Category: Waqt Shayari

Tumhen bhool jaun ye hota nahi – Zaheer Anwar

Tumhen bhool jaun ye hota nahi
koi waqt ho dard sota nahi
na ho jao badnam tum is liye
main ro ro ke daman bhigota nahi
ye wo fasl hai jo uge khud-ba-khud
koi dard ke bij bota nahi
ye mana ke tufan ka zor hai
main ghabara ke kashti dubota nahi

Poet of the Poem / Ghazal or Nazam : Zaheer Anwar

Tumane suli pe latake jise dekha hoga – Sahir Hoshiarpuri

Tumane suli pe latake jise dekha hoga
waqt aayega wohi shakhs masiha hoga
khwab dekha ya ki sahara mein basera hoga
kya khabar thi ki yahi khwab to saya hoga
main fizaon mein bikhar jaunga khushbu ban kar
rang hoga na badan hoga na chehara hoga

Poet of the Poem / Ghazal or Nazam : Sahir Hoshiarpuri

Sochate aur jagate sanson ka ik dariya hun main – Athar Nafees

Sochate aur jagate sanson ka ik dariya hun main
apne gumgashta kinaron ke liye bahata hun main

jal gaya sara badan in mausamon ke aag mein
ek mausam ruh ka hai jis mein ab zinda hun main
mere honton ka tabassum de gaya dhokha tujhe
tune mujhko bag jana dekh le sehra hun main
dekhiye meri pazirai ko ab aata hai kon
lamha bhar ko waqt ke dahaliz par aaya hun main

Poet of the Poem / Ghazal or Nazam : Athar Nafees

Shabab aaya kisi but par fida hone ka waqt aaya – Harichand Akhtar

Shabab aaya kisi but par fida hone ka waqt aaya
meri duniya mein bande ke khuda hone ka waqt aaya
unhen dekha to zahid ne kaha iman ke ye hai
ki ab insan ko sajada-rava hone ka waqt aaya
takallum ke khamoshi kah rahi hai harf-e-matalab se
ki ashk-amez nazron se ada hone ka waqt aaya
khuda jane ye hai auj-e-yaqin ya pasti-e-himmat
khuda se kah raha hun nakhuda hone ka waqt aaya
hamen bhi aa pada hai doston se kam kuch yani
hamare doston ke bevafa hone ka waqt aaya

Poet of the Poem / Ghazal or Nazam : Harichand Akhtar

Sham se aankh mein nami si hai – Gulzar

Sham se aankh mein nami si hai
aj phir aap ke kami si hai
dafn kar do hamen ki sans mile
nabz kuch der se thami si hai
waqt rehta nahi kaheen chupakar
is ke aadat bhi aadmi si hai
koi rishta nahi raha phir bhi
ek taslim lazami si hai

Poet of the Poem / Ghazal or Nazam : Gulzar

Sham ke sanvale chehare ko nikhara jaye – Qateel Shifai

Sham ke sanvale chehare ko nikhara jaye
kyon na sagar se koi chand ubhara jaye
ras aaya nahi taskin ka sahil koi
phir mujhe pyas ke dariya mein utara jaye
meharaban teri nazar, teri adayen qatil
tujh ko kis naam se ae dost pukara jaye
mujhko dar hai tere wade pe bharosa karake
muft mein ye dil-e-khushafaham na mara jaye
jisake dam se tere din-rat darakhshan the “qateel”
kaise ab us ke bina waqt guzra jaye

Poet of the Poem / Ghazal or Nazam : Qateel Shifai

Sarfaroshi ke tamanna ab hamare dil mein hai – Bismil Allahabadi

Sarfaroshi ke tamanna ab hamare dil mein hai
dekhana hai zor kitna bazu-e-qatil mein hai
karta nahi kyon dusara kuch bat-chit
dekhata hun main jise wo chup teri mahafil mein hai
ae shahid-e-mulk-o-millat main tere upar nisar
ab teri himmat ka charcha gair ke mahafil mein hai
waqt aane de bata denge tujhe ae aasman
hum abhi se kya batayen kya hamare dil mein hai
khainch kar lai hain sab ko qatl hone ke umeed
aashiqon ka aj jamghat kucha-e-qatil mein hai

Poet of the Poem / Ghazal or Nazam :Bismil Allahabadi

Mujhko yaqin hai sach kahati thin jo bhi ammi kahati thin – Javed Akhtar

mujhko yaqin hai sach kahati thin jo bhi ammi kahati thin
jab mere bachpan ke din the chand mein pariyan rahati thin
ik ye din jab apanon ne bhi hum se rishta tod liya
ik wo din din jab ped ke shakhe,n bojh hamara sahati thin
ik ye din jab lakhon gham aur kal pada hai aansu ka
ik wo din jab ek zara si baat pe nadiyan bahati thin
ik ye din jab sari sadaken ruthi ruthi lagti hain
ik wo din jab ‘ao khelen’ sari galiyan kahati thin
ik ye din jab jagi raten deewaron ko takati hain
ik wo din jab shakhon ke bhi palaken bojhal rahati thin
ik ye din jab zahan mein sari ayyari ke baten hain
ik wo din jab dil mein sari bholi baten rahati thin
ik ye ghar jis ghar mein mera saz-o-saman rehta hai
ik wo ghar jisamen meri budhi nani rahati thin

Poet of the Poem / Ghazal or Nazam :Javed Akhtar








More about Waqt Shayari and Poetry in Urdu and Hindi


Waqt Shayari, Waqt SMS, Waqt SMS Shayari, Waqt Poetry in Hindi, Waqt Waqt Ki Baat, Baat Hai, Waqt 140 Words, Waqt SMS Messages, Waqt Shaery SMS