Posts tagged: Akbar Allahabadi Shayari

Duniya mein hun duniya ka talabgar nahi hun – Akbar Allahabadi

Duniya mein hun duniya ka talabgar nahi hun
bazar se guzra hun kharidar nahi hun
zinda hun magar zist ke lazzat nahi baqi
har chand ki hun hosh mein hoshiyar nahi hun
is khana-e-hasti se guzar jaunga belaus
saya hun faqat naqsh-e-divar nahi hun
afasurda hun ibarat se dawa ke nahi hajat
gham ka mujhe ye zauf hai bimar nahi hun
wo gul hun khizan ne jise barbad kiya hai
uljhun kisi daman se main wo khar nahi hun
yarab mujhe mahafus rakh us but ke sitam se
main us ke inayat ka talabgar nahi hun
afasurdagi-o-jaur ke kuch had nahi “akbar”
kafir ke muqabil mein bhi dindar nahi hun

Poet of the Poem / Ghazal or Nazam : Akbar Allahabadi

Hangama hai q barpa thodi si jo pi li hai – Akbar Allahabadi

hangama hai q barpa thodi si jo pi li hai
daka to nahi dala chori to nahi ke hai
na-tajurbakari se waiz ke ye baten hain
is rang ko kya jane pucho to kabhi pi hai
us mein se nahi matalab dil jis se hai begana
maqasud hai us mein se dil hi mein jo khinchati hai
van dil mein ki sadame do yan jee mein ke sab sah lo
un ka bhi ajab dil hai mera bhi ajab jee hai
har zarra chamakata hai anavar-e-ilahi se
har sans ye kahati hai hum hain to khuda bhi hai
suraj mein lage dhabba fitarat ke karishme hain
but hum ko kahe kafir ALLAH ke marzi hai

Poet of the Poem / Ghazal or Nazam :Akbar Allahabadi

Dil mera jis se bahalata koi aisa na mila – Akbar Allahabadi

Dil mera jis se bahalata koi aisa na mila
but ke bande to mile ALLAH ka banda na mila
bazm-e-yaran se phiri bad-e-bahari mayus
ek sar bhi use aamada-e-sauda na mila
gul ke khvahan to nazar aaye bahut itrfarosh
talib-e-zamzam-e-bulbul-e-shaida na mila
vah kya rah dikhai hamen murshad ne
kar diya kabe ko gum aur kalisa na mila
sayyad utthe jo gazat le ke to lakhon laye
shaikh quran dikhata phira paisa na mila

Poet of the Poem / Ghazal or Nazam : Akbar Allahabadi

Aankhen mujhe talvon se wo malane nahi dete – Akbar Allahabadi

aankhen mujhe talvon se wo malane nahi dete
arman mere dil ka nikalne nahi dete
khatir se teri yaad ko talane nahi dete
sach hai ki hamin dil ko sanbhalane nahi dete
kis naz se kahate hain wo jhunjhala ke shab-e-vasl
tum to hamen karavat bhi badalne nahi dete
paravanon ne fanus ko dekha to ye bole
kyon hum ko jalate ho ki jalne nahi dete
hairan hun kis tarah karun arz-e-tamanna
dushman ko to pahalu se wo talane nahi dete
dil wo hai ki fariyad se labrez hai har waqt
hum wo hain ki kuch muh se nikalne nahi dete
garmi-e-mohabbat mein wo hai aah se mane’
pankha nafas-e-sard ka jhalane nahi dete

 

Poet of the Poem / Ghazal or Nazam : Akbar Allahabadi

Ghamzada Nahi Hota Ishara Nahi Hota

Ghamzada Nahi Hota Ke Ishara Nahi Hota
Ankh Un Se Jo Milti Hai To Kya Kya Nahi Hota

Jalwa Na Ho Ma,Nee Ka To Soorat Ka Asar Kya
Bulbul Gul – E- Tasweer Ka Shaida Nahi Hota

Allah Bachay Marz –E- Ishq Se Mujh Ko
Suntay Hain Ke Yeh Aarza Acha Nahi Hota

Read more »








Akbar Allahabadi Shayari, poems and Ghazals


Akbar Allahabadi Shayari shayari sms in Urdu for your friends. Akbar Allahabadi Shayari poetry , ghazal , poem and sher o shayari in Hindi. Best 1 line , 2 line and 4 line Akbar Allahabadi Shayari shayari Collection Online.