Hai Zindagi Bhi Ajab Aan-Baan Orhe Hu

Hai Zindagi Bhi ‘Ajab Aan-Baan Orhe Hue
Khamosh Jism Men Muztarr Si Jaan Orhe Hue

Har Ek Chehraa Jahaan Kaa Niqaab-Posh Hai, Dost!
Har Ik Badan Hai Koi Jhooti Shaan Orhe Hue

Hai Uske Shahr Kaa Muflis Bhi Kitnaa Daulat-Mand!
Zameen Pe Sotaa Hai Woh, *Aasmaan* Orhe Hue!

Agar Che Dil Ko To Us Par Yaqeen Bhi Aa Jaataa
Magar Yeh ‘Aql Thi Sau Sau Gumaan Orhe Hue

Na Poochh Kaise Kati Us Ke Hijr Men Apni
Thaa Lamha-Lamha Hazaar Imtihaan Orhe Hue

Miraa Libaas Meri Zaat Ki Nishaani Hai
Miloonga Tumko Main *Hindositaan* Orhe Hue

Hai Us Ka Tarz-E-Takallum Bhi Bas! Khudaa Rakhhe!
Har Ek Baat Hai Ik Daastaan Orhe Hue

Jagaao Mat Ise, Soyaa Hai Bas Abhi Khursheed,
Ik ‘Umr Bhar Ke Safar Ki Thakaan Orhe Hue

Categories : Zaat Shayari Tags :

2 comments

  1. Ye duniya mohabbat ki dushman ho gai hai.
    Mohabbat ab dosto kitaabon mein rahgai hai.
    Woh din beet gaye jab log pyaar mein jaan diya karte the.
    Ab to husan ki pyaasi duniya rahgaihai.

  2. khareedariyan humny bhi bohat ki husn k bazar mein

    dost

    mila sab kuch wahan bas qilat wafa ki thi

Share your Shayari / Poetry or Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>