Teri khushbu ka pata karati hai
mujh pe ehsaan hawa karati hai
shab ke tanhai mein ab to aksar
guftagu tujh se raha karati hai
dil ko us reh pe chalana hi nahi
jo mujhe tujh se juda karati hai
zindagi meri thi lekin ab to
tere kahane mein raha karati hai
us ne dekha hi nahi warna ye aankh
dil ka ehaval kaha karati hai
beniyaz-e-kaf-e-dariya angusht
ret par naam likha karati hai
sham padate hi kisi shakhs ke yaad
kucha-e-jan mein sada karati hai
mujh se bhi us ka hai vaisa hi suluk
hal jo tera ana??? karati hai
dukh hua karta hai kuch aur bayan
baat kuch aur hua karati hai
abr barase to inayat us ke
shakh to sirf dua karati hai
masala jab bhi utha chiragon ka
faisala sirf hawa karati hai

Poet of the Poem / Ghazal or Nazam : Parveen Shakir

mausam ko isharon se bula q nahi lete
rutha hai agar wo to mana q nahi lete
divana tumhara koi gair nahi hai
machala bhi to sine se laga q nahi lete
khat likh kar kabhi aur kabhi khat ko jalakar
tanhai ko rangin bana q nahi lete
tum jag rahe ho mujh ko acha nahi lagata
chupke se meri neend chura q nahi lete

Poet of the Poem / Ghazal or Nazam :Zafar Gorakhpuri

mauj-e-gul, mauj-e-saba, mauj-e-sahar lagti hai
sar se pa tak wo saman hai ki nazar lagti hai
hum ne har gham sajdon e jalaye hain chirag
ab teri rahaguzar rahaguzar lagti hai
lamhe lamhe basi hai teri yadon ke mahak
aj ke raat to khushbu ka safar lagti hai
jal gaya apna nasheman to koi baat nahi
dekhana ye hai ki ab aag kidhar lagti hai
sari duniya mein garibon ka lahu bahata hai
har zamin mujhko mere khoon se tar lagti hai
vaqya shahar mein kal to koi aisa na hua
ye to “akhtar” ke daftar ke khabar lagti hai

Poet of the Poem / Ghazal or Nazam :Jan Nissar Akhtar

lakhon shaklon ke mele mein tanha rahana mera kam
bhes badal kar dekhte rahana tez hawaon ka koharam
ek taraf aavaz ka suraj ek taraf ik gungi sham
ek taraf jismon ke khushbu ek taraf is ka anjam
ban gaya qatil mere liye to apni hi nazron ka dam
sab se bada hai naam khuda ka us ke bad hai mera naam

Poet of the Poem / Ghazal or Nazam :Munir Niazi

Bechain baharon mein kya-kya hai jan ke khushbu aati hai
jo phul mahakata hai usase tufan ke khushbu aati hai
kal rat dikha ke khvab-e-tarab so sej ko suna chod gaya
har silavat se phir aj usi mehaman ke khushbu aati hai
talkin-e-ibadat ke hai mujhe yun teri muqaddas aankhon ne
mandir ke darichon se jaise loban ke khushbu aati hai
kuch aur bhi sansen lene par majabur-sa main ho jata hun
jab itane bade jangal mein kisi insan ke khushbu aati hai
kuch tu hi mujhe ab samajha de ae kufr duhai hai teri
q shekh ke daman se mujhako iman ke khushbu aati hai
darta hun kaheen is aalam mein jine se na munakir ho jaun
ahabab ke baton se mujhako ehasan ke khushbu aati hai

Poet of the Poem / Ghazal or Nazam : Qateel Shifai

Bahut hasin hai mera dilruba na ho jaye
meri nazar mai wo kafir khuda na ho jaye

tamam shahar mai meri wafa ke khushbu hai
purana zakhm kisi ka hara na ho jaye

na jane kitane baras bad wo mila hai mujhe
hai dar yahi ki wo phir se juda na ho jaye

main us se tut ke milta hun jab bhi milta hun
ye mera milana kaheen hadasa na ho jaye

Poet of the Poem / Ghazal or Nazam : Ibrahim Ashk

Rangat Teri Zulfo Ki Ghatao Ne Churai
Khusboo Tere Anchal Se Hawao Ne Udai
Paimane Ka Dil Na Tut Jaye To Kahu Main
Hai Cheez Gazab Ki Jo Nigaho Ne Pilai

Har Taraf Noor Hai Khushboo Hai
Teri Ankhon Mei Kaisa Jadu Hai
Sari Duniya Hai Meri Jholi Mei
Our Duniya Meri Bus Tu Hai