Na Jaane Aaj Ye Kis Kaa Khayaal Aayaa Hai
Khushii Kaa Rang Liye Har Malaal Aayaa Hai
Wo Ek Shakhs Ki Haasil Na Thaa Jo Khud Ko Bhii
Mitaa Kisii Pe To Kaisaa Bahaal Aayaa Hai

Tujh Say Bichar Kar Bhi Teray Paas Rehta Hoon
Khuda Gawah Hay Main Bohat Udas Rehta Hoon

Chala Tha Qafila, Aur Hum Us Ke Saath
Roya Tha Aasmaan, Aur Hum Us Ke Saath
Khuda Ka Saaya Hum Par Se Na Utha Hota
To Aaj Woh Humare, Aur Hum Us Ke Saath

Bichar Kar Aap Se Humko,Khushii Achchii Nahii Lagtii
Labon Par Yeh Banaawat Kii Hansii Achchii Nahii Lagtii

Kabhii To Khoob Lagtii Thii Magar Ye Sochtii Hoon Ab
Ke Mujhko Kyon Merii Ye Zindagii Achchii Nahii Lagtii?

Tirii Maujoodagii Mein To Mujhe Har Baat Bhaati Thi
‘Terii Furqat Mein Koii Baat Bhii Achchii Nahii Lagtii

Ko’ii To Saaz Chhere, Ko’ii To Naghma Idhar Goonje!
Bharii Mehfil Mein Itnii Khaam’shii Achchii Nahii Lagtii

Kabhii Hum Bhii Huaa Karte The Baadaakash Magar Jab Se
Tujhe Dekha Hai Tab Se Maikashii Achchii Nahii Lagtii

Zara Tuu Paas Aa,Main Ponchh Doon Ashkon Ko Pallu Se
Tirii Maasoom Aankhon Mein Namii Achchii Nahii Lagtii

Miree Aankhon Ne Jab Se Jeena Seekhaa Hai Andheron Mein
Kisii Bhii Qism Kii Ho Raushnii,Achchii Nahii Lagtii

Mujhe Har Gaam Pe Dukh,Dard,Ranj-O-Gham Mile Lekin
Khudaaya Aur Ab Uftaadgii Achchii Nahii Lagtii!

Na De Har Vaqt Tuu Dastak Mire Darvaaza-E-Dil Par!
K Ab Mujh Ko Yeh “Tarz-E-Dil-Lagii” Achchhi Naheen Lagtii

Agar Tum Chaah Sakte Ho,To Dil Se Chaaho Mujhko Tum
Mohabbat Mein Merii Jaan Bedilii Achchii Nahii Lagtii

Jhijhakte Kyon Ho Kehne Se?Humein Maaloom Hai Sab Kuch!
K Tum Ko Ab HAMAARI Dostii Achchhi Naheen Lagtii!

Zauq-E-Janoon Ko Had Se Guzar Jane Do
Wo Smaitney Aye Ga Humain Bikhar Jane Do
Abhi Dastras Mai Hun To Ehsas Nahi Usko
Ro Ro Ke Pukarey Ga Humain Mar Jane Do

Tamanna Thi K Koi Toot K Chahta Hume Magar Afsos
Hum Khud Hi Toot K Bikhar Gaye Kisi Ki Chahat Mein

Kyun Aaj Uska Zikar Mujhe Khush Na Kar Saka
Kyun Aaj Uska Naam Mera Dil Dukha Gaya
Kyun Aaj Wo Umeed Ki Shama Na Jala Saka
Kyun Aaj Wo Sare Diye Bujha Gaya

Ek Shaks Pas Reh Ke Samjha Nahi Mujhe
Is Baat Ka Malal Hai Shikwa Nahi Mujhe

Main Us Ko Bewafai Ka Ilzam Kaisay Dou
Us Ne To Ibteda Se Hi Chaha Nahi Mujhe

Pathar Samajh Kar Paonâ Se Thokr Laga Dia
Afsos Teri Aankh Ne Parkha Nahi Mujhe

Kya Umedein Baandh Kar Aaya Tha Samnay
Us Ne To Aankh Bahr Ke Dekha Nahi Mujhe…!!!