riste hue zakhm kisko dikhane nikle
haath me namak liye malham lagane nikle

baroodi surangon se uda do chuppi
ajnabi kaise tere gam se begane nikle

hum se bedari ka sabab poochne wale
aankhon se meri neend churane nikale

sangshari ka ajab shouq wahan ya rabba
unke har nishane pe meri sou jaanen nikle

meri taqdeer ke sooraj ko jagane wale
kam se kam jugnoo se to behtar nikale

Ye haqiqat hai ki hota hai asar baton mein
tum bhi khul jaoge do char mulaqaton mein
tum se sadiyonki vafaon ka koi nata na tha
tum se milane ke lakiren thi mere hathon mein
tere vadon ne hamen ghar se nikalne na diya
log mausam ka maza le gaye barasaton mein
ab na suraj na sitare na shaman na chand
apne zakhmon ka ujala hai ghani raton mein

Poet of the Poem / Ghazal or Nazam : Saeed Rahi

Zulm ke paon se jo phul masal jate hain
khar ban kar wohi pathar pe nikal aate hain
phir baharon ke zarurat nahi rahati un ko
ye khizan mein bhi badi shan se khil jate hain
gunche wo milati nahi hai jinhen aagosh koi
wohi mitate hain to kichad mein kamal aate hain
dab-dabai hui aankhon mein na aannkhen dalo
in mein tufan hain ched se machal jate hain
wo jo kal raunaq-e-fanus thi aiwan ke liye
aj us shamma se aiwan dahal jate hain
dhup thi tez to saye bhi the paron ke tale
is ke dhalate hi rukh in ke bhi badal jate hain
hum ne samajha hai zamane ko badi der ke bad
ye wo khanjar hain jo apano pe bhi chal jate hain
hamako aata nahi zakhmon ke numaish karana
khud hi rote hain tadapate hain bahal jate hain
jo samajhate hain hawabis ko wo khilona ke tarah
un se tufan bhi bach-bach ke nikal jate hain
azm-vale kabhi himmat nahi hara karte
ashk ‘azra’ ke ye kah kah ke samhal jate hain

Poet  of  the Poem / Ghazal or Nazam :Azra Adil Rashid

Kabhi to khul ke baras abr-e-meharaban ke tarah
mera vajud hai jalate hue makan ke tarah
bhari bahar ka sina hai zakhm zakhm magar
saba ne gaye hain lori shafiq man ke tarah
wo kon tha jo barahana badan chattanon se
lipat gaya tha kabhi bahr-e-bekaran ke tarah
sakut-e-dil to jazira hai barf ka lekin
tera khulus hai suraj ke sayeban ke tarah
main ik khwab sahi aap ke amanat hun
mujhe sambhal ke rakhiyega jism-o-jan ke tarah
kabhi to soch ke wo shakhs kis qadar tha buland
jo bich gaya tere qadmon mein aasman ke tarah
bula raha hai mujhe phir kisi badan ka basant
guzar na jaye ye rut bhi kaheen khizan ke tarah
lahu hai nisf sadi ka jis ke aabagine mein
na dekh “prem” use chashm-e-argavan ke tarah

Poet of the Poem / Ghazal or Nazam : Prem Warbartoni

Ik na ik shamma andhere mein jalaye rakhiye
subah hone ko hai mahaul banaye rakhiye
jin ke hathon se hamen zakhm-e-nihan pahunche hain
wo bhi kahate hain ki zakhmon ko chupaye rakhiye
kon jane ki wo kis rah-guzar se guzri
har guzar-gah ko phoolon se sajaye rakhiye
daman-e-yar ke zinat na bane har aansu
apni palkon ke liye kuch to bachaye rakhiye

Poet of the Poem / Ghazal or Nazam : Tariq Badayuni

jati hai dhup ujale paron ko samet ke
zakhmon ko ab ginunga main bistar pe let ke
main hath ke lakiren mitane pe hun ba-zid
go janata hun naqsh nahi ye slet ke
duniya ko kuch khabar nahi kya hadasa hua
phenka tha us ne sang gulon mein lapet ke
phavvare ke tarah na ugal de har ek baat
kam kam wo bolate hain jo gahare hain pet ke
ik naqarai khanak ke siva kya mila ‘shakeb’
tukde ye mujh se kahate hain tuti plet ke

Poet of the Poem / Ghazal or Nazam : Shakeb Jalali

Shakeb Jalali

Dosti jab kisi se ke jaye
dushmanon ke bhi raye li jaye
maut ka zeher hai fizaon mein
ab kahan ja ke sans li jaye
bas isi soch mein hun duba hua
ye nadi kaise par ke jaye
mere mazi ke zakhm bharne lage
aj phir koi bhool ke jaye
botalen khol ke to pi barason
aj dil khol ke bhi pi jaye

Poet of the Poem / Ghazal or Nazam : Rahat Indori

Dost gamkhvari mein meri sai farmayenge kya
zakhm ke bharne talak nakhun na badh jayenge kya
beniyazi had se guzri banda paravar kab talak
hum kahenge hal-e-dil aur aap farmayenge kya
hazarat-e-naseh gar aayen dida-o-dil farsh-e-rah
koi mujh ko ye to samajha do ki samajhayenge kya
aj van teg-o-kafan bandhe hue jata hun main
uzr mera qatl karne mein wo ab layenge kya
gar kiya naseh ne hum ko qaid acha yon sahi
ye junun-e-ishq ke andaz chut jayenge kya
khana zad-e-zulf hain zanjir se bhagenge kya
hain giraftar-e-vafa zindan se ghabarayenge kya
hai ab is mamure mein qahat-e-gam-e-ulfat asad
hum ne ye mana ki dilli mein rahe khayenge kya

Poet of the Poem / Ghazal or Nazam : Mirza Ghalib