Dil Haar Gaya, Gam Jeet Gaya

Kehne Ko Woh Pehli Chahat Thi
Woh Jis Mein Junoon Tha, Shiddat Thi
Pakeeza Thi, Anmol Thi Woh
Khwabon Ke Jahan Ki Ulfat Thi
Mehboob Ko Bhi Malum Na Tha
Aisi Khamosh Mohabbat Thi
Khamosh Rahi Bekaar Hui
Na Jeet Hui Na Haar Hui
Phir Waqt Ne Apni Chaal Chali
Woh Furqat Se Do-Chaar Hui
Kaisi Khamosh Mohabbat Thi
Gulzaar Se Phir Woh Khaar Hui
Furqat Se Junoon Mein Aag Lagi
Is Dilke Sukoon Meom Aag Lagi
Ashqon Ki Ladi Aankhon Se Bandhi
Is Jism Ke Khoon Mein Aag Lagi
Phir Waqt Ne Apni Chaal Chali
Dil Se Woh Khumaar-E-Preet Gaya
Honthon Se Wafa Ka Geet Gaya
Kehne Ko Woh Pehli Chahat Thi
Uska Bhi Zamana Beet Gaya
Hijraan Ki Shabon Se Lad Lad Kar
Dil Haar Gaya, Gam Jeet Gaya

One comment

  1. kaho kaise guzarti hai tmhari zindagi pagal,,
    suna hai ab to eidian bi wo peahli si nahain kartay…..

    kisi kay ghar nai jatay kisi say bi nai miltay,,
    kisi ki eik nai suntay….

    kisi say kuh nai keahtay…..
    suna hai chand raton main bohat be noor dikhtay ho….

    na koi gift laitay ho na koi gift daitay ho….

    kbhi khul kar na hanstay ho…

    kbhi khul kar na rotay ho….

    bohat beqarar bohat bechain bohat udasshotay ho….

    suna hai hand raton main bohat be mood daikhtay ho…

    wo kagaz phar daitay ho…

    kisi kay wastay jin par…

    bohat say shair likhtay ho….

    na jeetay ho na martay ho….
    suno ye zindagi pagal basar kis tarhan kartay ho….!!!!

Share your Shayari / Poetry or Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>