Category: Nafrat

Lazim tha ki dekho mera rasta koi din aur – Mirza Ghalib

Lazim tha ki dekho mera rasta koi din aur
tanha gaye kyon ab raho tanha koi din aur
mit jayega sar, gar tera paththar na ghisega
hun dar pe tere nasiyafarsa koi din aur
aaye ho kal aur aj hi kahate ho ki jaun
mana ki hamesha nahi acha koi din aur
jate hue kahate ho qayamat ko milenge
kya khub! qayamat ka hai goya koi din aur
han ae falak-e-pir, jawan tha abhi aarif
kya tera bigadata jo na marata koi din aur
tum mah-e-shab-e-charduhum the mere ghar ke
phir kyon na raha ghar ka wo naqsha koi din aur
tum kon se aise the khare dad-o-sitad ke
karta malakulmaut taqaza koi din aur
mujhase tumhen nafrat sahi, nayyar se ladai
bachon ka bhi dekha na tamasha koi din aur
guzri na baharhal ya muddat khushi-nakhush
karana tha javanmarg! guzra koi din aur
nadan ho jo kahate ho ki kyon jite ho ‘ghalib’
qismat mein hai marane ke tamanna koi din aur

Poet of the Poem / Ghazal or Nazam : Mirza Ghalib

Dipak rag hai chahat apni kahe sunayen tumhen – Hafeez Hoshiarpuri

Dipak rag hai chahat apni kahe sunayen tumhen
hum to sulagte hi rehte hain kyon sulagayen tumhen
tark-e-muhabbat, tark-e-tamanna kar chukane ke bad
hum pe ye mushkil aan padi hai kaise bulayen tumhen
sannata jab tanhai ke zeher mein bujhata hai
wo ghadiyan kyon kar katati hain kaise batayen tumhen
jin baton ne pyar tumhara nafrat mein badala
dar lagata hai wo baten bhi bhool na jayen tumhen

 

Poet of the Poem / Ghazal or Nazam : Hafeez Hoshiarpuri

Bargashta-e-yazdan se kuch bhool hui hai – Sagar Siddiqui

Bargashta-e-yazdan se kuch bhool hui hai
bhatake hue insan se kuch bhool hui hai

ta hadd-e-nazar shole hi shole hain chaman mein
phoolon ke nigehban se kuch bhool hui hai

jis ahad mein lut jaye faqiron ke kamai
us ahad ke sultan se kuch bhool hui hai

hansate hain meri surat-e-maftun pe shagufe
mere dil-e-nadan se kuch bhool hui hai

huron ke talab aur mai-o-sagar se hai nafrat
zahid tere irfan se kuch bhool hui hai

 

Poet of the Poem / Ghazal or Nazam : Sagar Siddiqui

Badalate waqt ka ik silsila sa lagata hai – Manzar Bhopali

Badalate waqt ka ik silsila sa lagata hai
ke jab bhi dekho use dusara-sa lagata hai

tumhara husn kisi aadmi ka husn nahi
kisi buzurg ke sachi dua sa lagata hai

teri nigah ko tamiz rang-o-nur kahan
mujhe to khun bhi rang-e-hina sa lagata hai

damag-o-dil hon agar mutmain to chaon hai dhup
thapeda lu ka bhi thandi hawa sa lagata hai

wo chat pe aa gaya betab ho ke aakhir
khuda bhi aj sharik-e-dua sa lagata hai

tumhara hath jo aaya hai hath mai mere
ab aitabar ka mausam hara-sa lagata hai

nikal ke dekho kabhi nafaraton ke pinjare se
tamam shahar ka “manzar” khula sa lagata hai

Poet of the Poem / Ghazal or Nazam : Manzar Bhopali

Dard e Judai Shayari

Jite The Kabhi Hum Bhi Shaan Se,
Mehek Uthi Thi Fiza Kisi Ke Naam Se.
Par Guzre Hain Hum Kuch Aise Mukam Se,
Ki NAFRAT Si Ho Gayi He MOHABBAT Ke Naam Se

Pyar Nahi Karti Tumse Nafrat Karti Hu

Pyar Nahi Karti Tumse Nafrat Karti Hu
Door Ho Jaoo Meri Jindagi Se
Bus Khuda Se Yahi Dua Karti Hu

Nafrat Shayari – Tere Kis Kaam Ka

Shehre-Fana Hon ,Tere Kis Kaam Ka Hon
Ek Bujhta Sa Diya Hon ,Tere Kis Kaam Ka Hon

Tu Rafaqat K Liye Or Kisi Ko Chun Le
Me To Khud Aabla Pa Hon Tere Kis Kaam Ka Hon

Tujh Ko Darkar Hain Phoolo K Mehkate Saaye
Main To Sehra Me Khara Hon Tere Kis Kaam Ka Hon

A Paristare Gule-Tar Tera Rasta Takte Takte
Shaakh Pe Sokh Gaya Hon Tere Kis Kaam Ka Hon

Tu B Auron Ki Tarah Mujh Se Kinara Kar Le
Sari Duniya Se Bura Hon Tere Kis Kam Ka Hon..!!

Nafrat Kya Hoti Hai

Nafrat Kya Hoti Hai, Hum Se Na Pooch
Zeher Peena Kaisa Lagta Hai, Hum Se Na Pooch
Hum To Khud Barsoo Se Saza Bhugat Rehe Hain
Qistoo’n Mei Khud-Khushi Ka Anjaam, Hum Se Na Pooch








More about Nafrat and Poetry in Urdu and Hindi