Category: Waqt Shayari

Jab kabhi bolana waqt par bolana – Tahir Faraz

jab kabhi bolana waqt par bolana
muddaton bolana mukhtasar bolana
dal dega halaqat mein ik din tujhe
ae parinde tera shakh par bolana
pahale kuch dur tak sath chal ke parakh
phir mujhe hamsafar hamsafar bolana
umr bhar ko mujhe besada kar gaya
tera ik bar muh pher kar bolana
meri khanabadoshi se puche koi
kitna mushkil hai raste ko ghar bolana
q hai khamosh sone ke chidiya bata
lag gai tujh ko kis ke nazar bolana

Poet of the Poem / Ghazal or Nazam :Tahir Faraz

Hum se bahal rahe hain aap aap bahut ajeeb hain – Pirzada Qasim

hum se bahal rahe hain aap aap bahut ajeeb hain
dard mein dhal rahe hain aap aap bahut ajeeb hain
saya-e-vasl kab se hai aap ka muntazir magar
hijr mein dhal rahe hain aap aap bahut ajeeb hain
apne khilaf faisala khud hi likha hai aap ne
hath bhi mal rahe hain aap aap bahut ajeeb hain
waqt ne aarzoo ke lau der hui bujha bhi di
ab bhi pighal rahe hain aap aap bahut ajeeb hain
zahamat-e-zarbat-e-digar dost ko dijiye nahi
gir ke sambhal rahe hain aap aap bahut ajeeb hain
dayaravar hi to hain ishq ke raste tamam
rah badal rahe hain aap aap bahut ajeeb hain
dasht ke sari raunaqen khair se ghar mein hain to q
ghar se nikal rahe hain aap aap bahut ajeeb hain
apni talash ka safar khatm bhi kijiye kabhi
khwab mein chal rahe hain aap aap bahut ajeeb hain

 

 

Poet of the Poem / Ghazal or Nazam : Pirzada Qasim

 

Hairat se tak raha hai jahan-e-vafa mujhe – Sagar Nizami

hairat se tak raha hai jahan-e-vafa mujhe
tum ne bana diya hai mohabbat mein kya mujhe
har manzil-e-hayat se gum kar gaya mujhe
mud mud ke rah mein wo tera dekhana mujhe
kaif-e-khudi ne mauj ko kashti bana diya
hosh-e-khuda hai ab na gam-e-nakhuda mujhe
saqi bane huye hain wo ‘sagar’ shab-e-visal
is waqt koi meri kasam dekhata mujhe

Poet of the Poem / Ghazal or Nazam : Sagar Nizami

 

Hai justaju ke khub se hai khubtar kahan – Altaf Husain Hali

hai justaju ke khub se hai khubtar kahan
ab dekhiye thaharati hai ja kar nazar kahan
yarab is ikhtilat ka anjam ho bakhair
tha us ko hum se rabt, magar is qadar kahan
ik umr chahiye ke gavara ho naish-e-ishq
rakkhi hai aj lazzat-e-zakhm-e-jigar kahan
hum jis pe mar rahe hain wo hai bat hi kuch aur
aalam mein tujhase lakh sahi tu magar kahan
hoti nahi qubul dua tark-e-ishq ke
dil chahata na ho to zuban mein asar kahan
‘hali’ nishat nagma-o-mai dhundhate ho ab
aaye ho waqt-e-subh, rahe raat bhar kahan

 

Poet of the Poem / Ghazal or Nazam : Altaf Husain Hali

Hath uthe hain magar lab pe dua koi nahi – Ahmed Faraz

hath uthe hain magar lab pe dua koi nahi
ke ibadat bhi wo jis ke jaza koi nahi
ye bhi waqt aana tha ab to gosh har aavaz hai
aur mere barbad-e-dil mein sada koi nahi
aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzri hain phir bhi naqsh-e-pa koi nahi
khud ko yun mahasur kar baitha hun apni zat mein
manzilen charon taraf hai rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi

Poet of the Poem / Ghazal or Nazam : Ahmed Faraz

Hath choote bhi to rishte nahi choda karte – Gulzar

hath choote bhi to rishte nahi choda karte
waqt ke shakh se lamhen nahi toda karte
jis ke aavaz mein silvat ho nigahon mein shikan
aisi tasvir ke tukde nahi joda karte
shahad jine ka mila karta hai thoda thoda
jane valon ke liye dil nahi thoda karte
lag ke sahil se jo bahata hai use bahane do
aisi dariya ka kabhi rukh nahi moda karte
waqt ke shakh se lamhen nahi toda karte
jis ke aavaz mein silvat ho nigahon mein shikan
aisi tasvir ke tukde nahi joda karte
shahad jine ka mila karta hai thoda thoda
jane valon ke liye dil nahi thoda karte
lag ke sahil se jo bahata hai use bahane do
aisi dariya ka kabhi rukh nahi moda karte

Poet of the Poem / Ghazal or Nazam : Gulzar

Angadai par angadai leti hai raat judai ki – Qateel Shifai

angadai par angadai leti hai raat judai ki
tum kya samajho tum kya jano bat meri tanahai ki
kon siyahi ghol raha tha waqt ki behte dariya mein
main ne aankh jhuki dekhi hai aj kisi harajai ki
vasl ki raat na jane q israr tha unko jane par
waqt se pahale dub gae taron ne badi danai ki
udate udate aas ka panchi dur ufaq mein dub gaya
rote rote baith gai aavaz kisi saudai ki

 

 

Poet of the Poem / Ghazal or Nazam :Qateel Shifai

Aankhen mujhe talvon se wo malane nahi dete – Akbar Allahabadi

aankhen mujhe talvon se wo malane nahi dete
arman mere dil ka nikalne nahi dete
khatir se teri yaad ko talane nahi dete
sach hai ki hamin dil ko sanbhalane nahi dete
kis naz se kahate hain wo jhunjhala ke shab-e-vasl
tum to hamen karavat bhi badalne nahi dete
paravanon ne fanus ko dekha to ye bole
kyon hum ko jalate ho ki jalne nahi dete
hairan hun kis tarah karun arz-e-tamanna
dushman ko to pahalu se wo talane nahi dete
dil wo hai ki fariyad se labrez hai har waqt
hum wo hain ki kuch muh se nikalne nahi dete
garmi-e-mohabbat mein wo hai aah se mane’
pankha nafas-e-sard ka jhalane nahi dete

 

Poet of the Poem / Ghazal or Nazam : Akbar Allahabadi








More about Waqt Shayari and Poetry in Urdu and Hindi


Waqt Shayari, Waqt SMS, Waqt SMS Shayari, Waqt Poetry in Hindi, Waqt Waqt Ki Baat, Baat Hai, Waqt 140 Words, Waqt SMS Messages, Waqt Shaery SMS