uljhav ka maza bhi teri baat hi mein tha
tera javab tere savalat hi mein tha
saya kisi yaqin ka bhi jis par na pad saka
wo ghar bhi shahar-e-dil ke muzafat hi mein tha
ilzam kya hai ye bhi na jana tamam umr
mulzim tamam umr havalat hi mein tha
ab to faqat badan ke muravvat hai daramiyan
tha rabt jan-o-dil ka to shuruat hi mein tha
mujh ko to qatl kar ke manata raha hai jashn
wo zilihaz shakhs meri zat hi mein tha

Poet of  the Poems / Ghazal or Nazam :Aziz Qaisi

har sham jalate jismon ka gadha dhuan hai shahar
mar-ghat kahan hai koi batao kahan hai shahar
phutapath par jo lash padi hai usi ke hai
jis ganv ko yaqin tha ki rozi-rasan hai shahar
mar jaiye to nam-o-nasab puchata nahi
murdon ke sil-sile mein bahut meharaban hai shahar
rah rah ke chikh uthate hain sannate raat ko
jangal chupe hue hain waheen par jahan hai shahar
bhuchal aate rehte hain aur tutata nahi
hum jaise muflison ke tarah sakht-jan hai shahar
lataka hua tren ke dibbon mein subah-o-sham
lagata hai apni maut ke muh mein ravani hai shahar

Poet of the Poem / Ghazal or Nazam : Aziz Qaisi

Aap ko dekh kar dekhata rah gaya
kya kahun aur kahane ko kya rah gaya
un ke aankhon mein kaise chalakane laga
mere honton pe jo majara rah gaya
aise bichde sabhi rah ke mod par
aakhari hamsafar rasta rah gaya
soch kar aao ku-e-tamanna hai ye
janeman jo yahan rah gaya rah gaya

Poet of the Poem / Ghazal or Nazam :Aziz Qaisi