ke wafa hum se to gair use jafa kahate hain
hoti aayi hai ke achon ko bura kahate hain
aj hum apni pareshani-e-khatir un se
kahane jate to hain, par dekhiye kya kahate hain
agale vaqton ke hain ye log, inhen kuch na kaho
jo may-o-nagmen ko andoharuba kahate hain
dil mein aa jae hai, hoti hai jo fursat gash se
aur phir kon se nale ko rasa kahate hain?
hai par-e-sarahad-e-idarak se apna masjud
qible ko, ahal-e-nazar, qiblanuma kahate hain
pa-e-afagar pe jab se tujhe raham aaya hai
khar-e-rah ko tere hum mehr-e-giya kahate hain
ik sharar dil mein hai, us se koi ghabarayega kya
aag matalub hai hamako, jo hawa kahate hain
dekhiye lati hai us shokh ke nakhvat kya rang
us ke har baat pe hum nam-e-khuda kahate hain
vahashat-o-shefta ab marsiya kahaven shayad
mar gaya “ghalib”-e-ashuftanava kahate hain

Poet of the Poem / Ghazal or Nazam :Mirza Ghalib

is waqt to yun lagata hai ab kuch bhi nahi hai
mahatab na suraj na andhera na savera
aankhon ke dariche mein kisi husn ke jhalakan
aur dil ke panahon mein kisi dard ka dera
mumkin hai koi vaham ho mumkin hai suna ho
galiyon mein kisi chap ka ek aakhiri phera
shakhon mein khayalon ke ghane ped ke shayad
ab aake karega na koi khwab basera
ik bair na ik mahar na ik rabt na rishta
tera koi apna na paraya koi mera
mana ki ye sun-san ghadi sakht badi hai
lekin mere dil ye to faqat ek ghadi hai
himmat karo jine ko abhi umr padi hai

Poet of the Poem / Ghazal or Nazam : Faiz Ahmed Faiz

muhabbat ke sagar chalakane lage hain
wo dil ban ke dil mein dhadakane lage hain
ye kaisi vafaon ke ritu aa gai hai
khayalon mein ek bekhudi cha gai hai
qadam zindagi ke bahakane lage hain
umangon ke phoolon se daman bhara hai
mera khwab kaise haqiqat bana hai
nigahon mein jugnu jhamakane lage hain
sitaron se aage hai duniya wafa ke
magar hum ne ke hai tamanna wafa ke
jahan aj hairat se takane lage hain

Poet of the Poem / Ghazal or Nazam :Ibrahim Ashk

jine wale qaza se darate hain
zeher pikar dawa se darate hain
zahidon ko kisi ka khauf nahi
sirf kali ghata se darate hain
aah jo kuch kahe hamen manzur
nek bande khuda se darate hain
dushmanon ke sitam ka khuaf nahi
doston ke wafa se darate hain
azm-o-himmat ke bavajud “shakeel”
ishq ke ibtada se darate hain

Poet of the Poem / Ghazal or Nazam :Shakeel Badayuni

Is ada se wo wafa karte hain
koi jane ke wafa karte hain
hamako chodoge to pachataoge
hansanae valon se hansa karte hain
ye batata nahi koi mujhko
dil jo aa jaye to kya karte hain
husn ka haq nahi rehta baqi
har ada mein wo ada karte hain
kis qadar hain teri aankhen bebak
in se fitne bhi haya karte hain
is liye dil ko laga rakkha hai
is mein dil ko laga rakkha hai
“dag” tu dekh to kya hota hai
jabr par jabr kiya karte hain

Poet of the Poem / Ghazal or Nazam : DaaG Dehlvi

jab bhi nazm-e-maikada badala gaya
ek na ek jam-e-hasin toda gaya
jab safina mauj se takra gaya
nakhuda ko bhi khuda yaad aa gaya

main ne cheda qissa-e-jaur-e-falak
jane q un ko pasina aa gaya

dekh kar un ke jafaon ka khulus
main wafa ke naam par sharma gaya
aap ab aayen hain aansu ponchane
jab mere daman pe dhabba aa gaya

Poet of the Poem / Ghazal or Nazam :Fana Nizami Kanpuri

gulon mein rang bhare, bad-e-naubahar chale
chale bhi aao ki gulshan ka karobar chale
qaffas udas hai yaro, saba se kuch to kaho
kaheen to bahr-e-khuda aj zikr-e-yar chale
kabhi to subh tere kunj-e-lab se ho aagaz
kabhi to shab sar-e-kakul se mushkabar chale
bada hai dard ka rishta, ye dil garib sahi
tumhare naam pe aayenge gamgusar chale
jo hum pe guzri so guzri magar shab-e-hijran
hamare ashk teri aaqabat sanwar chale
huzoor-e-yar hui daftar-e-junun ke talab
girah mein leke gareban ka tar tar chale
maqam ‘faiz’ koi rah mein jacha hi nahi
jo ku-e-yar se nikle to su-e-dar chale

Poet of the poem/ghazal or Nazam: Faiz Ahmed Faiz

gesu-e- tabadar ko aur bhi tabadar kar
hosh-o-khirad shikar kar qalb-o-nazar shikar kar
tu hai mahit-e-bekaran main zara si aabaju
ya mujhe ham-kinar kar ya mujhe be-kinar kar
main hun sadaf to tere hath mere gohar ke aabaru
main hun khazaf to tu mujhe gauhar-e-shahawar kar
nagma-e-naubahar agar mere nasib mein na ho
is dam e nim soz ko tairak-e-bahar kar
ishq bhi ho hijab mein husn bhi ho hijab mein
ya tu khud aashakar ho ya mujh ko aashakar kar
bag-e-bahisht se mujhe hukm-e-safar diya tha kyon
kar-e-jahan daraz hai ab mera intazar kar
roz-e-hisab jab pesh ho mera daftar-e-amal
aap bhi sharmasar ho, mujh ko bhi sharmsar kar

Poet of the poem/ghazal or Nazam: Allama Iqbal