Tere khayal se lau de uthi hai tanhai
shab-e-firaq hai ya teri jalvaarai
tu kis khayal mein hai ae manzilon ke shadai
unhen bhi dekh jinhen raste mein neend aayi
pukar ae jaras-e-karavan-e-subah-e-tarab
bhatak rahe hain andheron mein tere saudai
rah-e-hayat mein kuch marhale to dekh liye
ye aur baat teri aarzoo na ras aayi
ye saniha bhi muhabbat mein barha guzra
ki us ne hal bhi pucha to aankh bhar aayi
phir us ke yaad mein dil beqarar hai ‘nasir’
bichad ke jis se hui shahar shahar rusavai
Poet of the Poem / Ghazal or Nazam : Nasir Kazmi
Tumhare lahaje mein jo garmi-o-halavat hai
ise bhala sa koi naam do wafa ke jagah
ganim-e-nur ka hamala kaho andheron par
dayar-e-dard mein aamad kaho masiha ke
ravan-davan hue khushbu ke qafile har su
khala-e-subah mein gunji sahar ke shahanai
ye ek kohara sa ye dhundh si jo chai hai
is iltahab mein surmagin ujale mein
siva tumhare mujhe kuch nazar nahi aata
hayat naam hai yadon ka talkh aur shirin
bhala kisi ne kabhi rang-o-bu ko pakada hai
shafaq ko qaid mein rakha saba ko band kiya
har ek lamaha gurezan hai jaise dushman hai
na tum milogi na main hum bhi donon lamhe hain
wo lamhen jake jo vapas kabhi nahi aate
Poet of the Poem / Ghazal or Nazam : Akhtar ul Iman
Bat phoolon ke suna karate the
hum kabhi sher kaha karate the
mashalen leke tumhare gam ke
hum andheron mein chala karate the
ab kahan aisi tabiyat vale
chot kha kar jo dua karate the
tark-e-ehasas-e-muhabbat mushkil
han magar ahal-e-vafa karate the
bikhari bikhari zulfon vale
qafile rok liya karate the
aj gulshan mein shaguf-e-sagar
shikave bad-e-saba se karate the
Poet of the Poem / Ghazal or Nazam : Sagar Siddiqui
