiye hue
ik naubahar-e-naz ko take hai phir nigah
chehara furog-e-mai se gulistan kiye hue
phir jee mein hai ki dar pe kisi ke pade rahen
sar zer bar-e-minnat-e-darban kiye hue
jee dhundhata hai phir wohi fursat ke raat din
baithe rahen tasavvur-e-janan kiye hue
‘ghalib’ hamen na ched ki phir josh-e-ashk se
baithe hain hum tahayya-e-tufan kiye hue

Poet of the Poem / Ghazal or Nazam : Mirza Ghalib

mere sath tum bhi dua karo yun kisi ke haq mein bura na ho
kaheen aur ho na ye hadasa koi raste mein juda na ho
mere ghar se raat ke sej tak wo ik aansu ke lakir hai
zara bad ke chand se puchana wo isi taraf se gaya na ho
note: some books have the first misra of the above sher as:
meri chat se raat ke subah tak koi aansuon ke lakir hai
sar-e-sham thahari hui zamin, aasaman hai jhuka hua
isi mod par mere vaste wo charag le kar khada na ho
wo farishte aap hi dhundhiye kahaniyon ke kitab mein
jo bura kahen na bura sune koi shakhs un se khafa na ho
wo visal ho ke firaq ho teri aag mahakegi ek din
wo gulab ban ke khilega kya jo charag ban ke jala na ho
mujhe yun laga ki khamosh khushbu ke honth titali ne chu liye
inhin zard patton ke ot mein koi phul soya hua na ho
isi ehatiyat mein main raha, isi ehatiyat mein wo raha
wo kahan kahan mere sath hai kisi aur ko ye pata na ho

Poet of the Poem / Ghazal or Nazam : Bashir Badr