Category: Khushbu

Tumane suli pe latake jise dekha hoga – Sahir Hoshiarpuri

Tumane suli pe latake jise dekha hoga
waqt aayega wohi shakhs masiha hoga
khwab dekha ya ki sahara mein basera hoga
kya khabar thi ki yahi khwab to saya hoga
main fizaon mein bikhar jaunga khushbu ban kar
rang hoga na badan hoga na chehara hoga

Poet of the Poem / Ghazal or Nazam : Sahir Hoshiarpuri

Wo to khushbu hai hawaon mein bikhar jayega – parveen shakir

Wo to khushbu hai hawaon mein bikhar jayega
masala phul ka hai phul kidhar jayega
hum to samajhe the ke ek zakhm hai bhar jayega
kya khabar thi ke rag-e-jan mein utar jayega
wo hawaon ke tarah khanabajan phirta hai
ek jhonka hai jo aayega guzar jayega
wo jab aayega to phir us ke rafaqat ke liye
mausam-e-gul mere aangan mein thahar jayega
aakhirash wo bhi kaheen ret pe baithi hogi
tera ye pyar bhi dariya hai utar jayega
Poet of the Poem / Ghazal or Nazam :parveen shakir

Abr-e-bahar ne – Parveen Shakir

abr-e-bahar ne
phul ka chehara
apne banafshi hath mein lekar
aise chuma
phul ke sare dukh
khushbu ban kar bah nikle hain

Poet of the Poem / Ghazal or Nazam :Parveen Shakir

Kariya-e-jan mein koi phul khilane aaye – Parveen Shakir

Kariya-e-jan mein koi phul khilane aaye
wo mere dil pe naya zakhm lagane aaye
mere viran darichon mein bhi khushbu jage
wo mere ghar ke dar-o-bam sajane aaye
us se ik bar to ruthun main usi ke manind
aur meri tarah se wo mujh ko manane aaye
isi kuche mein kai us ke shanasa bhi to hain
wo kisi aur se milane ke bahane aaye
ab na puchungi main khoye hue khwabon ka pata
wo agar aaye to kuch bhi na batane aaye
zabt ke shahar-panahon ke mere malik khair
gham ka sailab agar mujh ko bahane aaye

Poet of the Poem / Ghazal or Nazam : Parveen Shakir

Lamhon ke aazab sah raha hun – Athar Nafees

Lamhon ke aazab sah raha hun
main apne vajud ke saza hun
zakhmon ke gulab khil rahe hain
khushbu ke hujum mein khada hun
is dasht-e-talab mein ik main bhi
sadiyon ke thaki hui sada hun
benam-o-numud zindagi ka
ik bojha uthaye phir raha hun
ik aisa chaman hai jis ke khushbu
sanson mein basaye phir raha hun
ik aisi zamin hai jis ko chukar
takadis-e-haram se aashna hun
ae mujh ko fareb dene wale
main tujh par yaqin kar chuka hun
main tere qarib aate aate
kuch aur bhi dur ho gaya hun

Poet of the Poem / Ghazal or Nazam : Athar Nafees

Itr ke ud ke ambar ke saman ke khushbu – Malikzada Manzoor Ahmad

Itr ke ud ke ambar ke saman ke khushbu
sab se bahatar hai magar us ke badan ke khushbu
koi mausam ho hawa leke chali aati hai
dur pardes mein bhi khak-e-vatan ke khushbu
chand lamhat mein kar deti hai subahen raushan
nat ki hamd ki puja ki bhajan ke khushbu
ab to reh rahke jali lashon ke bu aati hai
pahale aisi to na thi mere chaman ke khushbu
is ke har lafz mein sau phoolon ke shamil hai mahak
shayari apni hai urdu ke dahan ke khushbu
jab kabhi gor-e-gariban se guzar mera hua
mujh ko mahasus hui apne kafan ke khushbu
chandani raat fiza sard hawa ke jhonke
haye wo tutate jismon ke thakan ke khushbu
us ne jab meri taraf gaur se dekha “manzoor”
bazmr mein phaili raqibana jalan ke khushbu

Poet of the Poem / Ghazal or Nazam : Malikzada Manzoor Ahmad

Is rah-e-muhabbat mein tu sath agar hota – Alam Tab ‘Tashna’

Is rah-e-muhabbat mein tu sath agar hota
har gham pe gul khilate khushbu ka safar hota
uthta mere pehlu se wo mehr-e-shanasai
ik roz to aisa bhi aagaz-e-sahar hota
ashk-e-sar-e-mizshgan ko chun leta wo palkon se
ik roz to aisa bhi dida-e-tar hota
ye tark-e-ta’alluq ke sun lete nasihat bhi
“tashna” jo koi us ka mahabub-e-nazar hota

Poet of the Poem / Ghazal or Nazam : Alam Tab ‘Tashna’

Duniya kisi ke pyar mein jannat se kam nahi

Duniya kisi ke pyar mein jannat se kam nahi
ik dilruba hai dil mein jo huron se kam nahi
tum badshah-e-husn ho husn-e-jahan ho
jan-e-vafa ho aur muhabbat ke shan ho
jalve tumhare husn ke taron se kam nahi
bhule se muskurao to moti baras pade
palke utha ke dekho to kaliyan bhi hans pade
khushbu tumhari zulf ke phoolon se kam nahi

 

Poet of the Poem / Ghazal or Nazam : Poet Unknown








More about Khushbu and Poetry in Urdu and Hindi