Tum nahi gham nahi sharab nahi
aisi tanhai ka javab nahi
gahe gahe ise pada kije
dil se bahatar koi kitab nahi
jane kis kis ke maut aai hai
aj rukh pe koi naqab nahi
wo karam ungaliyon pe ginte hain
zulm ka jinake kuch hisab nahi

Poet of the Poem / Ghazal or Nazam : Saeed Rahi

Teri khushbu ka pata karati hai
mujh pe ehsaan hawa karati hai
shab ke tanhai mein ab to aksar
guftagu tujh se raha karati hai
dil ko us reh pe chalana hi nahi
jo mujhe tujh se juda karati hai
zindagi meri thi lekin ab to
tere kahane mein raha karati hai
us ne dekha hi nahi warna ye aankh
dil ka ehaval kaha karati hai
beniyaz-e-kaf-e-dariya angusht
ret par naam likha karati hai
sham padate hi kisi shakhs ke yaad
kucha-e-jan mein sada karati hai
mujh se bhi us ka hai vaisa hi suluk
hal jo tera ana??? karati hai
dukh hua karta hai kuch aur bayan
baat kuch aur hua karati hai
abr barase to inayat us ke
shakh to sirf dua karati hai
masala jab bhi utha chiragon ka
faisala sirf hawa karati hai

Poet of the Poem / Ghazal or Nazam : Parveen Shakir

Tere bare mein jab socha nahi tha
main tanha tha magar itna nahi tha
teri tasvir se karta tha baten
mere kamare mein aaina nahi tha
samandar ne mujhe pyasa hi rakha
main jab sehra mein tha pyasa nahi tha
manane-ruthane ke khel mein hum
bichad jayenge ye socha nahi tha
suna hai band kar li us ne aankhen
kai raton se wo soya nahi tha

Poet of the Poem / Ghazal or Nazam : Meraj Faizabadi

Tanha tanha hum ro lenge mahafil mahafil gayenge
jab tak aansu pas rahenge tab tak geet sunayenge
tum jo socho wo tum jano hum to apni kahate hain
der na karana ghar jane mein varana ghar kho jayenge
bachon ke chote hathon ko chand sitare chune do
char kitaben padh kar wo bhi hum jaise ho jayenge
kin rahon se dur hai manzil kon sa rasta aasan hai
hum jab thak kar ruk jayenge auron ko samajhayenge
achi surat wale sare patthar-dil ho mumkin hai
hum to us din rae denge jis din dhoka khayenge

Poet of the Poem / Ghazal or Nazam : Nida Fazli

kisane wada kiya hai aane ka
husn dekho garib khane ka

ruh ko aaina dikhate hain
dar-o-divar muskurate hain

aj ghar, ghar bana hai pahali bar
dil mein hai khush saliqagi bedar

jama saman hai aish-o-ishrat ka
khauf dil mein fareb-e-qismet ka

soz-e-qalb-e-kalim aankon mein
ashk-e-ummid-o-bim aankhon mein

chashm-bar-rah-e-shauq ke mare
chand ke intazar mein tare

Poet of the poem/ghazal or nazam : Josh Malihabadi

apani rusavai tere nam ka charcha dekhun
ek zara sher kahun aur main kya kya dekhun

nind aa jaye to kya mahafilen barpa dekhun
aankh khul jaye to tanhai ka sahara dekhun

sham bhi ho gai dhundhala gai aankhen bhi meri
bhulanevale main kab tak tera rasta dekhun

sab ziden us ke main puri karun har bat sunun
ek bachche ke tarah se use hansta dekhun

mujh pe cha jaye wo barsat ke khushbu ke tarah
ang ang apana usi rut mein mahakata dekhun

tu meri tarah se yakta hai magar mere habib
jee mein aata hai koi aur bhi tujh sa dekhun

main ne jis lamhe ko puja hai use bas ek bar
khvab ban kar teri aankhon mein utarata dekhun

tu mera kuch nahi lagata hai magar jan-e-hayat
jane kyon tere liye dil ko dhadakata dekhun

Poet of the Poem / Ghazal or Nazam : Parveen Shakir

Tamnna Se Ni Tanhai Se Darte Ha
Pyar Se Ni Ruswai Se Darte Ha
Milne Ki Chaht To Bahut Ha Par
Milan K Baad Ki Judai Se Darte Ha

Tanha Hu Is Dard Mohabbat Mei
Meri Tarah Behaal Tum Bhi Ho
Hm Hai Kisi Ujde Hue Shahar Ki Misaal
Aankhen Bata Rahi Hai Ki Viraan Tum Bhi Ho