Kab Thi Raah Mein Teri, Fikre Beshikam Maula
Har Qadam Tha Wirde Zubaan, Dam Hamadam Dam Maula
Kab Hamare Bas Mein Thi Baria Bhi Is Dar Ki
Aap Ne Bulaya To Aa Gaye Hain Hum Maula
Jeeteji Na Bhulega Humko Tera Dastarkhan
Nematein Do Aalam Ki Thi Jaha Baham Maula
Tere Mehe Maabankar Chumkar Tera Sang-e-Dar
Ho Gaye Hain Dunya Mein Hum Bhi Mohtaram Maula
Aap Jisse Raazi Hon Wo Khushi Ataa Keeje
Aur Bajuz Gham-e-Sarwar Ho Na Koi Gham Maula
Ab Koi Nahin Jachta Shehriar O Takht O Taaj
Jabse Hain Nighaahon Mein Aap Ka Hasham Maula
Lag Raha Hai Yun Mujhko Jayse Mil Gayi Meraj
Jab Se Choom Aaya Hoon Aap Ke Qadam Maula
Raah Agar Che Mushkil Thi Aur Safar Musalsal Tha
Aake Tere Dar Pe Hue Phir Se Tere Dam Maula
Aap Ke Siwa Maula Kaun Usko Samjhega
Haal Jo Suna Ayi Mere Chashm-e-Nam Maula
Jaanta Hai Khoob Usko Sibte Jafare Khushdo
Hai Ye Sher Goyi Bhi Aap Ka Karam Maula
Kis Tarha Se Manzil-e-Irfan-e-Haydar Sochna
Ghayr Mumkin Hai Had-e-Imkaa Se Baahar Sochna
Kalma-e-Tawheed Ki Haqq-e-Wilayat Ki Qasam
Shirk Hai Ghayron Ko Maula Ke Baraabar Sochna
Khutba-e-Zehra Samajhne Ke Liye Puuri Tarha
Laazmi Hai Ban Ke Haydar Ya Payambar Sochna
Zauf-e-Jism-e-Mustafa Ka Aur Bhi Tha Kuch Ilaaj
Chaadar-e-Masooma-e-Aalam Se Hatkar Sochna
Jiske Tukrhon Par Paley As’haab-e-Khatmul Mursaleen
Kisne Ki Unki Kifaalat Zindagi Bhar Sochna
Kehte Hain Rif’at Kisey Aur Auj-e-Insaani Hai Kya
Fatema Zehra Ke Dar Par Sar Jhukaa Kar Sochna
Dushmani Bint-e-Nabi Se Aur Nabi Se Dosti
Kya Yehi Islam Hai Ay Banda Parwar Sochna
Hashr Mein Kholega Jab Apni Adaalat Kirdigaar
Mujrim-e-Baagh-e-Fidak Honge Kahaan Par Sochna
Kalma-e-Haq Ki Hifaazat Jaan Dekar Kis Ne Ki
Gar Miley Fursat Kabhi To Kalma Parhkar Sochna
Lab Pe Masooma Ke Hai Tera Qasida Abbas
Kehti Hai Fatema Zehra Tujhe Beta Abbas
Labe Darya Hai Tera Roab Ye Kaysa Abbas
Sehma Sehma Hai Hawao Ka Bhi Lehja Abbas
Tarka Aula Teri Nazron Mein Hai Shayad Ye Bhi
Sard Jhonka Jo Nahin Tujhko Gawaara Abbas
Kulle Imaan Use Kehta Hoon Is Nisbat Se
Kulle Imaan Ke Dil Ki Hai Tamanna Abbas
Ye Bhi Hai Maujuzae Taate Binte Zehra
Teri Talwar Pe Hai Zainab Ka Kabza Abbas
Uski Taazim Ko Uth Jaata Tha Beemaar Imam
Jab Kabhi Bazm Mein Aata Tera Beta Abbas
Jis Ghari Aayenge Parde Se Imam-E-Aakhir
Hoga Takmeel Tera Jung Ka Jazba Abbas
Tere Aaney Ki Khabar Ho Gayi Shayad Rann Mein
Saaf Aata Hai Nazar Khaime Se Darya Abbas
De Diya Jaane Payambar Ko Hifazat Mein Teri
Tujh Pe Hai Fatema Zehra Ko Bharosa Abbas
Maula Hain Faqat Aap, Faqat Aap, Faqat Aap
Qibla Hain Faqat Aap, Faqat Aap, Faqat Aap
Aaqa Hain Faqat Aap, Faqat Aap, Faqat Aap
Mauluud-E-Haram Aap Sare Arsh-E-Bariin Aap
Jis Jaa Bhi Ho Allah Mohammad Hain Wahiin Aap
Har Jaa Faqat Aap, Faqat Aap, Faqat Aap
Wo Dosh-E-Nabi Bistar-E-Hijrat Shab-E-Asraar
Masjid Ho Ke Mimbar Ho Ke Ho Toor Ka Jalwa
Jalwa Hai Faqat Aap, Faqat Aap, Faqat Aap
Waliyon Ke Wali Maula Imam Aur Ameer Aap
Ahmad Ke Wasi Naaib-O-Daamaad-O-Waziir Aap
