mere jaise ban jaoge jab ishq tumhen ho jayega
deewaron se sar takaraoge jab ishq tumhen ho jayega
har baat gavara kar loge mannat bhi utara kar loge
tabizen bhi bandhavaoge jab ishq tumnhen ho jayega
tanhai ke jhule khulenge har baat purani bhulenge
aaine se tum ghabaraoge jab ishq tumhen ho jayega
jab suraj bhi kho jayega aur chand kaheen so jayega
tum bhi ghar der se aaoge jab ishq tumhen ho jayega
bechaini bad jayegi aur yaad kisi ke aayegi
tummeri gazalen gaoge jab ishq tumhen ho jayega

Poet of the Poem / Ghazal or Nazam : Saeed Rahi

mere dukh ke koi dawa na karo
mujh ko mujh se abhi juda na karo
nakhuda ko khuda kaha hai to phir
dub jao, khuda khuda na karo
ye sikhaya hai dosti ne hamen
dost banakar kabhi wafa na karo
ishq hai ishq, ye mazak nahi
chand lamhon mein faisala na karo
ashiqi ho ya bandagi ‘fakir’
be-dilli se to ibatida na karo

Poet of the Poem / Ghazal or Nazam :Sudarshan Faakir

mere chehare se gham aashakara nahi
ye na samajho ke main gham ka mara nahi
dubne ko to dube magar naz hai
ahl-e-sahil ko hum ne pukara nahi
yun dikhata hai aankhen hamen bagban
jaise gulshan pe kuch haq hamara nahi
zikr-e-saqi hi kafi nahi ae ‘fana’
bepiye maikade mein guzra nahi

Poet of the Poem / Ghazal or Nazam :Fana Nizami Kanpuri

mere aansuon pe nazar na kar mera shikwa sun ke khafa na ho
use zindagi ka bhi haq nahi jise dard-e-ishq mila na ho
ye inayaten ye navazishen mere dard-e-dil ke dawa nahi
mujhe us nazar ke talash hai jo ada shanas-e-vafa na ho
tujhe kya bataun main bekhabar ki hai dard-e-ishq mein kya asar
ye hai wo latif si kaifiyat jo zuban tak aaye ada na ho
ye sharab rez-e-hasin ghata jo hai “kaif” nazish-e-mayakada
kisi tashna-kam ke aarzoo kisi tashna-lab ke dua na ho

Poet of the Poem / Ghazal or Nazam :Kaif Akrami

justaju jis ke thi us ko to na paya hum ne
is bahane se magar dekh li duniya hum ne
tujh ko rusava na kiya khud bhi pasheman na huye
ishq ke rasm ko is tarah nibhaya hum ne
kab mili thi kahan bichadi thi hamen yaad nahi
zindagi tujh ko to bas khwab mein dekha hum ne
ae ‘ada’ aur sunaye bhi to kya hal apna
umr ka lamba safar tay kiya tanha hum ne
 

Poet of the Poem / Ghazal or Nazam :Shahryar

jise ishq ka tir kari lage
use zindagi kyon na bhari lage
na chode mohabbat dam-e-marg lag
jise yar jani son yari lage
na hoye use jag mein hargiz qarar
jise ishq ke beqarari lage
har ik waqt mujh aashiq-e-pak kon
piyare teri baat piyari lage
“wali” kon kahe tu agar ek bachan
raqiban ke dil mein katari lage

Poet of the Poem / Ghazal or Nazam :Wali Mohammed Wali

jine wale qaza se darate hain
zeher pikar dawa se darate hain
zahidon ko kisi ka khauf nahi
sirf kali ghata se darate hain
aah jo kuch kahe hamen manzur
nek bande khuda se darate hain
dushmanon ke sitam ka khuaf nahi
doston ke wafa se darate hain
azm-o-himmat ke bavajud “shakeel”
ishq ke ibtada se darate hain

Poet of the Poem / Ghazal or Nazam :Shakeel Badayuni

jee dhundhata hai ghar koi donon jahan se dur
is aapaki zamin se alag, aasman se dur
shayad main darakhur-e-nigah-e-garm bhi nahi
bijli tadap rahi hai mere aashiyan se dur
aankhen churake aapane afasana kar diya
jo hal tha zaban se qarib aur bayan se dur
ta arz-e-shauq mein na rahe bandagi ke lag
ik sajda chahata hun teri aastan se dur
hai mana rah-e-ishq mein dair-o-haram ka hosh
yani kahan se pas hai manzil, kahan se dur

Poet of the Poem / Ghazal or Nazam :Fani Badayuni