paon ke zakhm hain farsh-e-gul-e-tar hone tak
reh dushvar hai aagaz-e-safar hone tak
ye alag baat ke khamosh hain ahal-e-zindan
warna ye qaid hai divar mein dar hone tak
ek nazar naqsh-e-kaf-e-pa ka hunar to dekho
kahkashan si nazar aati hai sahar hone tak
haye wo bij jo matti mein daba rehta hai
kin marahil se guzarata hai shajar hone tak
kya khabar tum ko ki ye saqf ye divar hain kya
hum pe kya guzri hai is chaon ke ghar hone tak

Poet of the poem  / Ghazal or Nazam :Himayat Ali Shayar

mal-e-soz-e-gam hae! nihani dekhte jao
bhadak uthi hai shamma-e-zindagani dekhte jao
chale bhi aao wo hai qabr-e-fani dekhte jao
tum apne marane wale ke nishani dekhte jao
abhi kya hai kisi din khoon rulayega ye khamoshi
zuban-e-hal ki jadd-o-bayani dekhte jao
garur-e-husn ka sadaqa koi jata hai duniya se
kisi ke khak mein milati javani dekhte jao
udhar muh pher kar kya zibah karte ho, idhar dekho!
meri gardan pe khanjar ke ravani dekhte jao
bahar-e-zindagi ka lutf dekha hai aur dekhoge
kisi ka aish marg-e-nagahani dekhte jao
sune jate na the tum se mere din raat ke shikave
kafan sarakao meri be-zubani dekhte jao
wo utha shor-e-matam aakhari didar-e-mayyat par
ab utha chahate hain nash-e-fani dekhte jao

Poet of the Poem / Ghazal or Nazam :Fani Badayuni

phir aj mujhe tum ko bas itna batana hai
hansana hi jivan hai hanste hi jana hai
madhuban ho ya gulshan ho patajhad ho ya savan ho
har hal mein insan ka ik phul sa jivan ho
kanton mein ulajh ke bhi khushbu hi lutana hai
hansana hi jivan hai hanste hi jana hai
har pal jo guzar jaye daman ko to bhar jaye
ye soch ke jee lain to taqdir sanvar jaye
is umr ke rahon se khushiyon ko churana hai
hansana hi jivan hai hanste hi jana hai
sab dard mita den ham, har gham ko saza den hum
kahate hain jise jina duniya ko sikha den hum
ye aj to apna hai kal bhi apanana hai
hansana hi jivan hai hanste hi jana hai

Poet of the Poem / Ghazal or Nazam :Sudarshan Faakir

Baharon ko chaman yad aa gaya hai
mujhe wo gulbadan yad aa gaya hai

lachakati shakh ne jab sar uthaya
kisi ka bankpan yad aa gaya hai

meri khamoshiyon par hansane valo
mujh wo kamsukhan yad aa gaya hai

tumhen mil kar ke ae yazadanparasto
gurur-e-aharaman yad aa gaya hai

teri surat ko jab dekha hai main ne
uruj-e-fikr-o-fan yad aa gaya hai

kisi ka khubasurat sher sun kar
tera lutf-e-sukhan yad aa gaya hai

mile wo ajanabi ban kar to ‘rifat’
zamane ka chalan yad aa gaya hai

Poet of the Poem / Ghazal or Nazam : Rifat Sultan

aag hai pani hai mitti hai hava hai mujh mein
aur phir manana padata hai ke khuda hai mujh mein

ab to le-de ke vahi shakhs bachcha hai mujh mein
mujh ko mujh se juda kar ke jo chupa hai mujh mein

mera ye hal ubharati hui ?????? jaise
vo badi der se kuch dhundh raha hai mujh mein

jitne mausam hain sab jaise kaheen mil jayen
in dinon kaise bataun jo faza hai mujh mein

aaina ye to batata hai ke main kya hun lekin
aaina is pe hai khamosh ke kya hai mujh mein

ab to bas jan hi dene ke hai bari ae “noor”
main kahan tak karun sabit ke vafa hai mujh mein

Poet of the Poem / Ghazal or Nazam : Krishan Bihari Noor

Wo Yaad Nhi Krte,Hum Bhula Nhi Sakte..
Wo Hans Nahi Sakte,Hum Rula Nahi Sakte..
Hai Pyar Itna Khubsurat Humara,
Ki Wo Bata Nhi Sakte Or Hum Jata Nhi Sakte…

Share By : Syed Parvez Ahmed

Hindi Shayari on Haqeeqat

Tum Haqeeqat Nahi Ho Hasrat Ho
Jo Mile Khawab Mein Wahi Doulat Ho
Kis Liye Dekhti Ho Aaina
Tum To Khud Se B Jyada Khubsurat Ho

Terey Chehrey K Naqoosh Aisey Hain
Aankh Uthata Hoon! Bhatak Jata Hon
Teri Aankhon Se Terey Honton Tak
Safar Itna Hai Keh Thak Jata Hoon