|
Sham ko subah-e-chaman yaad aayi
kis ke khushbu-e-badan yaad aayi
jab khayalon mein koi mod aaya
tere gesu ke shikan yaad aayi
yaad aaye tere paikar ke khatoot
apni kotahi-e-fan yaad aayi
chand jab dur ufaq par duba
tere lahaje ke thakan yaad aayi
din shuaon se ulajhate guzra
raat aayi to kiran yaad aayi
Poet of the Poem / Ghazal or Nazam : Ahmed Nadeem Qasmi
Teri khushbu ka pata karati hai
mujh pe ehsaan hawa karati hai
shab ke tanhai mein ab to aksar
guftagu tujh se raha karati hai
dil ko us reh pe chalana hi nahi
jo mujhe tujh se juda karati hai
zindagi meri thi lekin ab to
tere kahane mein raha karati hai
us ne dekha hi nahi warna ye aankh
dil ka ehaval kaha karati hai
beniyaz-e-kaf-e-dariya angusht
ret par naam likha karati hai
sham padate hi kisi shakhs ke yaad
kucha-e-jan mein sada karati hai
mujh se bhi us ka hai vaisa hi suluk
hal jo tera ana??? karati hai
dukh hua karta hai kuch aur bayan
baat kuch aur hua karati hai
abr barase to inayat us ke
shakh to sirf dua karati hai
masala jab bhi utha chiragon ka
faisala sirf hawa karati hai
Poet of the Poem / Ghazal or Nazam : Parveen Shakir
Teri hi tarah hamen yaad aane vala ho
tere siva bhi koi to satane vala ho
har ek subah yahi dil mein huk uthati hai
hamen bhi naz se koi jagane vala ho
wo kis umeed mein ghar mein rahen ki jis ghar mein
na aane vala ho koi na jane vala ho
har ek se nazaren milai hain un ke kuche mein
ki jaise ab koi hum ko bulane vala ho
hai dosto ke liye aaina nazar meri
nazar milaye jo nazaren milane vala ho
ki jaise koi bala mujhape aane vali hai
haras kehta hai koi bachane vala ho
hamare shahar mein kya kya saje-sajaye hain ghar
hamare ghar ko bhi koi sajane vala ho
Poet of the Poem / Ghazal or Nazam : Karrar Noori
Teri hi tarah hamen yaad aane vala ho
tere siva bhi koi to satane vala ho
har ek subah yahi dil mein huk uthati hai
hamen bhi naz se koi jagane vala ho
wo kis umeed mein ghar mein rahen ki jis ghar mein
na aane vala ho koi na jane vala ho
har ek se nazaren milai hain un ke kuche mein
ki jaise ab koi hum ko bulane vala ho
hai dosto ke liye aaina nazar meri
nazar milaye jo nazaren milane vala ho
ki jaise koi bala mujhape aane vali hai
haras kehta hai koi bachane vala ho
hamare shahar mein kya kya saje-sajaye hain ghar
hamare ghar ko bhi koi sajane vala ho
Poet of the Poem / Ghazal or Nazam : Karrar Noori
Teri bazm-e-tarab mein soz-e-pinhan leke aaya hun
chaman mein yad-e-ayyam-e-baharan leke aaya hun
teri mahafil se jo araman-o-hasarat leke nikala tha
wo hasrat leke aaya hun wo araman leke aaya hun
tumhare vaste ae dosto main aur kya lata
vatan ke subah aur sham-e-gariban leke aaya hun
main apne ghar mein aaya hun magar andaz to dekho
ke apne aap ko manind-e-mahaman leke aaya hun
Poet of the Poem / Ghazal or Nazam : Jagannath Azad
Sang jab aaina dikhata hai
tesha kya kya nazar churata hai
silsila pyas ka batata hai
pyas dariya kahan bujhata hai
raig-zaron mein jaise tapati dhup
yun bhi us ka khayal aata hai
sun raha hun khiram-e-umr ke chap
aks aavaz banata jata hai
wo bhi kya shakhs hai ke pas aa kar
fasale dur tak bichata hai
ghar to aisa kahan tha lekin
dar-badar hain to yaad aata hai
Poet of the Poem / Ghazal or Nazam : Umeed Fazli
Tere khushbu mein base khat main jalta kaise
jin ko duniya ke nigahon se chupaye rakha
jin ko ik umr kaleje se lagaye rakha
din jin ko, jinhen iman banaye rakha
jin ka har lafz mujhe yaad tha pani ke tarah
yaad the mujh ko jo paigam-e-zubani ke tarah
mujh ko pyare the jo anmol nishani ke tarah
tune duniya ke nigahon se jo bachakar likhe
salaha-sal mere naam barabar likhe
kabhi din mein to kabhi raat mein uthakar likhe
tere khushbu mein base khat main jalta kaise
pyar mein dube huye khat main jalta kaise
tere hathon ke likhe khat main jalta kaise
tere khat aj main ganga mein baha aaya hun
aag behte huye pani mein laga aaya hun
Poet of the Poem / Ghazal or Nazam : Rajendranath Rahbar
Tere khayal se lau de uthi hai tanhai
shab-e-firaq hai ya teri jalvaarai
tu kis khayal mein hai ae manzilon ke shadai
unhen bhi dekh jinhen raste mein neend aayi
pukar ae jaras-e-karavan-e-subah-e-tarab
bhatak rahe hain andheron mein tere saudai
rah-e-hayat mein kuch marhale to dekh liye
ye aur baat teri aarzoo na ras aayi
ye saniha bhi muhabbat mein barha guzra
ki us ne hal bhi pucha to aankh bhar aayi
phir us ke yaad mein dil beqarar hai ‘nasir’
bichad ke jis se hui shahar shahar rusavai
Poet of the Poem / Ghazal or Nazam : Nasir Kazmi
