Category: Neend

Tu bhi kisi ka pyar na paye khuda kare – Hafeez Jullundhary

Tu bhi kisi ka pyar na paye khuda kare
tujh ko tera nasib rulaye khuda kare
raton mein tujh ko neend na aaye khuda kare
tu dar-ba-dar ke thokaren khaye khuda kare
aaye bahar tere gulistan mein bar bar
tujh par kabhi nikhar na aaye khuda kare
meri tarah tujhe bhi javani mein gham mile
tera na koi sath nibhaye khuda kare
manzil kabhi bhi pyar ke tujh ko na mil sake
tu bhi dua ko hath uthaye khuda kare
tujh par shab-e-visal ke raten haram hon
shammen jala jala ke bujhaye khuda kare
ho jayen bad-duayen meri dosto galat
ab un pe koi harf na aaye khuda kare

Poet of the Poem / Ghazal or Nazam : Hafeez Jullundhary

Tum aankhon se dur ho hui neend aankhon se dur – Aziz Kashmiri

Tum aankhon se dur ho hui neend aankhon se dur
mere sathi gham ke chot se hua dil ka shisha choor
mujhe shikwa hai taqadir se nahi tum se koi gila
mujhe lakar yun pardes mein mera sab kuch chin liya
meri aankhon mein aansu aa base hun rone par majabur
mere zakhm hue pardesiya aa ris-ris ke nasur
mujhe rogi karake pyar ka diya gham ka rog laga
mere jalate hue charag ko meri qismat gai bujha
mujhe dhoka diya nasib ne nahi mera koi kusur
mujhe dhoka diya nasib ne nahi mera koi kusur

Poet of the Poem / Ghazal or Nazam : Aziz Kashmiri

Tujh ko dariyadili ke qasam saqiya

Tujh ko dariyadili ke qasam saqiya
mushtaqil daur par daur chalata rahe
raunaq-e-maikada yun hi badati rahe
ik girata rahe ik sambhalata rahe
sirf shabanam hi shan-e-gulistan nahi
shola-o-gul ka bhi daur chalata rahe
ashk bhi chashm-e-purnam se behte rahen
aur dil se dhuan bhi nikalata rahe
tere kabaze mein hai ye mizami jahan
tu jo chahe to sahara bane gulistan
har nazar par teri phul khilate rahe
har ishare pe mausam badalata rahe
tere chehare pe ye zulf bikhari hui
neend ke god mein subah nikhari hui
aur is par sitam ye adayen teri dil hai
aakhir kahan tak sambhalata rahe
is mein khun-e-tamanna ke tasir hai
ye vafa-e-muhabbat ke tasvir hai
aisi tasvir badle ye mumkin nahi
rang chahe zamana badalata rahe

Poet of the Poem / Ghazal or Nazam : Poet Unknown

Tera mera jhagada kya jab ik aangan ke matti hai – Sardar Anjum

Tera mera jhagada kya jab ik aangan ke matti hai
apne badan ko dekh le chukar mere badan ke matti hai
bhukhi pyasi bhatak rahi hai dil mein kaheen umeed liye
hum aur tum jis mein khate the us bartan ke matti hai
gairon ne kuch khwab dikhakar neend churali aankhon se
lori de de har gai jo ghar aangan ke matti hai
soch samajhakar tum ne jis ke sabhi gharonde tod diye
apne sath jo khel raha tha us bachpan ke matti hai
chal nafarat ko chod ke ‘anjum’ dil ke rishte jod ke ‘anjum’
is matti ka qarz utaren apne vatan ke matti hai

Poet of the Poem / Ghazal or Nazam :  Sardar Anjum

Tarz jine ka sikhati hai mujhe – Khalil ur Rahman Azmi

Tarz jine ka sikhati hai mujhe
tashnagi zeher pilati hai mujhe

raat bhar rahati hai kis baat ke dhun
na jagti hai na sulati hai mujhe
ruthata hun jo kabhi duniya se
zindagi aake manati hai mujhe
aaina dekhun to kyunkar dekhun
yaad ik shakhs ke aati hai mujhe
band karta hun jo aankhen kya kya
roshani si nazar aati hai mujhe
koi mil jaye to rasta kat jaye
apni parachai darati hai mujhe
ab to ye bhool gaya kis ke talab
des parades phirati hai mujhe

kaise ho khatm kahani gham ke
ab to kuch neend si aati hai mujhe

Poet of the Poem / Ghazal or Nazam : Khalil ur Rahman Azmi

Talkhi-e-may mein zara talkhi-e-dil bhi gholen – Krishan Adeeb

Talkhi-e-may mein zara talkhi-e-dil bhi gholen
aur kuch der yahan baith ke pi lain ro lain
har taraf ek purasarar si khamoshi hai
apne saye se koi baat karen kuch bolen
koi to shakhs ho jee jan se chahen jis ko
koi to jan-e-tasavvur ho ke jis ke ho lain
aah ye dil ke kasak haye ye aankhon ke jalan
neend aa jaye agar aj to hum bhi so lain

Poet of the Poem /  Ghazal or Nazam: Krishan Adeeb

Yun Sote-Sote Jaag Jana

Shayad Woh Apna Wajood Chhor Gaya Hai Meri Hasti Mein,
Yun Sote-Sote Jaag Jana Meri Aadat Pehle Kabhi Na Thi…

Share By : Mushtaq Ahmad Nazish

Dil Ki Kitaab Ka Panna Churaa Legaye

Dil Ki Kitaab Ka Panna Churaa Legaye Tum
Aankhon Se Neendh Uda Legaye Tum
Teri Yaad Me Tadapne Ki Aadat Nahin Thi Mujhe
Apni Yaadon Se Tadpaane Sikha Gaye Tum








More about Neend and Poetry in Urdu and Hindi