Kya Kya Hai Faqat Aap, Faqat Aap, Faqat Aap
Hasnein Se Kab Aur Kisi Ke Huwe Bete
Aur Zainab-O-Kulsoom Si Masoom Si Arke
Baba Hain Faqat Aap, Faqat Aap, Faqat Aap
Koi Nahin Misl Aap Ka Ay Raahi Ke Jaaye
Ash-Haar Kahe Jayse Usi Tarha Sunaaye
Tanha Hain Faqat Aap, Faqat Aap, Faqat Aap
Meesamaane Asr Ki Ye Bandagi Achhi Lagi
Khaliq-e-Kaunayn Ko Madh-e-Ali Achhi Lagi
Mout Se Ghabraate Hain Aksar Bashar Leikin Humein
Shauq-E-Deedar-e-Ali Mein Maut Bhi Achhi Lagi
Waqt-E-Aakhir Aaye Jab Bari Pa Meri Murtaza
Maut Ki Baahon Mein Mujhko Zindagi Achhi Lagi
Hum Ghulaamaan-e-Ali Hain Daulaton Se Be Niaz
Har Shahenshahi Se Humko Qambari Achhi Lagi
Uski Bakshish Ke Liye Kaafi Hai Maula Ko Agar
Razvi Ye Midhat Saraa Ki Shaairi Achhi Lagi
Mere Lab Par To Rehta Hai Subho Masaa
Ya Ali Ya Ali Ya Ali Ya Ali
Banda Parvar Yahi Hai Wazeefa Mera
Ya Ali…
Kaam Aaya Hai Sabke Ajal Se Yahi
Aur Abad Tak Yahi Sabke Kaam Aayega
Hai Yahi Ibteda Aur Yahi Inteha
Ya Ali…
Aap Maanein Na Maanein Haqeeqat Hai Ye
Khud Asal Peshwaai Ko Aajaega
Dekhiye Kehke Is Baar Baadad Doa
Ya Ali…
Meri Baali Pe Jab Aaya Maula Mera
Na Zaki Mushkilein Kitni Aasaan Huin
Sar Ko Rakhkar Qadam Par Jo Maine Kaha
Ya Ali…
Wo Ohad Ho Ke Siffeen Ya Badr Ho
Abwo Khandaq Ho Khaibar Ho Ya Nahrwaan
Hai Ye Har Ek Maidaan Se Aati Sada
Ya Ali…
Hai Zamaana Mukhaalif To Hota Hai Kya
Mujhko Mutlaq Zamaane Ki Parwah Nahin
Saans Jab Tak Hai Baaqi Kahey Jaoonga
Ya Ali…
Baab-E-Janaat Pe Jis Waqt Dekha Mujhe
Raasta De Diya Hatke Rizwan Ne
Aapki Madha Ka Ye Mila Hai Sila
Ya Ali…
Meri Haalat Pe Bhi Rehm Farmaaiye
Mujhko Bhi Apne Rauze Pe Bulwaaiye
Mere Mushkil Kusha Mere Haajat Rawa
Ya Ali…
Vird Karne Laga Main Jo Naad-E-Ali
Bhool Baithe Farishte Jo Tha Poochhna
Wo Bhi Kehne Lage Main Bhi Kehne Laga
Ya Ali…
Jab Ye Poochha Gaya Iska Matlab Hai Kya
Kul Kafa Hal Ataa Innama La Fatah
Muskura Kar Ye Jawaaban Ye Maine Kaha
Ya Ali…
Aap Kya Hain Haqeeqat Hai Kya Aapki
Khud Masheeyat Ka Bhi Hai Ishaara Yahi
Mustafa Ko Bhi Mushkil Mein Bhi Kehna Parha
Ya Ali…
Aake Meri Lahad Mein Farishte Saeed
Kya Khabar Mujhse Kya Kar Rahey Thhey Sawal
Aadatan Main Jawaaban Ye Kehta Raha
Ya Ali…
Momin Ki Talwaar Naara Haydar Ka
Maar Malanga Maar Nara Haydar Ka
Aag Lagaake Baatil Ko Tarpaata Hai
Haal Dilon Ka Chehron Par Le Aata Hai
Aysa Hai Sarkaar Naara Haydar Ka
Isne Hamaare Dil Ke Andhere Chhaat Diye
Ghaddaaron Ke Seenon Mein Dil Kaat Diye
Do Dhaari Talwaar Naara Haydar Ka
Ek Yehi Qissa Hai Qissa Khaanon Mein
Din Ki Kashti Jab Bhi Ghiri Toofanon Mein
Kar Gaya Beraa Paar Naara Haydar Ka
Dozakh Mein Pahuncha Deta Hai Baatil Ko
Tukre Tukre Kar Deta Hai Ye Dil Ko
Jab Karta Hai Waar Naara Haydar Ka
Naade Ali Behtar Hai Sab Payghaamon Se
Naam-E-Ali Hai Aala Saare Naamon Se
Naaron Ka Sardaar Naara Haydar Ka
Jab Bhi Parhaa Hai Waqt Koi Mushkil Gauhar
Kehte Hain Sab Wali Nabi-o-Payghambar
Kaam Aaya Har Baar Nara Haydar Ka
