raz ke baten likhi aur khat khula rahane diya
jane kyon rusavaion ka silasila rahane diya
umr bhar mere sath rahakar wo na samajha dil ke baat
do dilon ke daramiyan ik fasala rahane diya
apni fitarat wo badal paya na isake bavajud
khatm ke ranjish magar gila rahane diya
main samajhata tha khushi degi mujhe “sabir” fareb
is liye main ne gamon se rabata rahane diya

Poet of The Poem / Ghazal or Nazam :Sabir Jalalabadi

Kuch Barhami Hai Zara Is Noor-E-Ain Main
Milta Hai Iztiraab Yunhi Dil K Chain Main
Selaab Dekhta Hoon Tou Ata Hai Ye Khyal
Pani Bhatak Raha Hai Talash-E-HUSAIN Main

Sajday se karbala Ko Bandagi Mil Gai
Sabar Se Ummat Ko Zindagi Mil Gai
Ek Chamman FATIMA(S.A) Ka Ujra
Magar Sarey Islam Ko Zindagi Mil Gai

Sar Gair K Aage Na Jukane Wala
Aur Nezey Pey Bhi Quraan Sunaney Wala
Islam Se Kya Poochte Ho Kon Hussain
Islam Ko Islam Banane Wala

Selaab Dekhta Hoon Tou Hota Hai Ye Gumaan
Paani Phirta Hai Talash-E-Hussain Main

Aankhon Ko Koi Khwaab Tou Dikhayi De
Tabeer Me Imam Ka Jalwa Dikhayi De
Aye ! Ibn-E-Murtuza Tere Saamne
Suraj Bhi Ek Chota Sa Zarra Dikhayi De

Karbala Walon Ka Gham Ghar Ghar Main Manaya Jaye Ga
Maqsad-E-Shabeer Aalam Ko Bataya Jaye Ga
Yaad Ker K Jo Na Roya Karbala Walon Ki Pyaas
Qabar Se Tishna Wo Mehshar Main Uthaya Jaye Ga

Kat Kay Bhi Sab Se Jo Ooncha Hai Wo Sar Kis Ka Hai
Lut K Abaad Hai Ab Tak Wo Jo Ghar Kis Ka Hai
Takht Walon Ne Muar’rikh Bhi Khareede Honge
Zikr Dunia Main Magar Shaam-O-Seher Kis Ka Hai