Tumhare shahar ka mausam bada suhana lage
main ek sham chura lun agar bura na lage
tumhare bas mein agar ho to bhool jao hamen
tumhen bhulane mein shayad mujhe zamana lage
hamare pyar se jalne lagi hai ye duniya
dua karo kisi dushman ki baddua na lage
na jane kya hai us ke bebak aankhon mein
wo muh chupa ke jaye bhi to bevafa lage
jo dubana hai to itane sukun se dubo
ke aas pas ke laharon ko bhi pata na lage
ho jis ada se mere sath bevafai kar
ke tere bad mujhe koi bevafa na lage
wo phul jo mere daman se ho gaye mansub
khuda kare unhen bazar ke hawa na lage
tum aankh mund ke pi jao zindagi ‘qaiser’
ke ek ghunt mein shayad ye badmaza na lage

Poet of the Poem / Ghazal or Nazam : Qaiser ul Jafri

yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd’a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

Poet of the Poem/Ghazal or Nazam: Makhdoom Mohiuddin

Tum ko hum dil mein basa lenge tum aao to sahi
sari duniya se chupa lenge tum aao to sahi
ek wada karo ab hum se na bhichadoge kabhi
naz hum sare utha lenge tum aao to sahi
bevafa bhi ho sitamagar bhi jafapesha bhi
hum khuda tum ko bana lenge tum aao to sahi
yun to jis simt nazar uthati hai tariki hai
pyar ke dip jala lenge tum aao to sahi
ikhtalafat bhi mit jayenge rafta rafta
jis tarah hoga nibha lenge tum aao to sahi
dil ke virani se ghabarake na muh ko modo
bazm ye phir se saja lenge tum aao to sahi
reh tarik hai aur dur hai manzil lekin
dard ke shamaen jala lenge tum aao to sahi

Poet of the Poem / Ghazal or Nazam : Mumtaz Mirza

Tum aankhon se dur ho hui neend aankhon se dur
mere sathi gham ke chot se hua dil ka shisha choor
mujhe shikwa hai taqadir se nahi tum se koi gila
mujhe lakar yun pardes mein mera sab kuch chin liya
meri aankhon mein aansu aa base hun rone par majabur
mere zakhm hue pardesiya aa ris-ris ke nasur
mujhe rogi karake pyar ka diya gham ka rog laga
mere jalate hue charag ko meri qismat gai bujha
mujhe dhoka diya nasib ne nahi mera koi kusur
mujhe dhoka diya nasib ne nahi mera koi kusur

Poet of the Poem / Ghazal or Nazam : Aziz Kashmiri

Thukarao ya ab ke pyar karo main nashe mein hun
jo chaho mere yar karo main nashe mein hun
ab bhi dila raha hun yaqin-e-vafa magar
mera na aitabar karo main nashe mein hun
girane do tum mujhe mera sagar sambhal lo
itna to mere yar karo main nashe mein hun
mujhko qadam qadam pe bahakane do vaizon
tum apna karobar karo main nashe mein hun
phir bekhudi mein had se guzarne laga hun
itna na mujhase pyar karo main nashe mein hun

Poet of the Poem / Ghazal or Nazam : Shahid Kabir

Sata sata ke hamen ashkbar karati hai
tumhari yaad bahut beqarar karati hai

wo din jo sath guzri the pyar ke hum ne
talash un ko nazar bar bar karati hai
gila nahi jo nasibon ne kar diya hai juda
teri judai bhi ab hum ko pyar karati hai

kinare baith ke jis ke kiye the qaul-o-qarar
nadi wo ab bhi tera intazar karati hai

Poet of the Poem / Ghazal or Nazam : Wafa Roomani

Sarakati jaye hai rukh se naqab aahista-ahista
nikalata aa raha hai aaftab aahista-ahista
jawan hone lage jab wo to hum se kar liya parda
haya yaklakht aayi aur shabab aahista-ahista
shab-e-furkat ka jaga hun farishton ab to sone do
kabhi fursat mein kar lena hisab aahista-ahista
saval-e-vasl par un ko udu ka khauf hai itna
dabe honton se dete hain javab aahista aahista
hamare aur tumhare pyar mein bas farq hai itna
idhar to jaldi jaldi hai udhar aahista aahista
wo bedardi se sar kate ‘ameer’ aur main kahun un se
huzur aahista-ahista janab aahista-ahista

Poet of the Poem / Ghazal or Nazam : Ameer Minai

Tere khushbu mein base khat main jalta kaise
jin ko duniya ke nigahon se chupaye rakha
jin ko ik umr kaleje se lagaye rakha
din jin ko, jinhen iman banaye rakha
jin ka har lafz mujhe yaad tha pani ke tarah
yaad the mujh ko jo paigam-e-zubani ke tarah
mujh ko pyare the jo anmol nishani ke tarah
tune duniya ke nigahon se jo bachakar likhe
salaha-sal mere naam barabar likhe
kabhi din mein to kabhi raat mein uthakar likhe
tere khushbu mein base khat main jalta kaise
pyar mein dube huye khat main jalta kaise
tere hathon ke likhe khat main jalta kaise
tere khat aj main ganga mein baha aaya hun
aag behte huye pani mein laga aaya hun

Poet of the Poem / Ghazal or Nazam : Rajendranath Rahbar