Kab talak pyas ke sahara mein jhulasate jayen
ab ye badal jo uthe hain to barasate jayen
kon batalaye tumhen kaise wo mausam hain ki jo
mujh se hi dur rahen mujh mein hi basate jayen
haye kya log ye aabad huye hain mujh mein
pyar ke lafz likhen lahaje se dasate jayen
aaina dekhun to ik chehare ke be-rang nuqush
ek nadidda-si zanjir mein kasate jayen
juz muhabbat kise aaya hai mayassar umeed
aisa lamha ki jidhar sadiyon ke raste jayen

Poet of the Poem / Ghazal or Nazam : Umeed Fazli

jab tera hukm mila tark muhabbat kar di
dil magar is pe wo dhadhaka ki qayamat kar di
tujh se kis tarah main izhar-e-tamanna karta
lafz sujha to mani ne bagavat kar di
main to samajha tha ki laut aate hain jane wale
tune jakar to judai meri qismat kar di
mujh ko dushman ke iradon pe bhi pyar aata hai
teri ulfat ne muhabbat meri aadat kar di
puch baitha hun main tujh se tere kuche ka pata
teri halat ne kaisi teri surat kar di

Poet of the Poem / Ghazal or Nazam :Ahmed Nadeem Qasmi

jab se tune mujhe divana bana rakha hai
sang har shakhs ne hathon mein utha rakha hai

us ke dil par bhi kadi ishq mein guzri hogi
naam jis ne bhi muhabbat ka saza rakha hai
pattharon aj mere sar pe baraste q ho
main ne tum ko bhi apana khuda rakha hai
ab mere did ke duniya bhi tamashai hai
tune kya mujhko muhabbat mein bana rakha hai
pija aiyam ke talkhi ko bhi hansake “nasir”
gham ko sahane mein bhi kudarat ne maza rakha hai

Poet of the Poem / Ghazal or Nazam :Hakim Nasir

jab kabhi tera naam lete hain
dil se hum intaqam lete hain
meri barbadiyon ke afasane
mere yaron ka naam lete hain
bas yahi ek jurm hai apana
hum muhabbat se kam lete hain
har qadam par gire par sikha
kaise giraton ko tham lete hain
hum bhatak kar junun ke rahon mein
aql se intaqam lete hain

Poet of the Poem / Ghazal or Nazam :Sardar Anjum

Duniya kisi ke pyar mein jannat se kam nahi
ik dilruba hai dil mein jo huron se kam nahi
tum badshah-e-husn ho husn-e-jahan ho
jan-e-vafa ho aur muhabbat ke shan ho
jalve tumhare husn ke taron se kam nahi
bhule se muskurao to moti baras pade
palke utha ke dekho to kaliyan bhi hans pade
khushbu tumhari zulf ke phoolon se kam nahi

Poet of the Poem / Ghazal or Nazam : Poet Unknown

Duniya ke sitam yaad na apni hi wafa yaad
ab mujh ko nahi kuch bhi muhabbat ke siva yaad
main shikvabalab tha mujhe ye bhi na raha yaad
shayad ke mere bhulanevale ne kiya yaad
jab koi hasin hota hai sargarm-e-navazish
us waqt wo kuch aur bhi aate hain siva yaad
muddat hui ik hadasa-e-ishq ko lekin
ab tak hai tere dil ke dhadakane ke sada yaad
han han tujhe kya kam mere shiddat-e-gam se
han han nahi mujh ko tere daman ke hawa yaad
main tark-e-rah-o-rasm-e-junun kar hi chuka tha
q aa gai aise mein teri lagazish-e-pa yaad

kya lutf ki main apana pata aap bataun
kije koi bhuli hui khas apni ada yaad

Poet of the Poem / Ghazal or Nazam : Jigar Moradabadi

Dil mein na ho jurrat to muhabbat nahi milati
khairat mein itni badi daulat nahi milati
kuch log yun hi shahar mein hum se bhi khafa hain
har ek se apni bhi tabiyat nahi milati
dekha tha jise main ne koi aur tha shayad
wo kon hai jis se teri surat nahi milati
hanste huye cheharon se hai bazar ke zinat
rone ko yahan vaise bhi fursat nahi milati

Poet of the Poem / Ghazal or Nazam : Nida Fazli

Dil mein ab dard-e-muhabbat ke siva kuch bhi nahi
zindagi meri ibadat ke siva kuch bhi nahi
main teri barah-gah-e-naz mein kya pesh karun
meri jholi mein muhabbat ke siva kuch bhi nahi
ae khuda mujhase na le mere gunahon ka hisab
mere pas ashq-e-nadamat ke siva kuch bhi nahi
wo to mit kar mujh ko mil hi gayi rahat varana
zindagi ranj-o-musibat ke siva kuch bhi nahi

Poet of the Poem / Ghazal or Nazam : Sahir Bhopali