Dekh Lo Khuwab Magar Khuwab Ka Charcha Na Karo
Log Jal Jaayenge Suraj Ki Tamanna Na Karo

Waqt Ka Kiya Hai Kisi Pal Bhi Badal Sakta Hai
Ho Sakay Tum Say Tou, Tum Mujh Pay Bharosa Na Karo

Kirchiyaan Tootay Howay Aks Ki Chubh Jaayein Gi
Aur Kuch Roz Abhi Aaina Dekha Na Karoo

Ajnabi Lagnay Lagay Khud Tumhein Apna Hi Wajood
Apnay Din Raat Ko Itna Bhi Akela Na Karoo

Khuwaab Bachchoon Kay Khilounoon Ki Tarha Hotay Hain
Khuwaab Dekha Na Karoo Khuwaab Dekhaya Na Karoo

Be-Khayali Main Kabhi Ungliyaan Jal Jaayein Gi
Raakh Guzray Howay Lamhoon Ki Kurayda Na Karoo

Mom Kay Rishtay Hain Garmi Say Pighal Jaayen Gay
Dhoop Kay Sheher Main Ye Tamasha Na Karo

Har Aik Shab Meri Taza Azab Men Guzari
Tumhare Baad Tumhare Hi KHUWAB Men Guzari
Men Ek PHOOL Tha Wo Mujh Ko Rakh Ke Bhool Gaya
Tamam Umar Usi Ki Kitab Men Guzari

Kia Museebat Hai Khuley Aankh To Rona Aaye
Aur Jhapkey To Wahi Khwab-E-Pareshaan Dekhoon

Sapnon Me Chale Ate Ho Aya Karo Beshak
Kuhwaboon Ka Magar Ye Safar Acha Nahen Hota

Khwab Dekha Ke Aap Mere Hain
Aap Ta’abiir-E-Khwab Kia Denge