Ye kya jane mein jana hai, jate ho khafa hokar
main tab janu mere dil se chale jao juda hokar
qayamat tak udegi dil se uthakar khak aankhon tak
isi raste gaya hai hasaraton ka kafila hokar
tumhin ab dard-e-dil ke naam se ghabraye jate ho
tumhin to dil mein shayad aaye the dard-e-ashiyan hokar
yun hi hamdam ghadi bhar ko mila karte to bahatar tha
ke dono waqt jaise roz milate hain juda hokar

Poet of the Poem / Ghazal or Nazam : Seemab Akbarabadi

hal usaka tere chehare pe likha lagata hai
wo chup chap khada hai tera kya lagata hai
yun to har cheez salamat hai meri duniya mein
ek ta’alluq hai jo tuta hua lagata hai
main ne socha tha ki aabad hun ek shahar mein main
yan to har shakhs ka andaz juda lagata hai
moddaten bit gain tay na hui manzil-e-shauq
ek aalam mere raste mein pada lagata hai
ae mere jazba-e-dauron mujh mein kashish hai itani
jo khata hota hai wo tir bhi aa lagata hai
jane kon si pasti mein gira hun “shehzad”
suraj bhi is qadar dur hai ki diya lagata hai

 
Poet of the Poem / Ghazal or Nazam :Shehzad Ahmed

angadai par angadai leti hai raat judai ki
tum kya samajho tum kya jano bat meri tanahai ki
kon siyahi ghol raha tha waqt ki behte dariya mein
main ne aankh jhuki dekhi hai aj kisi harajai ki
vasl ki raat na jane q israr tha unko jane par
waqt se pahale dub gae taron ne badi danai ki
udate udate aas ka panchi dur ufaq mein dub gaya
rote rote baith gai aavaz kisi saudai ki

Poet of the Poem / Ghazal or Nazam :Qateel Shifai

tulu-e-shams-e-mufaraqat hai
purani kiranen naye makanon ke aanganon mein laraz rahi hain
fasil-e-shahar-e-vafa ke rozan chamakate zarron se bhar gai hain
gaye dinon ke aziz baten nigar subahen gulab raten
bisat-e-dil bhi ajib shay hai hazar jiten hazar maten
judaiyon ke havayen lamhon ke khush matti uda rahi hain
gai ruton ka malal kab tak
chalo ke shakhen to tutati hain
chalo ke qabron pe khun rone se
apani aankhen hi phutati hain
ye mod wo hai jahan se mere tumhare raste badal gaye hain
purani rahon ko lautana bhi hamari qatadir mein nahi
ke raste bhi hamare qadamon ke sath aage nikal gaye hain

tulu-e-shams-e-mufaraqat hai
tum apani aankhon mein jhilmilate huye sitaron ko maut de do
gai ruton ke tamam phoolon tamam kharon ko maut de do
naye safar ko hayat bakhsho
ke pichali rahon pe sabt jitne nuqush-e-pa hain
wo bar honge
hawa u/daye ke tum udao

 
Poet of the Poem / Ghazal or Nazam : Amjad Islam Amjad

aag hai pani hai mitti hai hava hai mujh mein
aur phir manana padata hai ke khuda hai mujh mein

ab to le-de ke vahi shakhs bachcha hai mujh mein
mujh ko mujh se juda kar ke jo chupa hai mujh mein

mera ye hal ubharati hui ?????? jaise
vo badi der se kuch dhundh raha hai mujh mein

jitne mausam hain sab jaise kaheen mil jayen
in dinon kaise bataun jo faza hai mujh mein

aaina ye to batata hai ke main kya hun lekin
aaina is pe hai khamosh ke kya hai mujh mein

ab to bas jan hi dene ke hai bari ae “noor”
main kahan tak karun sabit ke vafa hai mujh mein

Poet of the Poem / Ghazal or Nazam : Krishan Bihari Noor

Maine Rab Se Kaha Wo Chhod K Chali Gyi Mujhe
Pta Ni Uski Kya Majburi Thi
Rab Ne Kaha Isme Uska Koi Kasur Ni
Ye Kahani To Maine Likhi Hi Adhuri Thi

Wo Ruksat Huyi To Ankh Milakar Nahi Gayi
Wo Q Gayi Ye Batakar Nahi Gyi
Lagta He Wapis Abhi Laut Ayegi
Wo Jate Huwe Chirag Bujhakar Nahi Gayi

Uske Bin Chup-Chup Rehna Aacha Lagta Hai
Khamoshi Se Ek Dard Ko Sehna Aacha Lagta Hai

Jis Hasti Ki Yaad Mein Aansun Baraste Hai
Samne Uske Kuch Na Kehna Aacha Lagta Hai

Milkar Usse Bichad Na Jaye Darte Rehte Hai
Isliye Bas Dur Hi Rehna Aacha Lagta Hai

Read more »