Khudaa woh waqt na laai

KHUDAA WOH WAQT NA LAAI

Khudaa woh waqt na laai keh sogawaar ho tu

sakoon ki neend tujhay bhi haraam ho jaai
teri musarrat-e-peham tamaam ho jaai
teri hayaat tujhay talkh jaam ho jaai

Ghamoon say aaina-e-dil gudaaz ho tera

hajoom-e-yaas say baytaab ho kay reh jaai
wafoor-e-dard say seemab ho kay reh jaai
tera shabaab faqt khawaab ho kay reh jaai

Gharoor-e-hussn sarapa nayaz ho tera

taweel raatoon main tu bhi qaraar ko tersay
teri nigaah kissi ghum gusaar ko tersay
khazaan raseedah tamanna bahaar ko tersay

Koi jabeen naan teray sang-e-aastaan pay jhukay

keh jins-e-ijz-o-aaqeedat say tujh ko shaad karay
faraib-e-waada-e-farda pay aaitamad karay
khudaa woh waqt na laai keh tujh ko yaad aai

Share your Shayari / Poetry or Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>