hum dosti ehasaan wafa bhool gaye hain
zinda to hain jine ke ada bhool gaye hain
khushbu jo lutate hain masalate hain usi ko
ehasas ka badala ye milta hai kali ko
ehasas to lete hain sila bhool gaye hain
karte hain muhabbat ka aur ehasas ka sauda
matalab ke liye karte hain iman ka sauda
dar maut ka aur khauf-e-khuda bhool gaye hain
ab mom mein dhalakar koi pathar nahi hota
ab koi bhi qurban kisi par nahi hota
q bhatake hain manzil ka pata bhool gaye hain

Poet of the Poem / Ghazal or Nazam ayam Saeedi

chashm-e-mayagun zara idhar kar de
dast-e-kudarat ko be-asar kar de

tez hai aj dard-e-dil saqi
talkhi-e-may ko tez-tar kar de

josh-e-vahashat hai tishnakam abhi
chak-e-daman ko tazagar kar de

meri qismat se khelane wale
mujh ko qismat se bekhabar kar de

lut rahi hai meri mata-e-niyaz
kash! wo is taraf nazar kar de

‘faiz’ takmil-e-arazu malum
ho sake to yun hi basar kar de

Poet of the poem/ghazal or Nazam: Faiz Ahmed Faiz

chand roz aur meri jan faqat chand hi roz
zulm ke chanv mein dam lene par majabur hain hum
ik zara aur sitam sah lain tadap lain ro lain
apne ajdad ke miras hai mazur hain hum

jism par qaid hai jazbat pe zanjire hai
fikr mahabus hai guftar pe taziren hain
aur apani himmat hai ki hum phir bhi jiye jate hain
zindagi kya kisi muflis ke qaba hai
jis mein har ghadi dard ke paiband lage jate hain

lekin ab zulm ke miyad ke din thode hain
ik zara sabr ki fariyad ke thode hain

arsa-e-dahar ke jhulasi hui virani mein
hum ko rahana hai par yun hi to nahi rahana hai
ajanabi hathon ka benam garan-bar sitam
aj sahana hai hamesha to nahi sahana hai

ye teri husn se lipati hui aalam ke gard
apani do roza javani ke shikaston ka shumar
chandani raton ka bekar dahakata hua dard
dil ke besud tadap jism ke mayus pukar

chand roz aur meri jan faqat chand hi roz

Poet of the poem/ghazal or Nazam: Faiz Ahmed Faiz

kisane wada kiya hai aane ka
husn dekho garib khane ka

ruh ko aaina dikhate hain
dar-o-divar muskurate hain

aj ghar, ghar bana hai pahali bar
dil mein hai khush saliqagi bedar

jama saman hai aish-o-ishrat ka
khauf dil mein fareb-e-qismet ka

soz-e-qalb-e-kalim aankon mein
ashk-e-ummid-o-bim aankhon mein

chashm-bar-rah-e-shauq ke mare
chand ke intazar mein tare

Poet of the poem/ghazal or nazam : Josh Malihabadi

aaye kuch abr kuch sharab aaye
us ke bad aaye jo azab aaye

bam-e-mina se mahatab utare
dast-e-saqi mein aaftab aaye

har rag-e-khun mein phir charagan ho
samane phir wo benaqab aaye

umr ke har waraq pe dil ko nazar
teri meher-o-wafa ke bab aaye

kar raha tha gam-e-jahan ka hisab
aj tum yad behisab aaye

na gai tere gam ke saradari
dil mein yun roz inqalab aaye

jal uthe bazm-e-gair ke dar-o-bam
jab bhi hum khanamankharab aaye

is tarah apani khamashi gunji
goya har simt se jawab aaye

‘faiz’ thi rah sar basar manzil
hum jahan pahunche kamayab aaye

Poet of the Poem / Ghazal or Nazam : Faiz Ahmed Faiz

Pal Pal Tera Saath Nibhaayenge Hum
Tere Ek Ishaare Pe Duniya Chhod Jaayenge Hum
Samundar Me Pahockar Fareeb Na Karna Eh Dost
Tu Kahe Toh Kinaare Pe Duub Jaayenge Hum

Jo Wafa K Badle Sirf Bewafai Pate Hai
Dard Ko Chupakar Jo Hasna Sikh Jate Hai
Dik Tutne Ka Dard Kuch Isa Hme Sikha Jata Hai
Jo Ise Jamajte H Wo Ouro K Liye Ek Misal Ban Jate Hai

Wafa Shayari Sms in Hindi

Hum Apni Wafa Ka Yakin Tumko Dila Na Sake
Tumse Gaye Door Kya, Fir Paas Aa Na Sake
Iss Kadar Toot Kar Chaha Tujhe
Key Tere Baad Hum Kisi Aur Ko Chah Na Sake