hum ko junun kya sikhalate ho hum the pareshan tumase ziyada
chak kiye hain hum ne azizon char gareban tumase ziyada
chak-e-jigar muhataj-e-rafu hai aj to daman sirf lahu hai
ek mausam tha hum ko raha hai shauq-e-baharan tumase ziyada
jao tum apni bam ke khatir sari laven shamon ke katar lo
zakhmon ke mahar-o-mah salamat jashn-e-chiragan tumase ziyada
hum bhi hamesha qatl hue and tum ne bhi dekha dur se lekin
ye na samajhe hamako hua hai jan ka nukasan tumase ziyada
zanjir-o-divar hi dekhi tumane to “majrooh” magar hum
kucha-kucha dekh rahe hain aalanm-e-zindan tumase ziyada

Poet of the Poem / Ghazal or Nazam :Majrooh Sultanpuri 

hum to chalte hain lo khuda hafiz
butkada ka buton khuda hafiz
kar chuke tum nasihaten hum ko
jao bas naseho khuda hafiz
aj kuch aur tarah par un ke
sunate hain guftagu khuda hafiz
bar yahi hai hamesha zakhm pe zakhm
dil ka charagaron khuda hafiz
aj hai kuch ziyada betabi
dil-e-betab ko khuda hafiz
kyon hifazat hum aur ke dhundhen
har nafas jab ki hai khuda hafiz
chahe rukhsat ho rah-e-ishq mein aql
ae “zafar” jane do khuda hafiz

Poet of the Poem / Ghazal or Nazam :Bahadur Shah Zafar

hum ki magalub-e-guman the pahale
phir waheen hain ki jahan the pahale
khvahishen jhurriyan ban kar ubharin
zakhm sine mein nihan the pahale
ab to har baat pe ro dete hain
vaqif-e-sud-o-ziyan the pahale
dil se jaise koi kanta nikala
ashk aankhon se ravan the pahale
ab faqat anjumanarai hain
aitabar-e-dil-o-jan the pahale
dosh pe sar hai ki hai barf jami
hum to sholon ke zuban the pahale
ab to har taza sitam hai taslim
hadase dil pe garan the pahale
meri hamzad hai tanhai meri
aise rishte bhi kahan the pahale

Poet of the Poem / Ghazal or Nazam : Kishwar Naheed

hum hain mata-e-kucha-o-bazar ke tarah
uthati hai har nigah kharidar ke tarah
is ku-e-tishnagi mein bahut hai ke ek jam
hath aa gaya hai daulat-e-bedar ke tarah
wo to hain kaheen aur magar dil ke aas pas
phirati hai koi shay nigah-e-yar ke tarah
sidhi hai rah-e-shauq pa yun hi kabhi kabhi
kham ho gai hai gesu-e-diladar ke tarah
ab ja ke kuch khula hunar-e-nakhun-e-junun
zakhm-e-jigar hue lab-o-rukhsar ke tarah
‘majrooh’ likh rahe hain wo ahal-e-vafa ka naam
hum bhi khade hue hain gunahagar ke tarah

Poet of the Poem / Ghazal or Nazam : Majrooh Sultanpuri

apni aankhon ki samundar mein utar jane de
tera mujarim hun mujhe dub ki mar jane de
ae naye dost main samajhunga tujhe bhi apana
pahale mazi ka koi zakhm to bhar jane de
aag duniya ki lagai hui bhuj jayegi
koi aansu mere daman pe bikhar jane de
zakhm kitne teri chahat se mile hain mujhko
sochata hun ki kahun tujhase magar jane de

 
Poet of the Poem / Ghazal or Nazam : Nazeer Baqri

aakhiri tis aazamane ko
jee to chaha tha muskurane ko

yad itani bhi sakhtjan to nahi
ik gharaunda raha hai dahane ko

sangrezon mein dhal gaye aansu
log hansate rahe dikhane ko

zakhm-e-nagma bhi lau to deta hai
ik diya rah gaya jalne ko

jalne wale to jal bujhe aakhir
kon deta khabar zamane ko

kitane majabur ho gaye honge
ankahi bat munh pe lane ko

khul ke hansana to sab ko aata hai
log tarasate rahe ik bahane ko

reza reza bikhar gaya insan
dil ke viraniyan jatane ko

hasaraton ke panahgahon mein
kya thikane hain sar chupane ko

hath kanton se kar liye zakhmi
phul balon mein ik sajane ko

aas ke bat ho ki sans ‘ada’
ye khilaune hain tut jane ko
Poet of the Poem / Ghazal or Nazam :  Ada Jafri

Badan mai aag si chehara gulab jaisa hai
ke zahar-e-gam ka nasha bhi sharab jaisa hai

kahan wo qurb ke ab to ye hal hai jaise
tere firaq ka aalam bhi khvab jaisa hai

magar kabhi koi dekhe koi padhe to sahi
dil aaina hai to chehara kitab jaisa hai

wo samane hai magar tishnagi nahi jati
ye kya sitam hai ke dariya sarab jaisa hai

‘faraz’ sang-e-malamat se zakhm zakhm sahi
hamen aziz hai khanakharab jaisa hai

Poet of the Poem / Ghazal or Nazam : Ahmed Faraz

aayi na phir nazar kaheen jane kidhar gai
un tak to sath gardish-e-sham-o-sahar gai

kuch itna besabat tha har jalva-e-hayat
laut aayi zakhm kha ke jidhar bhi nazar gai

aa dekh mujh se ruthane vale tere bagair
din bhi guzar gaya meri shab bhi guzar gai

nadim hai apne apne qarinon pe har nazar
duniya lahu uchal ke kitani nikhar gai
Poet of the Poem / Ghazal or Nazam : Baqi Siddiqui