garaj baras pyasi dharti par phir pani de maula
chidiyon ko dana, bachon ko gudadhani de maula
do aur do ka jod hamesha char kahan hota hai
soch samajhavalon ko thodi nadani de maula
phir roshan kar zeher ka pyala chamaka nai saliben
jhuthon ke duniya mein sach ko tabani de maula
phir murat se bahar aakar charon or bikhar ja
phir mandir ko koi mira divani de maula
tere hote koi kisi ke jan ka dushman kyon ho
jinevalon ko marane ke aasani de maula

Poet of the poem/ghazal or Nazam:  Nida Fazli

gamon ne gher liya hai mujhe to kya gham hai
main muskura ke jiyunga teri khushi ke liye
kabhi kabhi tu mujhe yaad kar to leti hai
sukun itna sa kafi hai zindagi ke liye
ye waqt jis ne palat kar kabhi nahi dekha
ye waqt ab bhi muradon ke phal lata hai
wo mod jis ne hamen ajanabi bana dala
us ek mod pe dil ab bhi gungunata hai
fizayen rukati hain rahon par jin se hum guzri
ghatayen aj bhi jhuk kar salam karati hain
har ek shab ye suna hai falak se kuch pariyan
wafa ka chand hamare hi naam karati hain
ye mat kaho ki muhabbat se kuch nahi paya
ye mere geet mere zakhm-e-dil ke rulai
jinhen tarasati rahi anjuman ke rangini
mujh mili hai muqaddar se aisi tanhai

Poet of the poem/ghazal or Nazam:  Sardar Anjum

gam-e-duniya se gar pai bhi fursat sar uthane ke
falak ka dekhana taqarib tere yaad aane ke
khulega kis tarah mazamun mere maktub ka yarab
qasam khai hai us kafir ne kagaz ke jalne ke
lipatana paraniyan mein shola-e-atish ka aasan hai
wale mushkil hai hikamat dil mein soz-e-gam chupane ke
unhen manzur apne zakhmiyon ka dekh aana tha
uthe the sair-e-gul ko dekhana shokhi bahane ke
hamari sadagi thi iltafat-e-naz par marana
tera aana na tha zalim magar tamahid jane ke
laqad-kob-e-havadis ka tahammul kar nahi sakati
meri taqat ke zamin thi buton ke naz uthane ke
kahun kya khubi-e-auzag-e-ibna-e-zaman “ghalib”
badi ke usane jis se hum ne ke thi barha neki

Poet of the poem/ghazal or Nazam: Mirza Ghalib

gham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhegham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhe

Poet of the poem/ghazal or Nazam: Seemab Akbarabadi

meri vadi mein wo ik din yun hi aa nikali thi
rang aur nur ka bahata hua dhara ban kar
mahafil-e-shauq mein ik dhum macha di us ne
khalvat-e-dil mein rahi anjuman-ara ban kar

shola-e-ishq sar-e-arsh ko jab chune laga
ud gai wo mere sine se sharara ban kar
aur ab mere tasavvur ka ufaq roshan hai
wo chamakati hai jahan gham ka sitara ban kar

Poet of the poem/ghazal or Nazam: Ali Sardar Jafri

gham ka khazana tera bhi hai mera bhi
ye nazarana tera bhi hai mera bhi
apne gham ko geet banake ga lena
rag purana tera bhi hai mera bhi
tu mujhko aur main tujh ko samjahaun kya
dil divana tera bhi hai mera bhi
shahron shahron galiyon jis ka charcha hai
wo afsana tera bhi hai mera bhi
maikhane ki bat na kar waiz mujh se
aana jana tera bhi hai mera bhi

Poet of the poem/ghazal or Nazam: Shahid Kabir

gham chupate rahe muskurate rahe
mahafilon mahafilon gungunate rahe
aansuon se likhi dil ki taharir ko
phul ki pattiyon se sajate rahe
gazalen kumhala gain nazmen murjha gain
geet sanvala gaye saz chup ho gaye
phir bhi ahal-e-chaman kitne khushzauq the
nagma-e-fasl-e-gul gungunate rahe
teri sanson ki khushbu labon ki mahak
jane kaise havayen uda lain thi
waqt ka har qadam bhi bahakata raha
zaqt le panv bhi dagmagate rahe

Poet of the poem/ghazal or Nazam: Bashir Badr

gam-e-hayat ka jagada mita raha hai koi
chale bhi aao ki duniya se ja raha hai koi

kaho ajal se zara do ghadi thahar jaye
suna hai aane ka wada nibha raha hai koi

wo aj lipate hain kis nazuki se lashe ko
ki jaise ruthon huon ko mana raha hai koi

kaheen palat ki na aa jaye sans nabzon mein
hasin hathon se mayyat saja raha hai koi

Poet of the poem/ghazal or Nazam: Sardar Anjum