har ek ruh mein ek gham chupa lage hai mujhe
ye zindagi to koi bad-dua lage hai mujhe
jo aansu mein kabhi raat bhig jati hai
bahut qarib wo aavaz-e-pa lage hai mujhe
main so bhi jaun to meri band aankhon mein
tamam raat koi jhankata lage hai mujhe
main jab bhi us ke khayalon mein kho sa jata hun
wo khud bhi baat kare to bura lage hai mujhe
main sochata tha ki lautunga ajanabi ke tarah
ye mera gaon to pahachana sa lage hai mujhe
bikhar gaya hai kuch is tarah aadmi ka vajud
har ek fard koi saneha lage hai mujhe

Poet of the Poem / Ghazal or Nazam : Jan Nissar Akhtar

apni aag ko zinda rakhna kitana mushkil hai
pathar bich aaina rakhna kitana mushkil hai
kitana aasan hai tasvir banana auron ki
khud ko pas-e-aina rakhna kitana mushkil hai
tumane mandir dekhe honge ye mera aangan hai
ek diya bhi jalta rakhna kitana mushkil hai
chullu mein ho dard ka dariya dhyan mein usake honth
yun bhi khud ko pyasa rakhna kitana mushkil hai

Poet of the Poem / Ghazal or Nazam :  Ishrat Afreen

aankh se aankh milta hai koi
dil ko khinche liye jata hai koi
va-e-hairat ke bhari mahafil mein
mujh ko tanha nazar aata hai koi
chahiye khud pe yaqin-e-kamil
hausla kis ka badhata hai koi
sab karishmat-e-tasavvur hai “shakeel”
varana aata hai na jata hai koi

Poet of the Poem / Ghazal or Nazam : Shakeel Badayuni

Izzaton Say Barh Ker Tou Aur Kuch Nahee Hota
Chahton Ki Dori Bhi,
Torna Hi Parti Hay
Manzilon Ki Kashti Bhi,
Morna Hi Parti Hay
Bhoolna Hi Parta Hay,
Khud Say Piyaray Logon Ko
Aur Dil Kay Aangan Mein,
Naqsh Un Ki Tasweerain
Kuch Haseen Lafzon Ki,
Kuch Haseen Tehreerain
Paaoon Jin Mein Jukrain Hon,
Kholna Hi Parti Hain
Khoobrurat Aankhon Mein Basnay Walay Khawbon Ko
Nochna Hi Parta Hay
Dil Say Milta Her Rishta Torna Hi Parta Hay
Kiun Keh
Izzaton Say Barh Ker Tou Aur Kuch Nahee Hota!!!

Tu Meri Qabr Pay Lay Kar Ghulaab Mat Aana
Zamana Mangey Ga Mujh Say Hisaab Mat Aana

Sabhi Khatayen Teri Apney Sar Main Lay Loon Ga
Kisi Sitam Ka Tu Denay Jawab Mat Aana

Meri Lehad Main Andhera Hi Main Nay Chaha Tha
Tu Meri Qabr Pey Ab Bay Naqaab Mat Aana

Sabhi Qabr Kay Azabon Ki Laaj Rakh Loon Ga
Main Sah Na Paaoun Ga Aisa Azaab Mat Aana

Buhat Taweel Si Muddat Kay Baad Soya Hoon
Meri Nigaah Main Ban Kar Khuwab Mat Aana

Warq Warq Pey Tum Apna Hi Naam Pao Gay
Go Phir Bhi Parhney Ko Dil Ki Kitaab Mat Aana

Behak Na Jaoun Farishton Kay Samney Janaan
Buhat Haseen Hay Tera Shabaab Mat Aana

Meri Duayen Teray Sar Pey Saaya Daar Rahen
Mera Khuda Tujhay Dey Ga Sawaab , Mat Aana

Yah Ab Nigahon Say Ashkon Kay Jaam Peeta Hay
Mere Kay Waastey Lay Kar Sharab Mat Aana

Mana K Teray Pyar K Qabil Nahi Hain Ham
Qadar Us Say Pooch Jisay Hasil Nahi Hain Ham

Phir Kabhi Logon Ki Baaton Mien Na Aye Ga Woh
Dekh Lena Mujh Se Mil Ker Theek Ho Jaye Ga Woh

Mere Us K Darmiyaan Koi Bara Jhagra Nahin
Laikin Isko To0l Dega Kho0b Phelaye Ga Woh

Chhoti Chhoti Ranjishon Ko Bho0l Jana Chahiye
Jane Is Nuqtay Ko Aakhir Kab Samajh Paye Ga Woh

Us Ki Khatir Mein To Is Duniya Se Katt Ker Reh Gai
Woh Zamana Saaz Haii Achcha To Kehlaye Ga Woh

Sulah To Kare Ga Aa Ker Mujhe Se Laikin Us K Baad
Jab Milay Ga Bus Yehi Ehsan Jataye Ga Woh

Mein Bhi Kuch Aisi Gai Guzri Nahin Keh Do Usse
Aankh Utha Ker Bhi Na Dekho0n Gi Pachtaye Ga Woh

DEKHO!!YEH GHAZAL US TAK BHI PONHANCHE GI ZARO0R
PHIR NA KURHNA BAITH KER JAB AUR ITRAYE GA WOH

Niyat-e-Shoq Bher Na Jaye Kaheen
Tu Bhi Dil Se Uter Na Jaye Kaheen

Aaj Daikha Hai Tujh Ko Dair K Baad
Aaj Ka Din Bhi Guzer Na Jaye Kaheen

Na Mila Ker Udaas Logon Se
Husn Tera Bikher Na Jaye Kaheen

Aarzo Hai K Tu Yahan Aaye
Aur Phir Umer Bher Na Jaye Kaheen

Aao Kuch Dair Ro Hi Lain Nasir
Phir Yeh Derya Uter Na Jaye Kaheen