gham bade aate hain qatil ki nigahon ki tarah
tum chipa lo mujhe, ae dost, gunahon ki tarah
apni nazaron mein gunahagar na hote, kyon kar
dil hi dushman hain mukhalif ki gvahon ki tarah
har taraf zist ki rahon mein kadi dhup hai dost
bas teri yaad ki saye hain panahon ki tarah
jinake khatir kabhi ilzam uthaye, ‘fakir’
wo bhi pesh aaye hain insaf ki shahon ki tarah

Poet of the poem/ghazal or Nazam: Sudarshan Faakir

gale laga ki jo sunate the dil ki aahon ko
taras raha hun unhin ki hasin bahon ko
qadam qadam pe wo aankhen bicha bicha dena
zarur yaad to hoga tumhari rahon ko
duhai hai teri ae rahazan duhai hai
ki aj lut liya rahabar ne rahon ko
mile na phir tere daman mein daag un ki ‘shamim’
sharab-e-nab se dhoya hai jin ki aahon ko

Poet of the poem/ghazal or Nazam: Shamim Jaipuri

gajara bana ki le aa malaniya
wo aaye hain ghar mein hamare
der na ab tu laga
sara chaman ho jinaka divana
aisi kaliyan chun ki la
lali ho jin mein un ki labon ki
un ko piro ki le aa
jo bhi dekhe un ki surat
jhuki jhuki ankhiyon se pyar kare
chanda jaisa rup hai un ka
aankhon mein ras hai bhara

Poet of the poem/ghazal or Nazam: Afshan Rana

gair lain mahafil mein bose jam ki
hum rahen yun tashnalab paigam ki
khastagi ka tum se kya shikwa ki ye
hathakande hain charkh-e-nili fam ki
khat likhenge garche matalab kuch na ho
hum to aashiq hain tumhare naam ki
raat pi zam-zam pe may aur subh-dam
dhoe dhabbe jama-e-eharam ki
dil ko aankhon ne phansaya kya magar
ye bhi halqe hain tumhare dam ki
shah ki hai gusl-e-sehat ki khabar
dekhiye din kab phiren hammam ki
ishq ne ‘ghalib’ nikamma kar diya
varna hum bhi aadmi the kam ki

Poet of the poem/ghazal or Nazam: Mirza Ghalib

gai wo bat ki ho guftagu to kyonkar ho
kahe se kuch na hua phir kaho to kyonkar ho
hamare zahan mein is fikr ka hai naam visal
ki gar na ho to kahan jayen ho to kyonkar ho
adab hai aur yahi kashamakash to kya kije
haya hai aur yahi gomago to kyonkar ho
tumhin kaho ki guzra sanam paraston ka
buton ki ho agar aisi hi khu to kyonkar ho
uljhate ho tum agar dekhte ho aaina
jo tum se shahar mein ho ek do to kyonkar ho
jise nasib ho roz-e-siyah mera sa
wo shakhs din na kahe raat ko to kyonkar ho
hamen phir un se umid aur unhen hamari qadr
hamari bat hi puche na wo to kyonkar ho
galat na tha hamen khat par guman tasalli ka
na mane dida-e-didar ju to kyonkar ho
batao us misha ko dekhakar ho mujh ko qarar
yah nesh ho rag-e-jan mein faro to kyonkar ho
mujhe junun nahi galib wale baqaul-e-huzur
firaq-e-yar mein taskin ho to kyonkar ho

Poet of the poem/ghazal or Nazam: Mirza Ghalib

gaye dinon ka surag lekar kidhar se aaya kidhar gaya wo
ajeeb manus ajanabi tha mujhe to hairan kar gaya wo
khushi ki rut ho ki gham ka mausum nazar use dhundhati hai har dam
wo bu-e-gul tha ki nagma-e-jan mere to dil mein utar gaya wo
wo maikade ko jaganevala wo raat ki neend udanevala
na jane kya us ki jee mein aayi ki sham hote hi ghar gaya wo
kuch ab sambhalane lagi hai jan bhi badal chala rang aasman bhi
jo raat bhari thi tal gai hai jo din kada tha guzar gaya wo
shikastapa rah mein khada hun gaye dinon ko bula raha hun
jo qafila mera hamsafar tha misl-e-gard-e-safar gaya wo
bas ek manzil hai bulhavas ki hazar raste hain ahal-e-dil ki
ye hi to hai farq mujh mein us mein guzar gaya main thahar gaya wo
wo jis ki shane pe hath rakh kar safar kiya tune mannzilon ka
teri gali se na jane q aj sar jhukaye guzar gaya wo
wo hijr ki raat ka sitara wo hamnafas hamsukhan hamara
sada rahe us ka naam pyara suna hai kal raat mar gaya wo
bas ek moti si chab dikhakar bas ek mithi si dhun suna kar
sitara-e-sham ban ki aaya barang-e-khayal-e-sahar gaya wo
na ab wo yadon ka chadhata dariya na fursaton ki udas barkha
yun hi zara si kasak hai dil mein jo zakhm gahara tha bhar gaya wo
wo raat ka benava musafir wo tera shayar wo tera ‘nasir’
teri gali tak to hum ne dekha phir na jane kidhar gaya wo

Poet of the poem/ghazal or Nazam:Nasir Kazmi

ganv mit jayega shahar jal jayega
zindagi tera chehara badal jayega
kuch likho marsiya masanavi ya gazal
koi kagaz ho pani mein gal jayega
ab usi din likhunga dukhon ki gazal
jab mera hath lohe mein dhal jayega
main agar muskura kar unhen dekh lun
qatilon ka irada badal jayega
aj suraj ka rukh hamari taraf
ye badan mom ka hai pighal jayega

Poet of the poem/ghazal or Nazam: Bashir Badr

fursat-e-kar faqat char ghadi hai yaro
ye na socho ki abhi umr padi hai yaro
apne tarik makanon se to bahar jhanko
zindagi shamma liye dar pe khadi hai yaro
unake bin jee ki dikha denge chalo yun hi sahi
bat itani si hai ki zid aan padi hai yaro
fasala chand qadam ka hai mana lain chal kar
subah aayi hai magar dur khadi hai yaro
kis ki dahaliz pe le jake sajaun is ko
bich raste mein koi lash padi hai yaro
jab bhi chahenge zamane ko badal dalenge
sirf kahane ki liye bat badi hai yaro

Poet of the poem/ghazal or Nazam: Jan Nisar Akhtar