Category: Manzil

Ye mashvare baham uthe hain chara-ju karte – Aziz Lucknawi

Ye mashvare baham uthe hain chara-ju karte
ab is mariz ko acha tha qiblaru karte
kafan ko bandhe hue sar se aaye hain warna
hum aur aap se is tarah guftagu karte
javab hazarat-e-naseh ko hum bhi kuch dete
jo guftagu ke tariqe se guftagu karte
pahunch ke hashr ke maidan mein haul kyon hai ‘aziz’
abhi to pahali hi manzil hai justaju karte

Poet of the Poem / Ghazal or Nazam : Aziz Lucknawi

Ye shishe ye sapne ye rishte ye dhage – Sudarshan Faakir

Ye shishe ye sapne ye rishte ye dhage
kise kya khabar hai kahan toot jayen
muhabbat ke dariya mein tinake wafa ke
na jane ye kis mod par dub jayen
ajab dil ke basti ajab dil ke vadi
har ek mod mausam nai khvahishon ka
lagaye hain hum ne bhi sapanon ke paudhe
magar kya bharosa yahan barishon ka
muradon ke manzil ke sapanon mein khoye
muhabbat ke rahon pe hum chal pade the
zara dur chal ke jab aankhen khuli to
kadi dhup mein hum akele khade the
jinhen dil se chaha jinhen dil se puja
nazar aa rahe hain wohi ajanabi se
ravayat hai shayad ye sadiyon purani
shikayat nahi hai koi zindagi se

Poet of the Poem / Ghazal or Nazam : Sudarshan Faakir

Ye aish-o-tarab ke matavale bekar ke baten karte hain – Shakeel Badayuni

Ye aish-o-tarab ke matavale bekar ke baten karte hain
payal ke gamon ka ilm nahi jhankar ke baten karte hain
nahak hai havas ke bandon ko nazzara-e-fitarat ka dawa
aankhon mein nahi hai betabi didar ke baten karte hain
kahate hain unhin ko dushman-e-dil naam unhin ka naseh bhi
wo log jo reh kar sahil par majhadhar ke baten karte hain
pahunche hain jo apni manzil par un ko to nahi kuch naz-e-safar
chalne ka jinhen maqadur nahi raftar ke baten karte hain

Poet of the Poem / Ghazal or Nazam : Shakeel Badayuni

Yun chup rahana thik nahi koi mithi baat karo – Qateel Shifai

Yun chup rahana thik nahi koi mithi baat karo
mor chakor papiha koyal sab ko mat karo
savan to man bagiya se bin barase bit gaya
ras mein dube nagme ke ab tum barsat karo
hijr ke ik lambi manzil ko janevala hun
apni yadon ke kuch saye mere sath karo
main kiranon ke kaliyan chunakar sej bana lunga
tum mukhade ka chand jalao raushan raat karo
pyar buri shay nahi hai lekin phir bhi yar “qateel”
gali-gali taqasim na tum apne jazabat karo

 

Poet of the Poem / Ghazal or Nazam : Qateel Shifai

Wo sab mein hum ko bar-e-digar dekhte rahe – Hashim Raza

Wo sab mein hum ko bar-e-digar dekhte rahe
hum un ka intakhab-e-nazar dekhte rahe
daman bachake ashkon se wo to nikal gaye
hum der tak zamin par guhar dekhte rahe
hum beniyaz baithe huye un ke bazm mein
auron ke bandagi ka asar dekhte rahe
aayi sahar to aur bada bijaliyon ka zor
shab bhar hum intezar-e-sahar dekhte rahe
sholon ke zad par sabhi the, kis ko pukarate
har simt khirmanon mein sharar dekhte rahe
kyonkar sanbhalate hamen wo nakhuda jo khud
sahil ke aafiyat se bhanvar dekhte rahe
manzil ke dhun mein aabalapa chal khade huye
aur shah-savar gard-e-safar dekhte rahe

Poet of the Poem / Ghazal or Nazam : Hashim Raza

Yaad karana har ghadi us yar ka – Wali Mohammed Wali

Yaad karana har ghadi us yar ka
hai vazifa mujh dil-e-bimar ka
aarazu-e-chashma-e-kausar nahi
tishnalab hun sharbat-e-didar ka
aakabat kya hovega malum nahi
dil hua hai mubtila dildar ka
kya kahe tarif dil hai benazir
harf harf us makhzan-e-israr ka
gar hua hai talib-e-azadagi
band mat ho subba-o-zunnar ka
masnad-e-gul manzil-e-shabanam hui
dekh rutba dida-e-bedar ka
ae “wali” ho na srijan par nisar
mudda’a hai chashm-e-gauhar bar ka

Poet of the Poem / Ghazal or Nazam : Wali Mohammed Wali

Shamim-e-zulf-e-yar aaye na aaye – Sikander Ali Wajd

Shamim-e-zulf-e-yar aaye na aaye
mere dil ko qarar aaye na aaye
abhi aaya hai hosh yad-e-janan
na tadapa, bar-bar aaye na aaye
chirag-e-zindagani bujh raha hai
wo jan-e-intazar aaye na aaye
kiya jo tum ne apne dil se pucho
hamara aitabar aaye na aaye
nigah-e-ahal-e-gulshan kah rahi hai
khizan jaye bahar aaye na aaye
badhega karavan manzil-ba-manzil
gubar-e-rahguzar aaye na aaye

Poet of the Poem / Ghazal or Nazam : Sikander Ali Wajd

Sakhtiyan karta hun dil par gair se gafil hun main – Sir Mohammed Iqbal

Sakhtiyan karta hun dil par gair se gafil hun main
hay kya achi kahi zalim hun main jahil hun main
** gafil also means negligent/careless as used in the next sher**
hai meri zillat hi kuch meri sharafat ke dalil
jis ke gafalat ko malak rote hain wo gafil hun main
bazm-e-hasti apni aaraish pe tu nazan na ho
tu to ik tasvir hai mahafil ke aur mahafil hun main
dhundhata phirta hun ae “iqbal” apne aap ko
aap hi goya musafir aap hi manzil hun main

Poet of the Poem / Ghazal or Nazam : Sir Mohammed Iqbal








More about Manzil and Poetry in Urdu and Hindi