mar hi dal mujhe chasm-e-ada se pahale
apni manzil ko pahunch jaun qaza se pahale
ik nazar dekh lun aa jao qaza se pahale
tum se milane ke tamanna hai khuda se pahale
hashr ke roz main puchunga khuda se pahale
tu ne roka nahi q mujhko khata se pahale
ae meri maut thahar unko zara aane de
zeher ka jam na de mujhko dawa se pahale
hath pahunche bhi na the zulf dota tak “momin”
hathakadi dal di zalim ne khata se pahale
Poet of the Poem / Ghazal or Nazam :Momin Khan Momin
Kanton ke chubhan pai phoolon ka maza bhi
dil dard ke mausam mein roya bhi hansa bhi
aane ka sabab yaad na jane ke khabar hai
wo dil mein raha aur use tod gaya bhi
har ek se manzil ka pata puch raha hai
gumrah mere sath hua rahnuma bhi
‘gumnam’ kabhi apanon se jo gham huye hasil
kuch yaad rahe un mein kuch bhool gaya bhi
Poet of the Poem / Ghazal or Nazam : Surender Malik Gumnaam
Lau de uthe wo harf-e-talab soch rahe hain
kya likhiye sar-e-daman-e-shab soch rahe hain
kya janiye manzil hai kahan jate hain kis simt
bhataki hui is bheed mein sab soch rahe hain
bhigi hui ek sham ke dahaliz pe baithe
hum dil ke dhadakane ka sabab soch rahe hain
tute huye patton se darakhton ka ta’alluq
hum dur khade kunj-e-tarab soch rahe hain
is lahar ke piche bhi ravan hain nai laharen
pahale nahi socha tha jo ab soch rahe hain
hum ubhare bhi dube bhi siyahi ke bhanvar mein
hum soye nahi shab-hama-shab soch rahe hain
Poet of the Poem / Ghazal or Nazam : Shakeb Jalali
jis sar ko garur aj hai yan tajavari ka
kal us pe yahin shor hai phir nauhagari ka
aafaq ke manzil se gaya kon salamat
asabab luta reh mein yan har safari ka
zindan mein bhi shorish na gai apne junun ke
ab sang madava hai is aashuftasari ka
har zakhm-e-jigar davar-e-mahashar se hamara
insaf talab hai teri bedadagari ka
is rang se jhamake hai palak par ke kahe tu
tukara hai mera ashk aqiq-e-jigari ka
le sans bhi nazuk ke aahista hai bahut kam
aafaq ke is karagah-e-shishagari ka
tuk mir-e-jigar-sokhta ke jald khabar le
kya yar bharosa hai chirag-e-sahari ka
Poet of the Poem / Ghazal or Nazam :Meer Taqi Meer
jee dhundhata hai ghar koi donon jahan se dur
is aapaki zamin se alag, aasman se dur
shayad main darakhur-e-nigah-e-garm bhi nahi
bijli tadap rahi hai mere aashiyan se dur
aankhen churake aapane afasana kar diya
jo hal tha zaban se qarib aur bayan se dur
ta arz-e-shauq mein na rahe bandagi ke lag
ik sajda chahata hun teri aastan se dur
hai mana rah-e-ishq mein dair-o-haram ka hosh
yani kahan se pas hai manzil, kahan se dur
Poet of the Poem / Ghazal or Nazam :Fani Badayuni
Dil se shauq-e-rukh-e-niko na gaya
jhankana takana kabhu na gaya
har qadam par thi us ke manzil lek
sar se sauda-e-justaju na gaya
sab gaye hosh-o-sabr-o-tab-o-tavan
lekin ae daag dil se tu na gaya
hum khuda ke kabhi qayal to na the
un ko dekha to khuda yaad aa gaya
dil mein kitne masaude the wale
ek pesh us ke ru-ba-ru na gaya
subah gardan hi ‘meer’ hum to rahe
dast-e-kotah ta sabu na gaya
Poet of the Poem / Ghazal or Nazam : Meer Taqi Meer
Butan-e-mahavash ujadi hui manzil mein rahate hain
ke jis ke jan jati hai usi ke dil mein rahate hain
hazaron hasaraten wo hain ki roke se nahi rukatin
bahot arman aise hain ki dil ke dil mein rahate hain
khuda rakkhe muhabbat ke liye aabad donon ghar
main un ke dil mein rahata hun wo mere dil mein rahate hain
zamin par panv nakhvat se nahi rakhate pari-paikar
ye goya is makan ke dusari manzil mein rahate hain
koi nam-o-nishan puche to ae qasid bata dena
takhallus “dag” hai aur aashiqon ke dil mein rahate hain
Poet of the Poem / Ghazal or Nazam : DaaG Dehlvi
