Main Hun Aur Mere Saath
Sirf Meri Tanhai Hai
Pahle Saaya Tha Mera Mere Saath
Aaj Kal Wo Bhi Harjaai Hai
Jaane Kyon, Kaise Aaj Phir Se Meri
Mujhko Maazi Satane Aai Hai
Dard-e-Tanhai Se
Jab Choor Hua Jaata Hoon
Saari Duniya Se
Bahut Door Hua Jaata Hoon
Phir Bhi Jeene Ko
Jo Majboor Hua Jaata Hoon
Aisi Haalat Me
Pareshan Dil Ko Bahlane
Purane Zakhmon Ko
Aansuon Me Nehlane
Shab Ki Tanhai Me
Main Chhat Pe Chala Aata Hoon
Apni Khamosh Shikayat Ko
Sunaane Ke Liye
Chaand Ko Apna Haal-e-Dil
Bataane Ke Liye
Apni Aankhon Ka Luhoo Usko
Dikhane Ke Liye
Saath Apne Use
Kutch Deir Rulaane Ke Liye
Chaand Ko Bhi
Meri Haalat Se Pareshani Hai
Uski Bhi Apni
Mohabbat Ki Ek Kahani Hai
Chot Meri Tarah Wo Khaya Hai
Daagh Seene Me Jab Hi Paaya Hai
Bhool Jaayen Chalo Muhabbat Mein
Dard Kisko Hai Kisko Tanhai
Waqt Ab Hai Teri Judaai Ka
Aansuon Mein Teri Widayee Ka
Chun Ke Aankhon Se Mere Ashkon Ko
Thapkiyan De Ke Meri Palkon Ko
Meri Kismet Per Ro Ke Jaata Hai
Jaate Jaate Wo Apne Askhon Se
Saari Dharti Bhigo Ke Jaata Hai
Ek Subah Phir Nayee Si Aati Hai
Thodi Ummeed Saath Laati Hai
Shaam Hote Hi Saath “ASIF” Ke
Aa Gai Phir Wohi Dilnasheen Tanhai Hai
Main Hun Aur Mere Saath
Sirf Meri Tanhai Hai
Sirf Meri Tanhai Hai
Sirf Meri Tanhai Hai…………

Yun To Milne Ko Hum Mile Hain Bohat
Darmiyan Phir Bhi Faasle Hain Bohat

Tu Mili Bhi To Chund Pal K Liye
O Zindagi Tujh Se Gile Hain Bohat

Ek Do Yaden Aur Tanhai Mili
Pyar Karne K Ye Sile Hain Bohat

Yun To Milne Ko Hum Mile Hain Bohat
Darmiyan Phir Bhi Faasle Hain Bohat

Mujhse Na Pooch Meri Tanhai Ka Aalam
Har Raat Mujh Pe Ek Qyamat Guzarti Hai

Tanhaii Ne Is Ko Bhi To Ghera Tha
Sir Se Lekar Paa’oo Tak Jo Mera Tha

Mai Bhi Pagal Itni Baat Na Jaan Saka
Is Ka Aana Jogi Wala Phera Tha

Maine Likha Lafz Ba Lafz Lahu Se Jisko
Wo Fasana Tera Tha Na Mera Tha

Hum Ne Jeeta Aadha Aadha Apna Aap
Laikin Mera Adha Bhi , Kab Mera Tha

Sajid Jiski Chahaat Tere Dil Mai Thi
Iske Dil Ko Aur Kisi Ne Ghera Tha

Poet : Sajid Hidayat
(Tel: +92 333 4123685)

Akele To Hum Pehle Bhi Jee Rahe The
Kyu Tanha Se Ho Gaye Hai Tere Jane Ke Baad

Uojray Huay Logoon Say Gureizaan Na Hua Kar
Hallat Ki Qabroon Kay Qatbay Bhee Phaarha Kar
Har Waqt Ka Hansna Tughay Barbad Na Kar Day
Tanhaee Kay Lamhoon Mein Kabhee Ro Bhee Lia Kar

Din To Guzar Hi Jata Hai Logon Ki Bheed Me
Kartey Hain Basar Raat Main Aur Meri Tanhai

Saanson Ka Kya Bharosa Kab Chod Jain Saath
Laikin Rahainge Saath, Main Aur Meri Tanhai

Aaye Na Tumhe Yaad Kabhi Bhul Kar Bhi hum
Kartey Hain Tumhe Yaad Main Aur Meri Tanhai

Aa Ke Paas Kyon Door Ho Gaye ???? Hum Se
Kartey Hain Teri Talash Main Aur Meri Tanhai

Tum Ko Rakhain Gay Saath Zeenat Bana Ke Ghar Ki
Reh Jain Phir Na Tanha Main Aur Meri Tanhai

Me Or Meri Tanhai Akser Ye Batain Kartay
Tum Hoti To Kesa Hota Tum Ye Kehti Tum Wo Kehti
Tum Is Baat Pe Heran Hoti Tum Us Baaat Pe Kitna Hansti
Zindagi K Safr Me Guzer Jataay Hain Jo Makaan
Wo Phir Nahi Atay Wo Phir Nahi Atay
Tum Hoti To Esa Hota Tum Hoti To Wesa Hota
Me Aur Meri Tanhai Akser Ye Batain Kerte
Phol Khilte Hain Log Mitay Hain
Magr Pat Jhar Me Jo Phol Murjha Jatay Hain
Wo Baharon K Anay Se Khiltay Nahi
Kuch Log Ek Roz Jo Bechar Jatay Hain
Wo Hazaron K Anay Se Miltay Nahin
Umer Bhar Chahay Koi Pukara Karay Unka Naam
Wo Phir Nahi Atay Wo Phir Nahi Atay
Ye Chand Hai Ya Tumhara Kangan
Sitaray Hain Ya Tumhara Anchal
Hawa Ka Jhonka Hai Ya Tumharay Badan K Khushboo
Ye Patttiyon Ki Hai Sar Sarahat K Tum Ne Chupke Say Kuch Kaha Hai
Subha Ati Hai Raat Jati Hai Yunhi
Wakt Chalta Hi Rehta Hai Rukta Nahi
Ek Pal Me Yeh Agai Nikal Jata Hai
Admi Theek Sai Dekh Pata Nahi
Aur Parday Sai Manzar Badal Jata Hai
Ek Bar Chalai Jatai Hain Jo Din Raat Subha Sham
Wo Phir Nahi Atay Wo Phir Nahi Atay
Ye Sochta Hooon Me Kabse
K Jab K B Ye Mujko Khaber Hai K Tum Nahi Kahin Nahin Ho
Mager Ye Dil Kehraha Hai K Tum Yehin Kahin Ho
Yehin Kahin Ho