Nazar Main Zakhm-E-Tabbasum Chupa Chupa K Mila
Khafa To Tha Wo Magar Mujh Se Muskera K Mila

Wo Humsafar Ke Mere Tanz Per Hansta Tha Bohat
Sitam Zareef Mujhe Aaina Dikha Ke Mila

Mere Mizaj Pe Hairaan Hai Zindagi Ka Shaoor
Main Apni Moat Ko Aksar Gale Laga Ke Mila

Main Us Se Mangta Kia Khoon Baha Jawani Ka
Kay Wo Bhi Aaj Mujhe Apna Ghar Luta Ke Mila

Main Jis Ko Dhoond Raha Tha Nazar Ke Raste Main
Mujhe Mila Bhi Tou Zalim Nazar Jhuka Ke Mila

Main Zakham Zakham Badan Lay Ke Chal Dia KASHI
Wo Jab Bhi Apni Qaba Per Kanwal Saja Ke Mila