Wo dil nasib hua jis ko daag bhi na mila
mila to gam-kada jis mein chirag bhi na mila
gai thi keh k main lati hun zulf-e-yar ke bu
phiri to bad-e-saba ka dimag bhi na mila
asir karake hamen kyon riha kiya saiyad
wo ham-safir bhi choote wo bag bhi na mila
bhar aaye mahafil-e-saqi mein kyon na aankh apni
wo be-nasib hain khali ayag bhi na mila
chirag leke irada tha bakht dhundhate
shab-e-firaq thi koi chirag bhi na mila
khabar ko yar ke bheja tha gum hua aisa
havas-e-rafta ka ab tak surag bhi na mila
“jalal” bag-e-jahan mein wo andalib hain hum
chaman ko phul mile hum ko daag bhi na mila
Poet of the Poem / Ghazal or Nazam : Jalal Lucknawi
Tum meri aankh ke tevar na bhula paoge
ankahi baat ko samajhoge to yaad aaunga
hum ne khushiyon ke tarah dukh bhi ikatthe dekhe
safah-e-zist ko palatoge to yaad aaunga
isi andaz mein hote the mukhatib mujh se
khat kisi aur ko likhoge to yaad aaunga
sard raton ke mahakate hue sannaton mein
jab kisi phul ko chumoge to yaad aaunga
ab tere ashk main honton se chura leta hun
hath se khud inhen ponchoge to yaad aaunga
shal pahanayega ab kon disambar mein tumhen
barishon mein kabhi bhigoge to yaad aaunga
aj tum mahafil-e-yaran pe ho magarur bahut
jab kabhi toot ke bikharoge to yaad aaunga
hadase aayenge jivan mein to tum hoke nidhal
kisi divar ko thamoge to yaad aaunga
is mein shamil hai meri bakht ke tariki bhi
tum siyah rang jo pahanoge to yaad aaunga
Poet of the Poem / Ghazal or Nazam : Wasi Shah
Sab log liye sang-e-malamat nikal aaye
kis shahar mein hum ahal-e-muhabbat nikal aaye
ab dil ke tamanna hai to ae kash yahi ho
aansu ke jagah aankh se hasrat nikal aaye
har ghar ka diya gul na karo tum ke na jane
kis bam se khurashid-e-qayamat nikal aaye
jo darpa-e-pindar hain un qatlgahon se
jan deke bhi samajho ke salamat nikal aaye
ae hamnafason kuch to kaho ahad-e-sitam ke
ik harf se mumkin hai hikayat nikal aaye
yaro mujhe masalub karo tum ke mere bad
shayad ke tumhara qad-o-qamat nikal aaye
Poet of the Poem / Ghazal or Nazam : Ahmed Faraz
har ek baat pe kahate ho tum ki tu kya hai
tumhin kaho ke ye andaz-e-guftagu kya hai
na shole mein ye karishma na barq mein ye ada
koi batao ki wo shokh-e-tundakhu kya hai
ye rashk hai ki wo hota hai hamasukhan hum se
vagarna khauf-e-badamozi-e-ad kya hai
chipak raha hai badan par lahu se pairahan
hamari jeb ko an hajat-e-rafu kya hai
jala hia jism jahan dil bhi jal gaya hoga
kuredate ho jo ab rakh justaju kya hai
ragon mein daudate phirane ke hum nahi qayal
jab aankh hi se na tapaka to phir lahu kya hai
wo cheez jisake liye hamako ho bahisht aziz
sivae bada-e-gulfam-e-mushkabu kya hai
piyun sharab agar khum bhi dekh lun do char
ye shisha-o-qadah-o-kuza-o-subu kya hai
rahi na taqat-e-guftar aur agar ho bhi
to kis umeed pe kahiye ke aarzoo kya hai
bana hai shah ka musahib, phire hai itarata
vagarna shahar mein “ghalib” ke aabaru kya hai
Poet of the Poem / Ghazal or Nazam : Mirza Ghalib
